تكفون يا اهل الجي اكس ار الفزعه تكفون

[صاحب الذود]

السلام عليكم
اخوانى منتدى مكشات ارجو المساعده تكفون

عندى جيب جي اكس ار 2007 غيرت الزيت الاصلى حق الوكاله ومشيت عليه2888كيلو
وعاايرت الزيت لقيته ناقص شي بسيط وهل له حل افيدوني

وهل الزيت الاصلى انسب الى الموتر؟]:

[VIP-503]

هل انت جاي من خط طويل والسرعة عاليه

والان اكثر السيارات الجدد تنقص زيت يعني شي لايذكر تقبل مروري

[مخاييل صيف]

اخوي معي موتر نفس موترك امشي عليه 160 وفوق ينقص واذا خذاه الوالد الله يطول في عمره مشى عليه 120 ماينقص حتى لو بعد 4000
فالنقص المكينه يرحع على السرعه الزائده هذا الي عندي وسلامتك

[صاحب الذود]

اخوى vip503
والله انا توني شاريه ورحت عليه طريق الشرقيه حوالى 200رايح وجاى امشي عليه190

اخوى مخاييل صيف يعنى من كلامك شي طبيعي

طيب وش افضل زيت للمكينه

[صاحب الذود]

للرفع
نبي معلومات اكثر الله لايهينكم

[ن م ر]

معي Gxr وكنت اغير له زيت تويوتا وزيت تويوتا للمعلوميه خفيف وينقص بعد 3000
بس صرت الحين اغير له زيت سوبر جي تي الأصلي والحمد لله الحين حتى بعد 4000 ما ينص الا شي بسيط لا يذكر

ترى السرعه والمسافات الطويله تخلي الزيت ينقص وتعجل بتلف المحرك وأدائه إضافة إلى أنها خطر عليك وعلى عائلتك وعلى موترك


بالتوفيق أخوي

[توتاري]

اكيد يبي ينقص مادام مشيك على 190 كم

[VXR.2007]

للرفـــــع

[قمة افرست]

اذا بتعاير الزيت وتتاكد منه مزبوط الصباح قبل تشغله
او بعد ساعتين عايرة

[عابر شمال]

انا معي شاص 2009 ماشي 60 الف طبعاً ما اروح عليه خطوط بس تطعيس ،
اذا طعست عليه واراقي فيه اعاير الزيت القى فيه نقص بسيط والى اذا ماجاه لعن امشيه 6000ماينقص ، الزيت سوبر جي تي

[خالد الزومان]

مرحبا

اولاً : قبل ما تمشي من عند البنشري تاكد من عيار الزيت بنفسك وانزل تحت السياره في الحفره شيك اذا فيه تهريبات ( بعض الشباب ما عمره شاف سيارته من اسفل ) .
ثانياُ : لا تعاير الزيت وانت توك موقف من مشوار .. لانه اكيد بيكون ناقص وهذا طبيعي
ثالثاً : استخدم زيوت تحمل شعار الجوده زي بترومين و فوكس ..
( ملاحظه : زيت جي تي اكس لا يحمل اي علامة جوده ويمكنك تشوف العبوه لانه زيت معاد تصنيعه و سيئ الاستخدام )

[ن م ر]

( ملاحظه : زيت جي تي اكس لا يحمل اي علامة جوده ويمكنك تشوف العبوه لانه زيت معاد تصنيعه و سيئ الاستخدام )


كلامك صحيح اخوي اذا كان لا يحمل اي شعار من شعارات الجوده أو مطابق للمواصفات السعوديه فهو التقليد وسيء ومعاد تصنيعه

أما زيت الجي تي الأصلي اللي يحمل الشعارات المذكوره أعلاه فهو من أفضل الزيوت وأجودها
دليل ذلك أنهم يقلدونه ويغشون فيه

[الباثفندر 3.5]

الله يهديك ماشي 190 طول الخط
و الله السرعه تتلف المكينه و القير و تعرضك للخطر

[صاحب الذود]

جزاكم الله خير

افهم من كلامكم ان الزيت الاصح هو جي تي

[moooj]

كل السيارات الجديدة اذا تعدت السرعة 140 او 160 تبدا تنقص الزيت لأن المكاين المنيوم
مثل الكامري من 2003 وطالع نص علبة وانت طالع كل 500 كيلو اذا المشي فوق 160

[السد الغزير]

أفضل زيت حتى الان في السوق


ألــــتـــرا ســفـــن

[sarab88]

بعدين الله يطول بعمرك تمشي 190وين يبووو مسابقه هد ياخوي وكل مازادت السرعه والمشواااار طويل ينقص الزيت هذا شي عادي وارفق بعمرك وتقبلوووووووووووا مروري;)

[صاحب الذود]

جزاكم الله خير

على المعلومات ان والله حاب اجرب الموتر لانى توني شاريه

ودمتم بود..

اخوكم.. صاحب الذود