جيب لكزس امبير السرعة والبنزين لا تعمل

[لكزس كشخه]

عندي جيب لكزس 2004 وهناك عطل في امبير السرعة والبنزين حيث انها لاترتفع ولاتعمل واذا تعدت السرعة 120 تولع لمبة في الطبلون والامبيرعلى0 والبنزين ايضا اذا بقي الربع تولع لمبة بالطبلون والامبير لا يرتفع فما الحل والوكالة قاو 5000الاف والاحظ ان هذا العطل موجود في جيوب الكزس 2004-2005-2006؟

[D Max2010]

اتوقع على حسب الاستعمال يمكن جته طقه او شي من هذا القبيل.

[بدوي جنوبي]

ودى افيدك يا الكشخه
لكن اول مره تمر علي مشكله مماثله

ان شاء الله الشباب اللى عندهم لكزس يفيدوك

[برغي]

ان ماخاب ظني انه فيوز محترق او ريلاي ضارب

بخصوص عداد السرعه شيك صندوق الفيوزات اسم الفيوز speedometer

اما فيوز البنزين اسمهfuel اوgasاو petrol

اتمني لك التوفيق

[الربوض]

العطل عندك اخوي في نفس الامبير يكون خربان

انصحك تمر على الجابري في الصناعية القديمة بالرياض وخله هو بنفسه يشيك عليه

تراه بيفك الطبلون ويغير لك الامبيرات وان شاء الله اكون قدمت خدمه تشكرني عليها :D

تحياتي لك:good2:

[الطا مس]

اخوي مادام لمبة البنزين تشتغل فمعناه ان العوامه سليمه ولاتقرب التانكي وخله اخر الحلول ووده عند كهربائي ثقه لان المشكله في الانبير ويشيك على الفيوز وبالنسبه للانبير حق السرعه شيك على القطعه الي تجي في نفس جرم القير ويركب فيه فيش الاغلب انه من القطعه المذكوره

[ذري1000]

انا حصل لي في سيارة gxr 2001 فجأة الامبير السرعة لا يعمل وظهر لمبة في الطبون نفس اللمبة حقت الاوفر درايف ( اذا ضغطت الزر اللي على القير) وديته الى فني كمبيوتر وصار من الترس السرعة قيمته 45 ريال في القير وشغله 150 ريال مع الفحص بالكمبيوتر
الله يعينك وتلقى المشكلة ولا تكون غالية

[قمرنا]

أفصل أصابع البطاريه الاثنين
وبعد 10دقايق أو أكثرأعد تشبيك الاصابع
و دق سوتش لين تولع اللمبات فقط
وإنتظر 3دقائق ثم شغل.
وإن شاء الله يظبط...

[ابو الشمقمق]

انا عندي امبير الزيت لايعمل كمان والله مشكلة في ناقة البدو

[يكفيني نظرة]

السلام عليكم جميعا...
بالنسبة لمشكلتك انا صادفتني نفس المشكله بعداد السرعه وصار من قطعه ب60 ريال تلقاها اسفل السياره مشبوكه بالقير علما بأن السياره في اكس ار 2001 اظاهر انها حقت العداد وطبعا تم تغيير ها ب60 ريال بالوكاله وللإستفسار رقمي عندك بالخاص.

[خالد الزومان]

مرحبا
المشكله عندك اتوقع في حساس سرعة السياره
وهو يجي مركب على جرم القير من تحت لانه ما يعطي اشاره للكمبيوتر عن سرعة السياره .
وهذا يقدر يشيكه لك فحص الكمبيوتر ( يشبك كمبيوتر الفحص ويمشي بالسياره وبيبين معه العطل في الحساس) على ما اعتقد اسمه
vichil speed sensor

[لكزس كشخه]

جزاكم الله خير ........ وجاري معرفة الحل.

[ص ط ر]

أخوي قد صارت لي زي مشكلتك كنت مسرع ودخلت بشحنه بحص المهم جت سليمه و انا طالع منه اشوف الأمبير ما يرقى معي ولا يطلع لي السرعه رحت فحصته بمحل العضيب
وقالولي الترس حق الأمبير خربان وغيره لي 500

[حبـران]

ارحب يالنشمي

صار معي ان عداد البنزين تعطل وضغط الزيت في طبلون لكزس 2003 ومالقيت حل الا غيرت الطبلون كامل
وذلك بعد فحص التانكي وحساس الزيت تمام المشكله طلعت بالبلون لانه اكتروني وكهربائي
والله يعينك

[سوبر VTC]

ترس السرعة بالقير
التماس بظفيرة الطبلون
ارتخاء اسلاك قاعدة الكتاوتات و الفيوزات بالكبوت
حرك الظفيرة طقطق غطاء القاعدة
و لاحظ هل يحدث شي بالطبلون ام لا ؟

[دائم الوفاء]

شباب عندي مشكلة مع عداد السرعة لسيارة نيسان ارمادا ولم اجد لها حل وتعرف هاليومين فيه نظام ساهر يعني لازم الواحد يحدد سرعته وفقكم الله وشكراً على التعاون

[دائم الوفاء]

هل من مجيب

[ابوصالح77]

عداد السرعة ليس له دخل بعداد البنزين
عداد السرعة :
إذا كان لمبات الريوس ما تشتغل فهو من حساس الريوس بـ 60ريال وتركيبه بـ 50فأقل
وكانهن يشتغلن فإفحص ساعة السرعة وشيك على الترس
الترس بـ 40 والساعة كاملة 350 تقريباً وتركيبه بـ 50 تقريباً
عداد البنزين:
إضرب الطبلون بيدك وشف يتحرك وشيك على الفيوز