فيه رجه gx.r

[الباثفندر 3.5]

السلام عليكم
عندنا الموتر gx.r موديل 99 6 سلندر فيه رجه مع ونه بسرعة 60 و 80 و 100 و من بعد سرعة 100 تبتدي الرجه تزيد مع الونه الي تبط الراس المهم رحت و فكيت عمود الدبل و جربت مشيت و راحت الرجه و الونه و ما يمشي الموتر بدون عمود الدبل الا بضغط الزر الي تحت الفلشر اقصد اشارة التوقف
فما الحل هل شراء عمود دبل جديد وله المشكله من البككس الامامي ارجو الرد بسرعه
و عندي ملاحظه انه لما اكون ماشي 110 و فوق اقوم اشيل رجلي عن الدواسه تزيد الرجفه و يزيد الصوت واجد

[الكونترولCONTROL]

رأيي تفحصه بالميزان .... ربما المشكلة في الدبل

[راعي جيوب]

الله العالم أن الكارونه الأمامية فيها مشكله بالإضافة لعمود الدبل

[الباثفندر 3.5]

رأيي تفحصه بالميزان .... ربما المشكلة في الدبل
اخوي الميزان ما قالي السبب الاكيد للرجه و ما كان متأكد انه من عمود الدبل
و شاكر مرورك

[الباثفندر 3.5]

الله العالم أن الكارونه الأمامية فيها مشكله بالإضافة لعمود الدبل
ما فهمت عليك الكرونه شلون صايره
و مشكور

[هين 042]

ركب فرارات (( فلنجات )) ... احسن لك واريح للموتر والمخبات ..

وان شاء الله تدعيلي .. وانس همهن

وهذي صوره من الفرار اذ ما عرفتهن


http://www.m5zn.com/uploads/2010/4/24/photo/042410130440ncx4v7ruihs.jpg (http://www.m5zn.com)

[سلطان البدايع]

عليك بفحص رمان الكفرات الامامي
وفحص صليبات العمود

[almushraq]

اخوي انا سمعت ان هالمشلكه تجي في عمود الدبل يصير فيه مثل الميلان

ويسبب ونه وبعض الورش يقول بنسوي له خرط ماعندهم سالفه لانه مايضبط

ولازم يتغير وهذي تجي في التماتيك خاصه

[ابوعبدالعزيز2220]

فك العمود وده المخرطه يعمله ترصيص وانشاء الله ينحل عمود الدبل وعمد الدوران يمكن جايه ضربه

[قمة افرست]

اذا مشحم العامود قريب والشحم زايد يسوي رجه

[خالد الزومان]

مرحبا
اتوقع المشكله عندك في الكارونة الامامية

[الباثفندر 3.5]

الله يعطيكم العافيه على ردودكم و انا اليوم بركب عمود دبل جديد من الوكاله و ببلغكم بالي يصير معي علما بانه قيمته 1000 ريال و الله يستر

[الباثفندر 3.5]

الحمد لله شريت العمود جديد من الوكاله و ركبته و ضبط الموتر لا رجه و لا ونه و لا شي
بس انا ابي انصحكم عن عمود الدبل القديم الي كان راكب على الموتر انا دفعت 350 ريال على الفاضي لأني شريت صلايب من الوكاله و ركبتهم و سويت الطعج مال العمود بالمخرطه و كل هذا ما نفع ولا غير شي في الرجه و الونه الا القليل جدا
فلا تقعون بنفس الخطأ العمود اذا مطعوج فانه ما يتصلح,يتبدل فقط
و الحمد لله على كل حال
و لكم جزيل الشكر

[الباثفندر 3.5]

للرفع,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,

[sarab88]

اسمع ياخيي عشان ماتغث عمرك كانك بالرياض رح يم ورشه اسمه وحيد تخصص عمدان رح يمه وعلمه السالفه يمكن بالعمود فيه ميلان اوصليبات وان كان عامود نصيحه غيره لالاتتقروش مثلي والا اسمع ارفع الموتر على جنب وشغل الدفع الأمامي وشف كانه قبل ماتدعس هز الكفر على فوق مهوب على جنب على شان تشوف هو يرج والا لالا كانه يرج عطه الأول وادعس خفيف وشف كان فيه ونه فانه رمان امامي .وتقبلوووووووووا تحياتي:)

[الباثفندر 3.5]

اسمع ياخيي عشان ماتغث عمرك كانك بالرياض رح يم ورشه اسمه وحيد تخصص عمدان رح يمه وعلمه السالفه يمكن بالعمود فيه ميلان اوصليبات وان كان عامود نصيحه غيره لالاتتقروش مثلي والا اسمع ارفع الموتر على جنب وشغل الدفع الأمامي وشف كانه قبل ماتدعس هز الكفر على فوق مهوب على جنب على شان تشوف هو يرج والا لالا كانه يرج عطه الأول وادعس خفيف وشف كان فيه ونه فانه رمان امامي .وتقبلوووووووووا تحياتي:)
اخوي انتهم المشكله و كتبت الحل
و شاكر مرورك

[الكونترولCONTROL]

أخي ممكن توضح أكثر ... هل هناك صوت ( طقطقة )
أم رجة فقط ....

[الباثفندر 3.5]

اخوي كان في صوت ونه ور ور ور تبين من 60 و فوق

[ناصح]

تم تغير العنوان

لأنه مخالف

الرجاء عدم استخدام هذا الأسلوب المضلل في العناوين