مشكله في حراراة الباترول

[بندر.]

السلام عليكم ورحمه الله وبركاته

اخواني اسعد الله مساكم / وصباحكم بالخيرات

ومبروكين ياهل الديار الممطوره


يالربع عندي سفاري 92 صالون طبعاً ومركب له مراوح كهرب اذا مسكت خط ارتفعت الحراره تحت النص

واذا وقفت نزلت طبعاً مو دايم تجي واذا عايرت المويه لقيتها ناقصه ولا فيه تهريب قالت ياولد يمكن

من الغطاء ورحت وشريت اصلي ولانفع ورحت اليوم لحق الاديترات وفكه قال فيه تنديه من الجوانب

وقال لابد انك تغير الاديتر لان ماينفع لحام قلت غير ابوه قال فيه المنيوم صيني ويمدحه

يوم ركبه شبك المراوح صارت الثنتين يشتغلون مع بعض قلت ياولد وحده تشتغل مع المكينه والثانيه

مع المكيف قال لا انا كهربائي واعرف قلت طيب سكر الكبوت طبعا خفت يتعبث فيها

السؤال :

1- ةهل الحراره من الارديتر

2- المراوح تشتغل الثنتين مع بعض والا وحده مع المكينه والثانيه مع المكيف

وابي كهربائي متخصص في المراوح وانا من سكان البديعه بالرياض

افيدوني جزاكم الله خير

[مآإآإآجد]

نصيحه اخوويه اخوي بندر

بعد ماركبت الاديتر الصيني خلك عى مراوح الوكااله افضل لك


وراح تدعيلي

ودي لك

[بندر.]

الله يجزاك خير اخوي ماجد

يعني افهم من كلامك ان الاديتر الصيني زين

والا المراوح الكهرب مو زينه

وتبي الصدق انا ماركبتها انا شاري السياره وهي فيها

[عابر شمال]

اول شي مبروك عليك الاديتر الجديد والله يطرح فيه البركه بالنسبه للمراوح يلزمها حساس
نظام المراوح وحده اذا شغلت المكيف والثانيه عند حرارة تقريباً 60
لا تخليها تشتغل مع المفتاح لأنها تسحب عليك البطاريه .

[سوبر VTC]

ياطويل العمر

الباترول ناجحة مرواح الكهرب عليه
يركبون عليه مرواح سوبارو ريش كبار
تقريبا راكبه من 450 الى 600 مع شغل اليد
و بهن ميزة يصير المكيف ثلاجة :good2: بعز الحر
حتى لو الحرارة الظهر 48 و توقف ساعتين ماعندك مشكلة
لانهن يشتغلن مع اشتغال الكمبرسور
و المرواح تبرد اديتر المكيف و هذا يؤدي الى برودة الكمبرسور :good:

الكهربائي عندك سليمان الخطيب بالصناعية القديمة
بنفس ورشة التركي تخصص نيسان
او الدغيري او المنديل

ميزة المرواح خف العزم نسبيا قل الصرفية نوعا ما المكيف ثلج
الجمس و اليوكن م2007 و طالع مانجح و ثلج مكيفه و نامت الحرارة
الا يوم جا مرواح كهرب شد بلد :good:
طبعا الغوا مروحة السير

احد الربع ركب غطاء جديد لباترول ربع سلقة
و اذا تعدا سرعه 120
الحرارة تعدا الخطين
طلعا مركب غطاء اللي يجي استكر برتقالي
رجع للوكيل
و ركب غطاء بدون استكر

و نامت الحرارة بين الخطين :good::good:

بخصوص نقص الماء
رد في موضوع سابق

تاكد
من طبات رقع المكينه حقات السلندر مع الجوانب
+
توجد رقعه بين المكينة و القير احتمال تحصل اثر ماء
تاكد من عدم تنسيم الخراطيش من عند القفزان
تاكد من طبلات الاديتر خصوصا اذا جلدت الموتر بتطعيس تحصل اثر ماء
تهريب الطبلة يكون من خلال وجه الطبلة او انشعار و كسر الطبلة بلاستيك
تاكد من رصات الاديتر لايكون هناك تنسيم
اهم شي الموتر يكون محتمي جدا يفضل التطعيس :good:
عشان تطلع العيوب و تكون بينة :good:
تاكد من وجه الطرمبه
تاكد من تامين الطرمبه من اسفله احتمال تندي دخل موترك بحفرة و ناظر المكينة من الاسفل تحصل اثر ((صدا)) و تهريب على الطرمبه من عند التامين فتحة او جخر صغير جدا
تاكد من عدم تهريب او تنسيم اللي اللي راكب على غطاء الاديتر حق القربة



ولع المكيف الظهر و اجلس حول ربع ساعه يعني بعز الحر
همن افتح الكبوت بعد ربع ساعه اهم شي يحتمي مره
و ناظر طبلات الاديتر احيانا ينسم الماء من عندهم و يمكن يتبخر
راح تلاحظ تعريق الماء
احيانا يكون تنسيم من نفس الرصات (شق)
احيانا يكون من غطاء الاديتر تعبانه ربلته ما تحجب الماء
لانه بسببه يروح الماء للقربه و يحتمي الموتر
تاكد من طرمبه الماء (التامين) احتمال ينقط
تاكد من وجه الطرمبه
اجلد الموتر بمشور بالديره تقريبا 5دقائق كانك بسباق سرعه ملحوق http://www.mekshat.com/vb/..//images/smilies/smile.gif
تدوس بسرعه همن تهدي بسرعه تنام على الفرامل http://www.mekshat.com/vb/..//images/smilies/biggrin.gifhttp://www.mekshat.com/vb/..//images/smilies/tongue.gif
همن افتح الكبوت و افتح غطاء الزيت
اذا لاحظت على نفس الغطاء حليب ابيض فهذا بخار من الاديتر (ماء)
احتمال ان الراس عندك به شعر خفيف او وجه الراس اللي بين الراس و السلندر
تعبان ما يحجب الماء و الزيت

اذا احتمى الموتر الظهر
طف الموتر
راح تسمع صوت تس تس تس تس تنسيم
يكون من الطبلات او رصات الاديتر او من مكان اخر
او من الليات اللي رايحة للدفاية
لي خروج و لي دخول
او تهريب من الدفاية عند رجلين الراكب
لو تفتش الفرشة احتمال اثر ماء تحت الفرشة

موضوع متكامل و رائع من العضو فني الشيروكيات :good::good:



1- هل تعاني من ارتفاع حرارة سيارتك هنا تجد الحل بإذن الله (http://www.mekshat.com/vb/showthread.php?t=146840) للعضوا فني شروكيات

2-حرارة السياره بهذلتني وبالنهايه اعانني الله عليها (http://www.mekshat.com/vb/showthread.php?t=161939) للعضواكبسوله2

3-اسباب ارتفاع درجة الحراره بالسياره (http://www.mekshat.com/vb/showthread.php?t=146306) للعضواشامخ الهيلا

4- نركب جرس بحيث يرن اذا وصلت الحراره للنص (http://www.mekshat.com/vb/showthread.php?t=221329) للعضوا اصيل حجازي

5- مروحة بلد مراوح كهرب حراره (http://www.mekshat.com/vb/showthread.php?t=196275) للعضوا بحر القصيد

6- كيف تتصرف اذا ارتفعت درجة حرارة محرك سيارتك (http://www.mekshat.com/vb/showthread.php?p=61351) للعضوا كاتم اللهب

7-اسباب الحراره في محرك السياره (http://www.mekshat.com/vb/showthread.php?t=4468) للعضواالمكنيكي

8-الحل الجذري لحرارة اليوكن والمكيف (http://www.mekshat.com/vb/showthread.php?t=213086) للعضوا هانتر

[بندر.]

الله يجزاكم كل خير

وبيض الله وجيهكم على ردودكم وتفاعلكم ونصائحكم

اخوي سوبر فتك

ماذا تقصد بالغطاء هل غطاء الاديتر ابو لصقه برتقاليه

اذا هو توني شاريه من محل قطع الغيار وقال هذا الاصلي


الله يوفقكم

[خالد الزومان]

مرحبا

اولاً : اذا كانت الحراره ترتفع مع السرعه فهذا يكون من الاهواز ( الخراطيش) الى من اللديتر الى المكينه ( الى فوق والى تحت ) تنصفط مع السرعه وتضيق مجرى الماء الى رايح اللديتر .
ثانياً : اذا كانت الحراره مع وقوف السياره فهذا يعني مراوح التبريد او كلتش المروحة في بعض السيارات .
(طبعاً مع ملاحظه ان الماء ما يكون ناقص في اللديتر او القربة الاضافية)
ثالثاً : مراوح التبريد لها سرعتان بطيئ وسريع .. وما تشتغل السريعه الا عند تشغيل المكيف وارتفاع الحراره ... وبالتوفيق

[بندر.]

هلابك اخوي خالد

الحراره ترتفع مع السرعه يعني من الخراطيش اغيرها برايك


وبالنسبه للمراوح اليوم مريت كم كهربائي قريب من البيت وقلت ان المروحتين تشتغل مع بعض وتطفا سوا

واشتغلت عندهم وطفت قالوا كذا عادي


والله احترت بصراحه

[خالد الزومان]

مرحبا
انت ممكن تختبر الاهواز ( الخراطيش ) والسياره واقفه ادعس بنزين الى سرعات عاليه وناظر على الخراطيش لاحظ اذا كانت تنصفط مع زيادة سرعة المحرك .. خاصة الخرطوش السفلي
بعدين شيك عليها من ناحية مرونتها .

[al harbi]

اخوي بندر
السلام عليكم انا كان عندي باترول موديل 91 وكانت حرارته مطفشتني وسيخت الاديتر ومافيه فايده وكان المشكله بسيطه كان الديلكو ماهو موزون كان مختلف عن الوزنه ووزنت وزنة شراره عند الكهربائي وضبطت الحراره على اقل من الربع وكان المراوح بلده ومع المكيف وممكن ان تكون المشكله نفس المشكله الي عندي جرب اوزن الديلكو كلها ب25 ريال منت بخسران
ملاحضه (وزنت شراره لاتوزنه يدوي )

[بندر.]

الله يجزاكم خير اليوم ابجرب الخراطيش

وبالنسبه للدلكوا وازنه قبل فتره

الله يوفقكم اخواني

[سوبر VTC]

ماذا تقصد بالغطاء هل غطاء الاديتر ابو لصقه برتقاليه


لاهنت
المفروض تركب الغطاء اللي بدون استكر
عموما
لو وصلت الحرارة الخط الثاني على سرعة 120 مثلا
فلازم تبدل الغطاء
كل بلف له رقم خاص