ايهما اشتري ماطور هوندا او ماطور روبين

[badi]

اسعد الله اوقات الجميع

اود شراء ماطور للرحلات صغير 650 وات او 1000وات
بس محتار بين نوعين او ثلاثة هوندا وفيه نوعين ياباني وهندي السعر ما بين 1250 و1300
والروبين 1350 ياباني طبعا زيت وبنزين كل واحد لحاله اما النوع الثالث ماطور سوزوكي فيخلط زيت وبنزين مع بعض .
بصراحة محتار بين هالانواع الثلاثة وهل تنصحونني بالهوندا الصناعة الهندية لاني ما لقيت ياباني في الوكالة عن عبد الله هاشم او الروبين الياباني مع ملاحظة ان الروبين ليس له وكيل الي عنده تجربة او راي يفيدنا وشكري للجميع .

[ابوسعدبدر]

تحيتي لك خذ الروبين وانت مغمض انا عندي روبين صغير 600 وات له اكثر من 18 سنه كنت استخدمه ولكن له تقريبا حدود عشر سنوات من يوم جات المحولات على البطاريه ما استخدمته وقبل شهر حطيت فيه شوي بنزين قلت ابشوف بيشتغل ولا لا والله ماشيكت حتى على الزيت لأني قلت في نفسي ماراح يشتغل وهندلته مرتين او ثلاث الا يوم اشتغل ولله الحمد هذا من تجربتي الشخصيه وتراي شاريه من الحراج مستعمل ولجودته انا ما استخدم الا روبين وكذلك قبل ثلاث سنوات اشتريت روبين 7500وات علشان كرفان عندي ولله الحمد شغال ما احسن منه وانت الحكم واتمنى لي ولك وللمسلمين اجمعين التوفيق والسداد .

[اصيل نجد]

صباح الخير باخوي معروف بالمواطير اللى لك وللزمن 1 هوندا يجي بعده يانمار ويجي بعده روبين بالنسبه يانمار مايجي صغير والهوندا كد ومد اذا كان ياباني اصلي بالنسبه للهندي ماعندي فكره الروبين اضم صوتي لصوت ابو سعد بدر الله يوفقه فعلا الربين يتحمل وياباني ياباني وبالنسبه لخوفك علشان الوكاله قطع غياره متوفره بكثره بالصناعيه وبشارع الريل علي قفا من يشيل وكل واحد يصلحه يعني مافيه مشكله الله يوفقك .

[المبيريك]

صبحك الله بالخير يا الغالي .... انا اتكلم من واقع تجربة خذ الهوندا بس شرط يكون يكون ياباني 100% .

[MNH]

الروبن وانت مغمض تراه مثل التيوتا في المواتر

[ورَاااد]

الروبين ولاتنشد
اسال مجرب ولا تسال طبيب

[بو جريس 73]

انصحك ياخوي بالمستبيشي والله انه صح

[عبد السلام ضيف الله الشلاش]

بسم الله الرحمن الرحيم

الروبين افضل من غيره , ترى خبري قديم , يمكن تغيرت الصناعه .

[عصام 861]

انصحك اخوى فى الهوندا بس دور اليابانى ولا المستوبيشى اترك الروبن القديم ممتاز الجديد مايصلح احسن مافية قطع الغيار متوفر لاكن مو عملى انا اكلمك بعد تجربة وهذا رايى ولك تحياتى

[alsafe65]

اعتقد الهوندا

لان الورش في الصناعية تاجر مواطير 6.5 كيلو وكلها هوندا
لانها تتحمل الكرف
والله اعلم

[F_15]

بالنسبه لي انا مجرب الروبن و الهوندا


وبصراحه كلها حلوووووووووووووه و تكد و تصبر على الكد و الكرف


بس الان انا على الهوندا لان لها وكيل و تضمن القطع الغيار ،،، يعني لو انت تبي تناظر لقدام


و الروبن لا تخاف من ناحية قطع الغيار الصناعيه موجوده و فيه شي اسمه توليف ،،، يعني لا تخاف


و بالنسيه لسوزوكي ما لي تجربه معه خصوصا هذا الي تخلط بنزين و زيت
واتوقع انه فيه خطا في الاسم ممكن يكون سوزاكي او شي مشابه لـ سوزوكي


واذكر واحد في الحراج الله يذكره بالخير كان يحذرني من المكاين الي تخلط بنزين و زيت لان يحتاج
اهتمام و عناية كبيره



واذا تبي رأيي ،، هــونــدا ،،
في الوقت الراهن

[جيبي جايزلي]

هوندا بس يصير ياباني اكيد
اوروبن وبس

[دل البحار]

الحبيب
دامك تبي الزين للكرف وتحمل الاول هوندا +يانمار كلهم نفس بعض الياباني الاصلي غير الهندي
الثاني روبن +الهوندا الهندي نفس بعض بأفضليه للروبن كونه ياباني
تجربتي مع الروبن في سنه وشوي وضبته مرتين وما يضبط مع التوضيب يخيس ويطفي ويبهذلك اشر بهذله نص ساعه وطفى
الهونداالياباني له معاي سنتين ونص ولا هرجه وكرف تحميل الين يفطس لكن شغال الروبن لا منك حملته يتغير ويصيح ويبدى ياكل شنبر الين يبوش
اليانمار جباااااااااار وروعه يطربك

بالنسبه لخلط البنزين مع الزيت انحااااااااااش عنه ولو لابد اوزن الزيت مع كمية البنزين هو يبهذل في عجته ودخان اول ربع اونص ساعه ما عادتشوف من العجه وترى الكلبليتركل فترهتنظف كلبليتر وتانكي وبواجي يعني صيانة واجد

[ندفا]

الله يسعدكم على تواجدكم وتجاوبكم
انا ابحث عن ماطور كهرباء روبن او هوندا
ولكن صغير الحجم وبدون صوت
لو مايشغل الا خمس لمبات 500 او 600 واط فقط
حاجتي فيه
ودي اشري 2 واحد عند الرجال والثاني عند الحريم واسلم من الأسلاك والتشبيك

وياليت سعرة مايزيد عن خمس مية ريال للواحد
اللي عنده خلفية لا يبخل تكفون

[دل البحار]

الله يسعدكم على تواجدكم وتجاوبكم
انا ابحث عن ماطور كهرباء روبن او هوندا
ولكن صغير الحجم وبدون صوت
لو مايشغل الا خمس لمبات 500 او 600 واط فقط
حاجتي فيه
ودي اشري 2 واحد عند الرجال والثاني عند الحريم واسلم من الأسلاك والتشبيك

وياليت سعرة مايزيد عن خمس مية ريال للواحد
اللي عنده خلفية لا يبخل تكفون

الافضل خذ لك واحد بدال الاثنين بيشغل لك الانوار كلها لا تخاف انو ما حيشغلها لكن مبلغك يادوب يجيب لك تايجر الصيني وما انصح فيه الا موقتا وترى اذا تحمل ينحرق على طول زود مبلغ محترم فوق الا 4500 وخذ لك هوندا كاتم صوت اريح لك 2000 شمعه

[MNH]

اذا تبي لك وللزمن استخدام وصيانه خذ الروبن ولا تمالي بس خذ الاصلي

شف هذا الموضوع بيفيدك كثير

http://www.mekshat.com/vb/showthread.php?t=324619

[البواردي واحد]

خذ الهوندا مغمض الف شمعه القيمه الف ريال وغير مزعج
ويوجد قطع غيار متوفره فب السوق