حرارة الباث فايندر

[هملول السحاب]

السلام عليكم ورحمة الله وبركاته

اخواني اعضاء مكشات انا شريت والحمدلله باث فايندر 2005 ستاندر قير تماتيك وكالة ماشاء الله عليه.

اليوم جالس افر عليه والمكيف شغال ماشاء الله عليه الحرارة فوق الربع بشوي والجو تالي الليل ماشاء الله مايحتاح مكيف. قمت وطفيت المكيف والحرارة قامت تزيد توصل الثلث الى النص واذا شغلت المكيف نزلت الى فوق الربع بشخطة.

الاستفسار هنا : اذا شلت البلف يأثر على الماكينة ولا لا ؟؟؟

ماودي اركب مراوح سوبارو ومدري ايش والعب بالموتر والسيارة ماشاء الله حتى البر ماطبته الا قليل والدبل يمكن اشتغل بعدد اصابع اليد فقط ( اذكروا الله ياجماعة ) ترا العين حق.

وش تشيرون علي..

ماء الرديتر مب ناقص ولا شي بس المشكله اتوقع بالبلف ودي اشيل البلف بس خايف..

وش رايكم ياجماعة....

[سوبر VTC]

الله يطعمك من خيره و يكفيك شره

ادخل الرابط التالي
تحصل ردي و متبوع بالروابط :good:


http://www.mekshat.com/vb/images/misc/subscribed.gif مشكلة الحرارة ...,,,,, الرجاء الدخول .... باث فندر 2004 تماتيك . (http://www.mekshat.com/vb/showthread.php?t=291048)


موفق

[ابو فيصل 99]

مشاءالله عليه
اخوي شيل البلف وسيخ الاديتر
ودع لي

[راعي البهقا]

ادخل على موضوع
الى من يعاني من حرارة موترة

[هملول السحاب]

الله يجزاكم خير اخواني

اليوم الصباح داومت على السيارة وكانت من اروع مايكون الحرارة فوق الربع بشوي وانا راجع البيت الساعة 11 كنت واقف عند اشارة واول مافتحت دعست له شوي وفزته مايحتاج امدح وبعدها بشوي قام يرتفع امبير الحرارة وعلى طول وقفت وفتحت الكبوت وخليتها تبرد السيارة وبعد مابردت فتحت غطاء الرديتر واذا المويا حقته احمر ونظيف كنه شربة فيمتووو هههه..

بعدها شغلت ومشيت طبيعي والحرارة تمام طلعت عليه مشوار شوي يعني 40 كيلو كذا بعدها والسرعة 130 الى 140 والحرارة ماشاء الله فوق الربع بشوي...

المهم مالكم بالطويلة مادري وش الدبرة وماودي اخسر والعب بالموتر ياجماعة السيارة والله نظيفة حيل وماودي اسيخ الرديتر لانه جديد والله.

[رفيع المقآم]

يالغالي شيك على المروحه لان تقول اذاشغلت مكيف تنزل عشان اشتغلت مروحه المكيف واذا بدون ترتفع لان المروحه الاساسيه للموتر بها بلا يمكن الكلتش يمكن البكره يمكن نفس المروحه شيك عليها وانا اخوك يالغالي مايحتاج احلف لك ان السالفه من المروحه والله يوفقك ويباركلك بالموتر

[ويلومني]

الله يطعمك من خيره ويكفيك شره أحتمال والعلم عند الله أنه من أتوماتيك المروحه

[خالد الزومان]

مرحبا
هل المراوح كهربائية ولا عاديه ابو كلتش ..؟

[هملول السحاب]

الاخوان منوتي الشاص / ويلوموني

المروحة مافيها شي والتماتيك كويس

الاخ خالد الزومان

السيارة وكاله مروحة داخلية وخارجية كهربائية امام الرديتر وكلها شغالة

واحب اضيف ان الحرارة مع الخط فوق الربع بشوي لكن اذا وقفت حتى بدون مكيف نص واذا حركت نزلت...

وش رايكم اشيل البلف لا اخليه

[abo tayyar]

غير غطاء الاديتر بـ 30 ريال يمكن يكون فيه تبخر من عنده واذا شغلت المكيف تشتغل المراوح وتنزل الحراره ..
وعندك البلف حق الحراره إذا كنت متردد أنك تفكه غيره بجديد يمكن مصدي ..
وأحتمال كبير يكون تصييخ وتراه مسأله سهله يعني عادي ما فيها لعب بالسياره ..
واذا بتريح موتر وترتاح غير الأديتر بأديتر أردني رصتين بـ450 ريال لأن حق الوكاله رصه وحده وإذا صيخته بيحتاج بعد فتره تصييخ مره ثاني والاديتر تراه مجرب أكثر من سنه الحراره فوق الربع بشوي ..
اذا تبي رقم الموزع حقه عطني خبر ...


والله يوفق الجميع ,,,

[سوبر VTC]

واحب اضيف ان الحرارة مع الخط فوق الربع بشوي لكن اذا وقفت حتى بدون مكيف نص واذا حركت نزلت...

وش رايكم اشيل البلف لا اخليه


الحرارة طبيعي تنزل بالخط لان الهواء يضرب الاديتر
بدليل كلتش مروحة المكينة يفصل
اما عند الوقوف فلازم ترتفع الحرارة لانه لايوجد هواء قوي يضرب الاديتر
و يتم تعويض ذلك بمروحة المكينة + مروحة الكهرب المكيف
و اذا ارتفعت الحرارة
لازم البلف يفتح عشان يمرر ماء الاديتر البارد الى المكينة
للمحافظة على درجة حرارة المكينة
لو ارتفعت الحرارة فوق اللازم فهناك خلل في دورة الماء
بلف تعبان طرمبة ماء اديتر مسكر
نصيحتي لك الغ البلف الداخلي و من ثم لاحظ الفرق بعد ذلك
هل دخلت على الرابط السابق ؟
هل مروحة المكينة الداخلية سير ام كهرب ؟

سبق اني مشيت مسافة 40كيلو الظهر على سرعة 140
و درجة حرارة الجو 47
و كنت فاصل مراوح الاديتر مرواح سوبارو بديلة عن مروحة الاديتر
تعمدت انهن مايشتغلن
و ثبتت الحرارة طول الخط على درجة 84 تقريبا
و بعد ماوصلت الديرة قمت و شبكت المرواح
هذا دليل ان الموتر بالخط مايحتاج مرواح لان الهواء الخارجي يضرب الاديتر و من ثم تبريده

[راعي البهقا]

اخوي غير الراديتر براديتر اردني مع غطا وكالة
ارجو الدخول على هذا الرابط للاستفادة
http://www.mekshat.com/vb/showthread.php?t=286666
بعنوان الى من يعاني من حرارة سيارتة وانا أتكلم عن حرارة الباثفندر

[راضي2004]

يااعزااائي الكرام................اسمعو نصيحة لاااحد يفك البلف ابدآ لا الداخلي ولا الخارجي....
الحرارة للبافندر تأتي ع ثلاث اقسام
1_تماتيك مروحة(اذا طفيت المحرك والمروحة لسى تلف فهي عطلانه والعكس
2_مروحة المكيف(حط ورقة امام الشبك اذا سحبتها للداخل فهي شغالة واذا للخارج اعكس السلك حق المروحة واذا لاهذي ولاذيك فهي عطلانه
3_الرديتر..(اذا مصدي او رصه صيني او مويا عايدي فغير الماء بماء احضر تايوتا ومن ثم شف الاخلاف..
اتمنى انني اختصرت وهذا اجتهادي من مجرب طبعآ ولسى معلم..

[هملول السحاب]

السلام عليكم ورحمة الله وبركاته

اخواني الإعزاء اشكر لكم تفاعلكم مع الموضوع وتم حل المشكله بشئ بسيط وهو:

فك البلف الأمامي والحمدلله الحرارة من فكيته صارت اقل من الربع المكيف شغال ولا طافي سرعة 160 او 60 الحرارة مافيه ولله الحمد.

وبالنسبة للبلف اذا الله احيانا ان شاء الله راح اركبه في الشتوية الجاية ان شاء الله.

[aljnobey]

اولا السلام عليكم ورحمة الله وبركاته

يا شباب بالنسبة للحرارة فهي من اكثر من مشكلة تصير ولا احد يعرف وش تكون

المهم بالنسبة لي ؟؟ شريت ونيت 2008 وكان الديتر مضروب وقمت وغيرته بواحد وكالة المنيوم
ويم ياخذ له شهر واحنا في منطقة ابها الا والاقي الحرارة ضاربة النص

والله شغله والديتر جديد ماله شهر
المهم رحت لمحل لديترات ويفك الديتر ويسيخة والله وياهي طالعة مادة بيضاء تقول لبن

سألت المهندس ليش قال كل اللديترات الجديدة الالمنيوم لازم من فترة لفترة تسيخة لانها تجتمع فيه
البرادة من الحرارة والبرودة وتسد المواسير الداخلية في اللديتر
وللتاكد اذا كان اللديتر مسدود
حاول تتحسس المنطقة الوسطى في اللديتر وتشوف فرق الحرارة ما بين الوسط والاطراف لو لقيت الحرارة مختلفة
اعرف ان اللديتر مسدود وما تمشي دورة الماء في اللديتر صح

وسلامتكم جميع