من شاور ما خاب ورأيكم يهمني

[ارمااداا LE]

السلام عليكم

حياكم الله جميع ..

بعد التوكل على الله .. عزمت على اقتناء شوزن ..

ولكن احترت بتعدد الانواع والموديلات ..

عموما حاليا وجدت هذا النوع وجايز لي وابي الشور منكم لا عدمناكم ..

هل هي عمليه وتستاهل قيمتها او ادور غيرها ؟ علما انها محدوده علي بـ 500ر12

اتمنى الافاده الله يهينكم .. وهذي الصوره وطبعا جديده

http://img710.imageshack.us/img710/2363/aywpw02mcywj.jpg (http://img710.imageshack.us/my.php?image=aywpw02mcywj.jpg)

[فارس مكة]

لا علم لي .... يفيدونك الشباب ... الله ييسر لك امرك ... اميييننن


احترامي

[عاشق الفتك 20]

عزز الله انهاا البندق الممتازهـ لاتفووتك
وهاذي بـــلاك أيــجــل وهي تستااهل هاا القيمه
وخذهاا ولاتشااور خذها مني ومن مميزاتهاا

1- سرعة الرمي .
2-قليلة الخراب.
3- خفة الوزن.
4- ترمي كل انواع الطلقات البنلي الى 58 جرام والسوبر الى 66 جرام.


اتمناا اني افااادتك وتقبل مروري
عــاشـــق الــفــتــك 20

[محمد الهديب]

هذي البلاك ايقل من بنلي افضل انواع البنادق
خذها و اتكل على على الله

[طير بيروت]

مبروك مقدما اعقلها وتوكل

[ارمااداا LE]

السلام عليكم .. هلااا وغلااا كلن باسمه .. لا عدمت هالوجيه الطيبه

يقول راعيها ان اسمها بنلي ليمتد ..

وش تصير هذي وهل سعرها مناسب .. الله يعطيكم العافيه

[ارمااداا LE]

يا اخوان هذي صوره اوضح وش رايكم اشتري بحد راعيها ولا ؟؟ ارجو الافاده

http://store2.up-00.com/Apr10/UNz07564.jpg

[emm]

وعليكم السلام ورحمة الله وبركاته

هذا سوبر بلاك ولا سوبر سبورت

[الشيخ قوقل]

ونعم بك وبالبارود
هذي بارودي المشبعة
مكتوب عليها الكام فورت بمعنى السلسلة المريحة
ولا يوجد أخف من ذراعها التشغيلي
القيمة لك عليها لكن تستاهل أنت والبارود
تشبع من صيدة

[ارمااداا LE]

وعليكم السلام ورحمة الله وبركاته

هذا سوبر بلاك ولا سوبر سبورت

هلااا بك .. والله علمي علمك ..

[ارمااداا LE]

ونعم بك وبالبارود

هذي بارودي المشبعة
مكتوب عليها الكام فورت بمعنى السلسلة المريحة
ولا يوجد أخف من ذراعها التشغيلي
القيمة لك عليها لكن تستاهل أنت والبارود

تشبع من صيدة


كفو وما عليك زود يا شيخ قوقل .. سلمت

بس افصح بارك الله فيك .. يعني تستاهل بحدها ولاني مغلوب ؟؟

جزاك الله خير ..

[ارمااداا LE]

السلام عليكم ..

في حاجه ثانيه .. انها ما تحمل رقم !! يعني لازم تشوف احد ينقش عليها رقم عشان التصاريح ..

هااا وش العلم يا اخوان ناخذ ولا نهون ؟؟

[ابو جملا]

انقش عليها رقم ماهي رادت الارقام اقرب نقااااش

[مرهف]

السلام عليكم ورحمه الله وبركاته
أخوي ارمادى هذا سوبر بنلي ايقل 2
خذها وتوكل على الله وبالنسبه لسعرها طيب مدام معاها المخزن الاضافي الاصلي
تقبل مروري أخوك مـــــــــــــرهف

[عاشق نفل]

وخذها ولا انا اللي باخذها اذا هونت :) :)

[راعي سمنان]

اخوي هي من شيخة السلاح سوبر بلاك ايقل خذها ومنتب متحسف ان شاء الله وسعرها فيه زود شوي وانا اخوك بس الجديد نادر ومطلوب .... من المهم تتأكد ان جميع الملحقات موجوده واهم شيء المخزن الأضافي يجي معها .

مبروك مقدماً و تشبع من صيدها ان شاء الله

[ارمااداا LE]

السلااام عليكم .. حيا الله كلن باسمه .. لا عدمت هالفزعه من الطيبين

وشوركم ناصح وما يخالف .. ولكن هل فيه مشكله مع التصريح لو نقشته هنا ..

عافاكم الله .. لكم جزيل الشكر

[معذب الصوت]

الله يوفقك ويعطيك خيره ويكفيك شره يارب

[عاشق البيكال7]

هذي ليست لمتد مافيها عيب إلا المصورة وإلا فهي أفضل شوزل

[النوفي 3535]

اخواني الاعزاء هي ماهي سوبر بلاك انيجل
هذي m2