وش الحل مع راس مكينة الباترول ؟؟!!

[غريب الشمال]

السلام عليكم ورحمة الله وبركاته

حيا الله جميع الأعضاء المكشاتية..

السالفة وما فيها يا الربع إن عندي باترول -99 4500 بخاخ-


ارتفعت علي الحرارة ما أدري ليش ؟

وقام يدخن دخان ابيض

وانشعر راس المكينة

وغيرته تشليح مفحوص ومشى وضعه

لكن

بعد 7 شهور انشعر الراس الثاني وكنك يا ابو زيد ما غزيت؟؟!!

مع أني كنت متابع الحرارة زين وكانت طبيعية ما تتعدى الربع إلا نادراً

وفجاة وبدون مقدمات

ارتفعت الحرارة :f بشكل رهيب

وانطلق الخرطوش الكبير العلوي

وصار اللي صار


وش رايكم في الاجراء اللي اتخذه معه لأني ما أحب الحركات هذي ؟؟!!

وجعلكم ما تشوفون شر جميعاً

[خالد الزومان]

مرحبا
اولاً : مستحيل ان الحراره ترتفع فجاءة ويصير الى صار من دون مقدمات .
يعني ممكن تكون مراوح التبريد ما تشتغل او كلتش المروحه عطلان ... او ماء اللديتر خلص بدون ما تدري
ثانياً : انشعار رأس المكينه ما يحدث الا من زيادة درجة الحراره بأستمرار
ثلثاً : هل انت متأكد ان ساعة الحراره تعمل بشكل صحيح .. وكذلك امبير الحراره الى في الطبلون .
يمكن ما يعطي قرأة سليمه وانت طول هذي الفتره تمشي والحراره مرتفعه على السياره .
رابعاً : اذا شريت رأس مكينه مستعمل وده للمخرطه قبل ما تركبه علشان يفحصونه بطريقتهم الخاصه اذا كان سليم او يحتاج خرط .
رابعاً : هل المكينه شد بلد ولا فيها اضافات .

[غريب الشمال]

مرحبا
اولاً : مستحيل ان الحراره ترتفع فجاءة ويصير الى صار من دون مقدمات .
يعني ممكن تكون مراوح التبريد ما تشتغل او كلتش المروحه عطلان ... او ماء اللديتر خلص بدون ما تدري

وحده من مراوح التبريد كانت ما تشتغل وصلحتها وكلتش المروحة مغير وكالة قبل فترة ليست طويلة


ثانياً : انشعار رأس المكينه ما يحدث الا من زيادة درجة الحراره بأستمرار
ثلثاً : هل انت متأكد ان ساعة الحراره تعمل بشكل صحيح .. وكذلك امبير الحراره الى في الطبلون .
يمكن ما يعطي قرأة سليمه وانت طول هذي الفتره تمشي والحراره مرتفعه على السياره .


تصدق هذا احتمال وارد وبقوة ولا طرى علي قبل كذا!

السؤال: كيف اتأكد إن قرائته سليمة؟؟


رابعاً : اذا شريت رأس مكينه مستعمل وده للمخرطه قبل ما تركبه علشان يفحصونه بطريقتهم الخاصه اذا كان سليم او يحتاج خرط .

تم فحص السابق لدى مخرطة اليمامة وقالوا: تمام.


رابعاً : هل المكينه شد بلد ولا فيها اضافات .

أبداً شد بلد ولا عليها أي إضافة



يعطيك العافية أخوي خالد وأشكرك شكراً جزيلاً على إضافاتك المفيدة

[الدسم305]

السلام عليكم صبحك بالخير اخوي
انت ذكرتني بنفس مشكلة واحد من عيال عمي معاه باترول 2006 جديد صارت له نفس السالفه ارتفاع حراره مفاجئ المهم ماخلينا مكان مارحنا له كل شي غيرناه بين جديد وبين تشليح والموتر كان جديد ماشي اقل من 100 الف المهم قالو فيه ورشه في بريده يشتغل فيها واحد سعودي شايب ماشالله نصوح وشغله تمام
رحنا له وعطيناه السالفه من والى وكل شي غيرناه بالموتر كل مسببات الحراره
قال موترك مشكلته بالكنداسه <<<<< انا حسبته يمزح المهم قلنا شلون طيب قال روح فكها ونظفها وتعال رحنا لورشه وصفها لنا ماتصدق لقينا مواتر جدد موديلات حديثه كلها نفس سالفتنا قصو الكنداسه ونظفوها وطلع منها بلاوي الله لايوريك اثر الموتر كان غاص هههه وحنا مادرينا ورجعنا له وتغير الموتر 200 بالميه بس لقينا الراس منشعر وضبطناه عنده وماشاء الله الى يومك هذا الموتر مافيه الا العافيه .. واذا تبي مكان الورشه رد لي خبر وبوصفلك مكانها
وتقبل مروري واسف على الاطاله

[sarab88]

انا والله طال عمرك ماقدراضيف على الأخواان بس شيك على الأديتر يمكن انه يفوور يعني يبيله تسييخ وتقبلوووا مرورري

[غريب الشمال]

السلام عليكم صبحك بالخير اخوي
انت ذكرتني بنفس مشكلة واحد من عيال عمي معاه باترول 2006 جديد صارت له نفس السالفه ارتفاع حراره مفاجئ المهم ماخلينا مكان مارحنا له كل شي غيرناه بين جديد وبين تشليح والموتر كان جديد ماشي اقل من 100 الف المهم قالو فيه ورشه في بريده يشتغل فيها واحد سعودي شايب ماشالله نصوح وشغله تمام
رحنا له وعطيناه السالفه من والى وكل شي غيرناه بالموتر كل مسببات الحراره
قال موترك مشكلته بالكنداسه <<<<< انا حسبته يمزح المهم قلنا شلون طيب قال روح فكها ونظفها وتعال رحنا لورشه وصفها لنا ماتصدق لقينا مواتر جدد موديلات حديثه كلها نفس سالفتنا قصو الكنداسه ونظفوها وطلع منها بلاوي الله لايوريك اثر الموتر كان غاص هههه وحنا مادرينا ورجعنا له وتغير الموتر 200 بالميه بس لقينا الراس منشعر وضبطناه عنده وماشاء الله الى يومك هذا الموتر مافيه الا العافيه .. واذا تبي مكان الورشه رد لي خبر وبوصفلك مكانها
وتقبل مروري واسف على الاطاله


والله كلام منطقي ومعقول خصوصاً إن الشكمان عندي مشروخ وينسم هوا ..

لابد أشيك على الكنداسة ..

يعطيك العافية أخوي واظنك تقصد العثيم إذا منب واهم

خلني أركب له راس ومالك إلا يسير على القصيم وينخل أبو الكنداسة نخل ..



انا والله طال عمرك ماقدراضيف على الأخواان بس شيك على الأديتر يمكن انه يفوور يعني يبيله تسييخ وتقبلوووا مرورري


يعطيك العافية أخوي ومرورك افادني كثيراً

[سوبر VTC]

هنا جميع مواضيع الحرارة
من الاخ اسير الغضا جزاه الله خير

موضوع متكامل و رائع من العضو فني الشيروكيات :good::good::good:


1- هل تعاني من ارتفاع حرارة سيارتك هنا تجد الحل بإذن الله (http://www.mekshat.com/vb/showthread.php?t=146840) للعضوا فني شروكيات

2-حرارة السياره بهذلتني وبالنهايه اعانني الله عليها (http://www.mekshat.com/vb/showthread.php?t=161939) للعضواكبسوله2

3-اسباب ارتفاع درجة الحراره بالسياره (http://www.mekshat.com/vb/showthread.php?t=146306) للعضواشامخ الهيلا

4- نركب جرس بحيث يرن اذا وصلت الحراره للنص (http://www.mekshat.com/vb/showthread.php?t=221329) للعضوا اصيل حجازي

5- مروحة بلد مراوح كهرب حراره (http://www.mekshat.com/vb/showthread.php?t=196275) للعضوا بحر القصيد

6- كيف تتصرف اذا ارتفعت درجة حرارة محرك سيارتك (http://www.mekshat.com/vb/showthread.php?p=61351) للعضوا كاتم اللهب

7-اسباب الحراره في محرك السياره (http://www.mekshat.com/vb/showthread.php?t=4468) للعضواالمكنيكي

8-الحل الجذري لحرارة اليوكن والمكيف (http://www.mekshat.com/vb/showthread.php?t=213086) للعضوا هانتر



تاكد من كلتش المروحة + البلف + الخراطيش
البلف لو كان قافل بسيط تضرب الحرارة على الاتش
لان الماء مايدور بالسرعه الكافيه من الاديتر الى المكينه
تاكد من طرمبه الماء لا تكون خربانه
احتمال ان الراس اساسا ضعيف من قبل
و مع الحرارة بين على طول
و معلوم عن راس الباترول انه حساس جدا
من عند البلف ينشرم
او الراس يقوس او ينشعر
عندك ورش متخصصه بالنيسان ورشة الخضير بطريق خضيراء و ورشة الهبيش
موفق




موفق