شرينا جمس حوض . ونبي مشورتكم .!!

[موتر بر]

السلام عليكم ..

ابشركم شرينا هالمزيون وهو موديل 2006 مقاس الشاص 2500 .



تم ادخاله الورشة وعدلت فيه التالي :

1- كرسي مكينة مكسور وتم تغيرة .
2- تغير بواجي واسلاكها .
3- تغير فلتر القير .
4- تغير طرمبة الماء .
5- تغير زيت الدفرنسين والدبل .
6- تغير حساس ظغط الزيت وطرمبة الزيت .
7- تغير سير مكينة ومكيف .


# ولكن هناك بعض الشغلات الي اقلقتني من ناحية المكينة في صوت طقطقة بسيطة لمن ادعس للموتر ببداية عمله . تقريبا الجميع جزم انها صوت التكايات . الصوت لا يظهر لي عند التشغيل لا عند الصباح والموتر بارد او غيرة . فقط لمن يمشي الموتر شوي ابدا اسمعها تروح وتختفي حسب الدعسه . ظغط الطرمبة سليم وممتاز . وش رايكم يا الربع هل تغير التكايات مهم ولا مجرد صوت وفقط ؟


# في نقطة محيرتني نوعاً ما قومت السيارة احس فيها ثقل وبشدة نوعاً ما . يظبط عزم الموتر اذا تعديت تقريبا 80 . اما بالبداية احسه ثقيل وش الحل معه ؟!



# ثاني شي حسب ما تشوفون بالصورة هذا هايدروليك الفرامل . وفي تهريب . الفرامل عندي تمسك بشكل جيد . لكن وانا واقف لمن اظغط الفرامل كامله اسمع صوت هوا ينسم .. مريت على ورشة بطريق الملك عبدالعزيز اسمها الشراع . قالي دام ان فراملك سليمه شيك فقط على مستوى الزيت كل فترة وزيدة من فتحة الدركسوت الي تحت .. وش رايكم ؟
http://www.m5zn.com/uploads/2010/4/25/photo/042510150439i2fs6pw48fyvvhgg7rjf.jpg (http://www.m5zn.com)



# الموتر لا مشيت فيه وطحت بحفرة صغيرة او شي احس قاسي بشكل كبير . وش الحل فيه اغير السست او المساعدات .. وش تنصحوني فيها ؟




# هنا بعض الصور للموتر التكاية الي بالنص بين الراكبين وكذالك مفصل باب السائق . وش العمل فيها هل التكاية لها حل عند محلات الفيبر قلاس ولا اخليها على وضعها :( . واذا احد يعرف احد يسمكر لي الباب بشكل سليم ويخفف من ظجيج الهوا . لأني اعاني من البابين الامامين من صوت قوي اذا مشيت فوق 120 .. مع العلم باب السائق مصدوم من جهة المفصل هو وباب الراكب الامامي .. وش رايكم يا شباب ؟!!

http://www.m5zn.com/uploads/2010/4/25/photo/04251015043863wlv7g03m1iw4ekas26.jpg (http://www.m5zn.com)
http://www.m5zn.com/uploads/2010/4/25/photo/042510150433zrji98ghbw6qni.jpg (http://www.m5zn.com)

http://www.m5zn.com/uploads/2010/4/25/photo/042510150439qc1y8n4couu9bvt7fh.jpg (http://www.m5zn.com)




# زر الإنارة الظبابي يعلق وفي مشكلة حاولنا ننظفه زادت مشكلته مشكلة :( . احد يعرف لها حل ولا يتغير بكبرة ...

http://www.m5zn.com/uploads/2010/4/25/photo/0425101504396tjufck2f.jpg (http://www.m5zn.com)


# القطعة هذي للباب الأيسر الخلفي وين الاقيها ؟!

http://www.m5zn.com/uploads/2010/4/25/photo/042510150439lda06k8p042svj.jpg (http://www.m5zn.com)





شاككككككككككككر لكم تعاونكم ...

[بوالطعوس]

السلام عليكم ورحمت الله وبركاته
اخوي موتر بر الله يباركلك فيه ويفرحك
بالنسبه للصوت اللي تسمعه للبريك صوت وشيش
يكون عند الطبلون قدامك هذا صوت السيرفو مال البريك

[خالد الزومان]

مرحبا
مبرووك الموتر الله يعطيك خيره ويكفيك شره .
انا بتكلم على اثنين من استفساراتك الميكانيكية
اما الباقي ممكن الاخوان يفيدونك .
اولاً : التهريب الي على علبة الفرامل اما يكون من اسفل العلبة الي تعبيها الزيت الفرامل(خزان الزيت) او يكون من داخل علبة الفرامل من جهة الخلف (الاصلاح الداخلي )
لازم تغسل مكان تهريب الزيت وتتأكد من موقع التهريب واذا كان البريك تمام ممكن تخدم معاك فتره وبعدين تخرب (انصحك تغيرها ) والصوت الى تسمعه عند الضغط على دواسة الفرامل هذا صوت (الباكم الهواء)
طبيعي في السيارات الامريكية.
ثانياً : عزم الموتر يمكن يحتاج اعادة توقيت الاشعال . او شيك على دبات الشكمان .
ثالثاً : للمحافضة على السياره تسخينها جيداً في بداية التشغيل الى ان يروح صوت التكايات .. وبالتوفيق للجميع

[saad.saud]

بالنسبة للتكاية
محلات الفيبر القريبة من الجمعية (الصناعية القديمة) يصلحونها 90-60 ريال

[موتر بر]

بو الطعوس .. يعطيك العافية ..

اخوي خالد تهريب الزيت من نصف الهيدروليك . وبالنسبة للتسخين هل تقصد ان اسخنها فترة طويلة والصوت ما يبان معي بالطريق لمن امشي ؟!.. وش علاقة التسخين بالتكايات ! .. ما قصرت اخوي خالد



اخوي سعد يعد يا ليت لو عندك رقمهم او وصف اوضح لمكان اصلاح الفيبر .. تسلم يدينك