تجهيز الطير للشاره

[جير وكري]

السلام عليكم
شحالكم يالربع . انا عندي كم سؤال بخصوص تدريب الطير للشارات.
انا ما قد شاركت اب شاره بس الي اعرفه ان الطير الي يسوحل اييب تيم احسن او اسرع و انا طالب طيرين من raptorpropagationfarm في بريطانيه و طيورنا لاحظت انها ترتفع بالدعو والسبب على ما اعتقد هو الهدد على الحمام لرفع لياقة الطير.

شو الطريقه الانسب لتدريب الطيور للشاره . و هل هالمزرعه زينه؟
وشكرا

[المري]

مرحبا اخوي جير وكري وحياك الله

الشارة شيبت بأكثر العالم وانا اولهم هههههه

اهم شي يكون طيرك من الوزن ثقيل ومن يوم يجيك وانت تدعيه من 50 متر لمدة اسبوع وعقب 100 متر لمدة اسبوع وهكذا كثر له المده الين يجي 400 متر

ثاني شي : الايام اللي تدعيه فيها خله بالمرسل (( الجرير )) علشان مايروم يروح فوق

الاشياء كثيره اخوي جير وكري والامور طويلة تبغى له جلسة

ولايشوف الحمام خله على ملواح فقط !!!

الين يخلص من الشارة

ولا تكثر على الشقلاب حاول ماتعدي ال 10

أما بخصوص المزرعة فهي لاتزيد من سرعة الطير على الملواح ولا تنقص

بعض الطيور من اكبر المزارع واشهرها ولكنه يطيرعلى الملواح كأنه ابو حقب

ولكن على الصيد !!! صاروخ

اهم شي تدريب الفرخ على الملواح وتخليه مايأكل الا عليه ولا تعوده على الدس

يعني خله كل اكله على الشلو حتى يقول : ان الشلو هو ابوه وامه..

اعرفك والله طيور اذا دعيتها على حمامه وفيه واحد في بجانبك معاااه شلو يروح للشلو ويخلي راعي الحمامه !!!!!!!

وخااااابر لك واحد اذا هدوه على حمامه وصادها وشاف الملواح يجيك بحمامته الين يحقل في الشلو!!


ملااااحظة : اكثر الفروخ تعبو اهلها علشان تجي بسرعة على الشلو ولكن اتعبو عليها وعيت تجي بسرعة !! وأخر شي عرضوووها السوق

المهم لاوصيك وصاه حاول انك تستعين بأهل الخبرة اللي عندك في الامارات لأنهم اكثر خبره من غيرهم..


وسلااااااااااااامتك

اخوك - المري

[المري]

والباقي عندي الكثير بس اصبر علينا اشوي

نشوف الربع

[ربع خالي]

والباقي عندي الكثير بس اصبر علينا اشوي

نشوف الربع

ههههههههههههه أضحك الله سنّك يابو معيض , بعد كل هالمعلومات وتقول باقي الكثير عندك؟؟:good2:

ماعاد عندي شي ازيده على كلامك يالوافي , وعندي نقطه لاحظتها على بعض الطيور (البعض) إن دعيته بمرساله يرتفع وهذي جربتها على طيري ولانجحت ويوم فكيت المرسل منه طار على مستوى الارض ,,,

تحياتي لك ياصاحب الموضوع , وفعلا موضوع في محله ومهم لأهل المسابقات , وان شاءالله نستفيد من أهل الخبره ,,,

تقبل مروري
تحياتي

[ابـــًًو تركـــًي]

فادك المري

[ابو ليث الحرب]

الله يوفقك

[جير وكري]

المري:يحييك ويبجيك يالغالي
هههه هذا وانا بعدني ما شاركت, و ماعليك حرام اول شيء يصبح عليه بيكون التلواح انشاءالله خخخخ
مشكور يالذيب ما قصرت كفيت و وفيت و هدا من طيب اصلك شيخي.

ربع خالي: ما عليك زود يالغالي ومشكور على النقطه المهمه يزاك الله خير

[قنيص غير]

الله يوفقك

[جير وكري]

رمال متحركه وياك شيخي

صقار الوجه ما قصر الريال و ما هي غريبه عليه وتسلم عل المرور

ابو ليث الحرب وياك يالغالي

[جير وكري]

ربع خالي شحالك الغالي اخوي المقيض الي نزلت صوره من اسبوع تقريبن هذا وينه فيه ما عليك امر؟
السموحه ما روم ارسلك عالخاص

[الكايد 123]

بيض الله وجهك وموفق خير