الاخوه الكرام ارجو المساعده

[البددر99]

انا عندي جيب موديل 93 vxr تويوتا
عندي مشكله بالقير حقه طبعا القير اوتوماتك اذا جيت اغير ل d وانا بمكان غير مستوي يصير عنده قرقعه بالقير ولا يمشي بعكس اذا كنت بمكان مستوي يعشق ابدع مايكون
مع العلم ان القير تبديله ممتاز وعزمه حلو
وديته للميكانيكي فحص القير قال احتمال المشكله بالدبل
ورحت لحقين الدبل يقولون احتمال القير
مع العلم اذا غيرت الدبل مايسوي هالحركه ابد
ارجو افادتي للي عنده خبره بهالشي
اذا عشقت بالدي مو دايم تصير هالحركه
قرقعه حديد تحس كن فيه تروس تفلت وبعدها يبقى فاضي مايمشي الا اذا رجعته ل n ورجعته ثاني ل d

[أبو عامر 2002]

انا من ناحيتي مدري ...

[sarab88]

طيب ياخوووي شيك على الصليبات وان كانت زينه فك العامود حق القير ونزله شف الفتحه اللي تركب فيها العرموطه ناظرها تشوف العامود ارفع الموتر وشغله وعطه الدي وناظر كانه يرج فانه من القير وان شاء الله ماتشوف شر وتقبل مروووووووووري:)

[احمد بن فؤاد]

تاكد يالبدر اذا كان فيه تهريب في قير الدبل من الصوفه او صوفة القير
وشيك على كرسي القير
وانشالله اني افديتك

[خالد الزومان]

مرحبا
مكان غير مستوي؟
يعني السياره في وضع طلوع (طلعه) .. او نزول ( نزله ) ...؟
تأكد من وضع عصاء التعشيق (الاتماتك)
الى رايحه للقير ما يكون فيها فضاوه .