صوت جرس السرعه لنيسان باترول ....

[كرم القلوب]

السلام عليكم



انا ناوي اسافر هالاسبوع ومعي جيب باترول نيسان 99 سوبر سفاري

الموتر فيه صوت الجرس حق السرعه وودي افصله ولا ادري وين السلك حقه ..؟؟


كان معي يوكن 99 وفصلته عن الوكاله وشغلته سهله مرره واشوف العالم الي فاصلين الصوت الي ما يشتغل معه العداد والي ما يشتغل الابير حق المكينه والي عداد السرعه

وانواع المشاكل والعمليه سهله جدا


ياليت احد يساعدني في فك سلك الصوت في الباترول ...


ولكم الشكر على المساعده

[خالد الزومان]

مرحبا
اولاً : القير تماتك ولا عادي ؟
لانه لو قير تماتك ممكن تفصل فيوز ( بس المشكله ممكن كل العدادات الى في الطبلون تتعطل وبعض السيارات زي اللومينا ما تبدل تعشيقات القير )
ثانياً : اذا كان القير عادي معناه ان الشغله مطوله لان فيها فك للطبلون وفصل الجرس من الداخل
ثالثاً : والاهم شغل شريط قران في المسجل وراح تنسى صوت الجرس بأذن الله .
تمنياتي لك برحلة سعيده ودعواتك لنا وانت مسافر ...

[سوبر VTC]

حل مجرب و ممتاز
وضع سيلكون بفتحة الجرس :good:
يكون المفتاح على السويتش
و الباب مفتوح
كل ماتزيد كمية سيلكون يختفي الصوت تدريجيا :good:

[sarab88]

اسمع ياجدي كان ماخاب ظني شف الصوت يجي تحت الطبلوون دخل راسك تحت الطبلوون شف جهاز يجيك مربع فوق كان ماخاب ظني انه هوووو

[S4500]

نفس المشكلة معي

بس وين مكان الجرس ؟؟؟؟؟

[القصيم 1]

ان شاء الله تلقى الاجابه عند الاخوان

[sultan911]

تبي النصيحه لاتخليه يوصل الجرس يعني لاتعدي الموتر 120 وبترتاح من صوت الجرس وبتوصل وانت مرتاح يعني لاتسرع تري ساهر في المرصاد واذا احد الشباب علمك لاتنسى تعلمني والله يباركلك في سيارتك وترجع لنا سالم غانم

[كرم القلوب]

السلام عليكم



ههههههههههه الله يسلمكم جمعاً


والله اذا جيت للصدق سافرت لبريده وبهذلن الصوت بالروحه لاني كنت مالي نفس اشغل المسجل


بالرجعه شغلت المسجل بـــ شريط مشاعر دافئه واثره يتكلم عن بر الوالدين ومعي العجيز قام تدمع عيونه ...


واصك الشريط واقف اخذ له طاسة حليب خلفات واطاعس به شوي لمين غابت الشمس وكان الجو ممطر والنفود فتنه ...

ورجعنا للزفلت ومافيه إلا 180 - 190
والصوووت مسوي قلق ازعااااااج


بس شكلي مثل ما قال سوبر جزاه الله خير بصمغ السماعه حقته لمين يسكت



وجزاكم الله خير



للمعلوميه القير عادي