ياخوان لاهنتو . ابشتري جهاز جوال فيه Gps ولا أعرف النوع الزين .دلووني لاهنتو .

[NMOIN]

بسم الله الرحمن الرحيم
السلام عليكم ورحمة الله وبركاته وبعد


صباح الخير ومساء الخير


للجميع


ياخووان لا هنتو أنا مابعد جربت الجولات اللي فيها خدمة الــGPC وودي أشتري واحد ورحت لمحلات الجولات وضااعة بوهتي لقيت أنوااع و أشكااال


لكن قاال لي واحد أنتبه تراء بعضها تشتغل الـGPC بفلووس على الشريحه


وبعضهاا على الأقمار الصناعيه


موضوع الفلووس مهيب مشكله عاايدي لكن انا برووح للبر وبينقطع الأرساال وش الفايده


أبيكم لاهنتو تعلمووني بالنووع الزين اللي يشتغل الـGPC على الأقمار الصناعيه


أنا أبيه أثنين في واحد جوال وقارمن


الله لايهينكم


أبيكم بس تعلموونني بنووع الممتاز اللي يتشغل الـGPC فيه على الأقمار الصناعيه و اللي مجربينه أنتو


ياليت تزودونني بأسم الجهاز ورقمه وإذا ماعليكم كلافه صورته ومميزاته مثل يعني يصير فيه خرايط ومن ذا القبيل


في أنتظار ردودكم

[سوبر152]

وأنا مثلك محتااااااااااااااااار
الله يرزقنا الجوالات المزبووطة

[حبـران]

اخوي

عليك n95 المطور

او المسكت n86

وعلى فكره كل الجوالات اللي فيها جي اس بي تشغل القارمن على الشريحه لكن من الضبط والاعدادات تقدر تلغي الكلام ذا
انا معي n86 ومركب قارمن عليه ووخرائط وتمام
تحياتي لك

[الوشاح]

ودي اخدمك يالذيب لكن صارلي سنين طويلة عن النوكيا
لكن الي احب افيدك فيه انه قارمنا لجوال مايغني عن القارمن المنفصل
صحيح يقوم بالمهمه لانخيته لكنه صعب ويشغلك ماهو مريح
بالتوفيق

[عاشق HILUX]

82 ازين جوال لاكن الحين صار قديم وما تلقى نظيف ولا هو اسرع جوال يلقط الاقمار

[علي عليوه]

بصراحة هذا أصعب سؤال

لكن ,,,,,

ليكن في علمك إن قارمن الجوال لا يعتمد عليه اعتماد كلي - والاعتماد على الله سبحانه من قبل ومن بعد -

- فيه جوالات كثيرة جدا ولكل واحد منهم ميزاته الخاصة من شاشة , وسرعة التقاط الأقمار , وعدم التهنيق , وووو إلخ !!!

با ختصار فيه جوال n79 أعتبره مناسب نوعا ما ,, لأنه سريع جدا في الالتقاط , قليل التهنيق , يتحمل الضربات والسقوط وغيره

عيوبه إن أزاريره صغيره ومتعبة - كأنك تلقط رز -
شاشته صغيره
صوت السبيكر لك عليه

ومن الخيارات الأخرى ,, n82 > n95 طبعا ماراح تحصل جديد أصلي

أو 86 >> e72 مجربهن وماشي حالهم
بس حط في بالك إن قارمن الجوال من المتوقع تعطله في أي لحظة

وبالتوفيق

[كبسولة2]

عندك الأيفون

أو العملاق نوكيا نفقيتر 6110

أفضل جهاز ملاحة إلى الآن

[قمرنا]

نوكيا نفقيتر 6110
ممتاز جداً لكن وين بتلقى الأصلي والنظيف
أتمنى لك التوفيق,,,

[الرحال الحزين]

اخي العزيز
جوال وجارمن للمدينه لاباس فيه
بس للبر انصحك خذ جارمن متخصص للبر لانه الجوال مش مضمون في البر يمكن يعلق ويهذلك
اذا حصلت جهاو نيفى نفس مواصفات 276 في الاثر والتحرك لاتتركه ابد
وارجو السموحه
ولا تعتمد على غيرك فلان راح بجوال ورجع لانه مش مضمون الجوال

[nice1guy]

بصراحة .. انا استخدم جوال 5800 .. سريع في التقاط الاشارة .. ونادراً ما يهنق .. والشاشة لمس .. وافادني كثير .. طبعا جهاز القارمن افضل لانه مصمم لكذا فقط ..!

[نصر الجبالي]

n79 عليك بجهاز

[اسير الغضا]

انا معي e66وماشي معي زي العسل
طبعا بكل تشغيله ياخذون على هللله الاتصالات مادري ليش وربعي مايوخذ منهم شي
بس القارمن حقي بالششه سياره وهم مثلث
فيه فروق نسيته
ولو اشغل القارمن ورصيدي فاضي يشتغل عادي

انا اتوقع ان وظيفة الاتصالات توصل الاتصال بالقمر الصناعي لانهم ماعمرهم اخذو اكثر من هلله بكل تشغيله

وبالنسبه للاخ اللي قال مايغني عن القارمن العادي
رأيي انه اصحاب الكشتات العيده والغبدزه مايصلح له يعلق بعض الاحيان وبه توهيز

لاكن كراحة الاستخدام ماعليه اقصور للمتمرس بداية يبلش مع كثرة الاستخدام يصير سهل
اللي كشتاته ماتخرج عن اطار منطقته ياخذ قارمن الجوال

[Abo 3tb]

نصيحة لوجه الله عليك بـ N86 افضل من اجهزة الجيل الخامس التي تدعم اللمس لانها تهنق اثنا تصفح الخريطة أما هذا الجهاز رهيب وغير ذلك خرايط النوكيا مجانية مدى الحياة والكامير افضل كاميرا لكن فيه عيب بسيط الجهاز بطي شي بسيط
والله يوفقك

[ابو شكاع]

n82 رائع بإلتقاط الإشارة
ما أدري ممكن ماتحصله جديد
لاحظ بأن البرنامج يستهلك البطارية بسرعة
بالتوفيق

[الشمالي 2010]

معي ان 86 اشوفه مناسب وسريع بالتقاط الاقمار والملاحة مجانيه داخل المدن مدى الحياة وتقدر تركب له برنامج قارمن وخرائط الصحراء وانا مجربه وماشالله 100% لاتحتاج جهاز قارمن ولاغيره

[الكااااااااسر]

من واقع تجربه جربت القارمن على جوالي n96 ماأحسن

ولايصرف ولاشي الحين جوالي مقطوع وشغال القارمن زي الحلاوه

وله اكثر من 4 شهور معي وماأحسن منه

[بواردي الدلم]

خذ لك نوكيا نافيقيتور

هذا على اسمه الملاح

ممتاز جدا والله

[llonely]

على ما اعتقد ان نظام Gpc يشتغل مع وجود شبكه على الجوال من دون شبكه راح يكون البحث على المعلومات المخزنة من قبل في الجوال نفسه
ارجو التصحيح اذا كنت غلطان

[لبتون]

على ما اعتقد ان نظام Gpc يشتغل مع وجود شبكه على الجوال من دون شبكه راح يكون البحث على المعلومات المخزنة من قبل في الجوال نفسه
ارجو التصحيح اذا كنت غلطان


لا ياخوي عادي ماله دخل بالشبكه لانه اشتغل معي في السعوديه والامارات وعمان حتى لو مافيه شبكه لانه متربط بالاقمار الصناعيه

[لبتون]

شف يالحبيب
انا جربت الجي بي سي على ان 95 وعلى ان 81 كلها حلوه جداً ولا لها دخل بالشريحه
بس انتبه تاخذ جوال مهوب جير مني لان الصيني بيهبل بك ماينفع حتى لو قالو لك ان مافيها فرق انا مجرب وتمنكحت بصراحه

[ابو شكاع]

من واقع تجربه جربت القارمن على جوالي n96 ماأحسن

ولايصرف ولاشي الحين جوالي مقطوع وشغال القارمن زي الحلاوه

وله اكثر من 4 شهور معي وماأحسن منه






أخوي الكاسر ...إذا لك واسطة في الإتصالات فـ الجميع ماعندهم واسطة :D
هههههههههههههه
الله يسعدك ياشيخ
طيب وش دخل فصل الحرارة عن الجارمن بالجوال :D
اسمح لي على هالممازحة ولاتزعل يالغالي

[nice1guy]

مرحبا...
جوالات الـ N95 المطور والعادي.. و N96 بطيئة في استخدام القارمن

[ساير22]

إن82 قارمنه أنجليزي

[المهاجرووو]

نوكيا نفقيتر 6110
مجرب ومجاني وسريع التقاط القمر وارشاداته واضحة

[aser_560]

أخوي والله أحسن جهاز من ناحية الخرايط والتجوال هو Nokia Navigator 6110 وغير هذا لاتاخذ...
الهاتف جدا ممتاز بالخرايط وجدا سريع فالوصول للأقمار الصناعية وهو فيه GPS داخلي وخرايطة ((الروووووت ))والجهاز جدا عملي واقتصادي وممتاااااااز وانا جربته واهو للحين عندي وسليم 100% وانا انصحك تاخذه نفسه..
وسلامتكــ.....

[AbdulAZiz M]

أهم شيء أبعد عن 95 لا العادي ولا المطور لانها بطيييييييئة جداً في لقط الإشارة

إن شاء الله بتدعيلي وشيء يخدمك ومواصفاته حلوه عليك بالأجهزة التالية والترتيب حسب الأفضلية وللمعلومية مجربه كلها

طبعا بتكلم في الملاحة

6710 نافيقتور سريع جداً في لقط الأقمار الصناعية وميزة خرائط نوكيا مجانيه

n86 ممتاز أيضاً وجهاز سريع وذاكرته كبيره لكن خرائط النوكيا بدراااهم

n79 ممتاز في الأقمار الصناعية لكن ذاكرته ما تقارن بالـ N86

n82 ما جربته لكن يمدحونه في الجي بي اس لكن يعيبه حجمه الكبير وأزرارة الصغيره

موفق

[fahd999]

السلام عليكم

انا جربت نوكيا 95 و 97 داخل المملكة وخارجها وفي البر ..
في رأيي قد تحتاج الخرائط في وقت تكون في اي مكان وليس عندكم اجهزة الخرائط المتخصصة مثل الجوال والخرائط في نفس الوقت ..

انصحك 97 مجربه ويفي بالغرض .. لكن ينقصه رسم المسار
والان الخرائط مجانية وعبر الاقمار الصناعية

علمنا اذا شريت وانا اخوك