مراوح الماكسيما

[حراثة]

السلام عليكم ياشباب

بالنسبة لمراوح الماكسيما 2001 تغيرت على من شهرين وصارت تشتغل مروحة وحدة بقوة دايما واذا شغلت المكيف تشتغل المروحة الثانية على الدرجة الثانية والقوية وتغيرت الحرارة على وصارت توصل للنصف واعلى وقبل ثلاث شهور مغير الطبه اللي فوق للاديتر مكسورة وغيرت المويه هل المراوح تشتغل سوى بدون مكيف والا لا

ودمتم بخير ,,,,

[رفيع المقآم]

يالغالي من وكالتها تشتغل واحده فقط واذا شغلت المكيف تشتغل الثانيه هذا هو المعروف في جميع السيارات

[قيس بن شداد]

السلام عليكم

الحرارة على النص

معناه عندك مشكلة

شيك على البلف والحذر انك تكون شايله

كمان الرديتر

كيف عنايتك فيه تعبيه موية عادية والا الموية الأصلية

والسيور

أما المراوح
اللي أظن والله أعلم إن المروحتين مايشتغلون سوا الا مع المكيف ولكن أحيانا تكون المروحة ضعيفة وما تبرد زين شيك على المراوح ولاتتورط في الشراء قبل ماتعرف الخلل من وين

وأنواع المراوح للماكسيما أربعة أنواع
فيه وكالة وفيه ياباني قريب جدا لشكل الوكالة وفيه تايوان وفيه صيني
الوكالة تقريبا فوق 600 والياباني 200 والتايوان 170 والصين 150 تقريباً

لكن احذر تروح لأي مهندس يلعب في السيارة ترا النيسان حساس وأي تلاعب الله يعينك

لو أنت في جدة كان دليتك على مهندس مافيه بالمملكة أخوه

[حراثة]

الله يجزاك خير اخوي على التفصيل بالشرح وانا ابفحص علي المرواح فحص دقيق والله ييسر الامور ان شاء الله .

[MZAJE]

السلام عليكم

اخوي حراثه ، مشكلتك بسيطه ولا تغير المروحه الكهربائيه ،


المشكله من حساس الحراره ، شيك عليها
لان بدونها ماراح تشتغل المروحه

اذا كان الحساس عليها ترسبات ، نظف الحساس أو أشتر حساس جديد
وحساس الحراره مثل هذا

http://www.enjukuracing.com/images/oemsrcoolanttemp_full.jpg

[خالد الزومان]

مرحبا
اتوقع ان عمرها الافتراضي على وشك ..
واتوقع انها تشتغل سوا بس على سرعات منخفضه واذا شغلت المكيف يرتفع صوتها لانها تغير على السرعات العاليه ..
واحذر من الحراره لانها تؤثر على مبرد زيت القير الى راكب مع اللديتر ويمكن تسوي مشاكل للقير اذا كان تماتك (تشكل تغييراته)

[MZAJE]

اخوي ، خالد الزمان ، لا تخوف الرجال


وحراثه يشتكي من مروحه الكهربائيه ولا يشتكي من القير
ومثل ماقلت له في ردي السابق

* اخوي حراثه ، هذا موضوع ثاني فتحه اخوي خالد
شيك لي على القير : اذا كان مبرد القير بداخل الرديتر ، والا لا .

[خالد الزومان]

مرحبا
اخوي مزاجي مرحبا فيك
انا ما اخوف الرجال انا انبهه الى انه يصلح مراوح التبريد ولا يتهاون فيها لانها ممكن تسبب له عطل في القير ( وذلك بارتفاع درجة حراره الزيت داخل مبرد زيت القير ) الى راكب داخل اللديتر الماء...
يعني السياره لايجيها حراره خاصه اذا كانت قير تماتك ... انشاء الله المعلومه وصلت وبالتوفيق للجميع .

[MZAJE]

ياهلابك اخوي خالد ، ايه انا فاهم ، بس المفروض تساله قبل ، علشان ما يحوس الدنيا هههههههه والا يتخوف من شي ، المشكله بسيطه جداً ،

المشكله من حساس الحراره ، ومثل ماقلت في ردي السابق

وبالنسبه للقير ، ننتظر الجواب من اخونا حراثه ، ويجاوب على سؤالي
اذا كان مبرد القير بداخل مبرد الرديتر والا لا .
لان عندي حل للمشكله هذي . ما نستعجل في الردود ، وننتظر الجواب

مشكور اخوي خالد

[حراثة]

اشكر الاخوة على تفاعلهم مع المشكلة ولكن الواحد اذا صار بالموتر شي ما يستعجل بالتصليح يشاور اهل الخبرة بالمكانيكاويبدأ بالاشياء البسيطة والظاهرة وهذا اللي سويته وكنت قبل اسبوع يوم السبت رايح لكهربائي هندي وقال لازم تخلي السيارة عندي وانا الحين مو فاضي وراحت الايام الى يوم الاربعاء واروح له العصر اللي اذان المغرب وانا انتظر بعدين قال اترك السيارة ورح وافحصها بس انت لاتقعد عندي طبعا انا رفضت المبدأ هذا ومشيت زعلان من الحرارة اللي توصل النصف وفوق شوي من بكره الخميس الصباح على الصناعية على طول العامل اول ما فتح الكبوت قال المروحة الثانية ضعيفة ويبغى تسييخ رديتر وفعلا صار نصف الرديتر مسكر والله وسوي تنظيف للرديتر وتسييخ وشريت مروحة اصلية من تشاليح الصناعية وفعلا صارت المروحة قويه وتشتغل مع المروحة الاولي وصار الخلل في المروحة القديمه السرعة الاولي والحمد الله الحرارة طاحت وفيه اسفل الرديتر ماسورة تبريد زيت القير الاتوماتيك
بعدين بعض الكهربائيين الهنود فيه شوفت نفس والله كنك تطره وانت تصلح سيارتك بفلوسك لكن عشانك محتاج له يخليك تتردد عليه تبيه يصلح موترك لكن الحمد الله الله يخلي لنا الصناعية
ملاحظة : قيمة دينمو المروحة 500 ريال والتشاليح مستعمل 150ريال والله فرق مو بسيط والمستعمل يمشي الحال وزيادة لانه اصلي وكالة من اليابان


وصلى الله علي نبينا محمد وعلى اله وصحبه اجمعين .

[MZAJE]

تمام انك حليت مشكله الحراره ، وشيك على حساسات الحراره

اخوي حراثه ، يعني فيه مبرد بداخل الرديتر

نصيحه ، زودها بمبرد خارجي كبير مثل هذا

http://img104.herosh.com/2010/05/02/865047614.jpg

علشان يخفض حراره القير ولا ينفجر بداخل الرديتر


يعني قير >الى>مبرد القير بداخل الرديتر > الى > مبرد القير الخارجي > ويرجع للقير
هذا افضل علشان مايخبط عليك القير

ويكون بهذا الشكل

http://image.carcraft.com/f/9167884/116_0412_04_z+transmission_cooler+diagram.jpg

اذا تبي شرح ، اجيب لك الموضوع بالكامل