صواميل الجنوط ماتفتح وش الحل

[مودع الخلان]

السلام عليكم

مثل ماهو واضح بالعنوان ياخوان معي شاص 2010 الصواميل عيت تفتح وديته لطلق بنشري مافتحه
قلتله جرب واحد اقوى ماعندك لعله كسره وانا محتار ماادري وش اسوي

[ريثان القصيم]

شلهب المسامير بنار الاكسجين شوي مع استعمال المفك اليدوي الاصلي حق الشاص وقل بسم الله

ويفتح معك باذن الله

[خالد الزومان]

مرحبا

شاص 2010

على الوكاله على طووووووووول ؟؟

[الغرش]

مرحبا ..
جرب وانثر عليها ببسي أو سفن أب لعله يحللها بعون الله ..

[مهجول هاك]

يمدحون الكسر

وروح الوكاله وخذ لك مسامير جديده وفك الهوب وركبها ^_^

انا كنت امارس هوااااااايت الكسر مع سيارتي الخايسه موديل 99
فعاد مادري عن موترك هو يستاهل التكسر ^_^

[صالح...]

قبل لاتكسر الصواميل فيه بخاخ صدأ ممتاز إن شاءالله يفيدك اسمه WD-40 سعره 10 ريال تقريباً، بخ على الصواميل مظبوط وعقب فكها عند البنشري.:good:

[SGL]

مادام انه 2010 روح الوكالة

[.أبوعبدالرحمن]

السيارة 2010 روح للوكالة احسن لك لا تخرب الشيء ثم تتحسف

[الصقار3]

رح لوكالتة

[زحلطن]

جرب w 40 وحاول ....
ان شاء الله تتسهل امورك......

[عين حصنان]

بخ دواء الصدأ ... ولا تبخل

ومن بكرى رح يم البنشري و جرب و الله يسهل

وان مانفع

عند البنشري جرب مفك الصواميل اللي بالهواء... الكبير حق تريلات

يا أما يفكه أو يكسره

والله هذا بلشه ان مانفع معه كل الحلول اللي ذكروها الاعضاء

يحل كسره ... ويفضل يكسرونه الوكاله

وعلى الضمان يغيرونه

والله يعينك