خشم الحصان
12/03/2005, 01:56 AM
الاخوه الغالين
السلام عليكم
اخوني الكرام هذي معناتي ابقولها لكم
منول اكشت للبر بدون غربله ولا قعضبه الحين ماتلقا لك في السياره محل تفعد فيه غادي سنها مستودع موعين في شارع السباله من كثر الاغراض
اذكر منول كل لي يهمك جركل الماء والخيمه ولاكل والذبيحه وبس تعرفون بس .........بس
الحين يوم دخلت بهالمنتدي وقمت اطامر فيه سني واحد وطي له جمرة حمرا تقول كسرة سطب كامري داق فرمل
ضاق صدري وبدة المعنات شفت الربع اذا ضهرو ولاهم حاطين قدم وجهيهم تلفزيون صغير قلنا وش هذا قالو هذا سلمك الله (قارمن) طيب وش يجيب من المحطات قالو لا الله يسلمك هذا حق البر ومع (قارمن) ماتضيع
والله جازلي ويوم رجعنا من الرحله خن بط وطقينا جهاز (قارمن) وبحلنا بوه ومع الوقت بدينا نعرفله
طيب وبعد فتره ولا الربع مغيرين الاجهزه افا وش العلم هذا ملون قالو ايه يالقديم هذا نوع جديد اسمه (276c )
طيب هذا غير لي معي هذا بوه دروب وشاشته تلامع (سنها كنادر بعض الناس) الله يكرمك وش الحل قالو لزم تشتري هالنوع
ولا اشتر معه شي اسمه (خرئط الصحراء) قلت ليش قالو تمشي عليها لو في الليل سنك في النهار يعني لا ضياع
والله خوش
وبعد فتره اخذة رجلي توديني يم خيمة الكميرات وماش قامت النفس ترجف تقول مكينة نخل تبي كميره
قلنا يا نفس اركدي ولانتيب ملزومه كل شي تشترينه قالت ان شاء الله
ومرة الايام وضهرة مع ناس ويوم جاء في الليل ولا كلن جايب كمرته ولا كل واحد جايب ستابه قلت وش هذولا
يالبرع قالو سلمك الله هذولا يسمونها (لاب توب) قلت لبس ثوب ولا ملبس وش هوله قالو هذا سلمك الله حق حفظ الصور والاحداثي والخرائط والبرمج
طيب هو مهم قالو نعم............... ولا يوم قامت النفس ثانيه تقول مدفوز عليها سحلة ماء بارد واوذتني الا تبي
لاب توب .......... ويوم رجعنا لي الرياض في الليل ولا سني علي مله نحتري الصبح يشق نوره
وين علي محل الكمبيوتر ونطق جهاز لاب توب ورحنابه للبيت ويم دخلت للبيت خذ طنازه من العيال الله يصلحهم امين احد يقول سنق قاري عددة كهرب والثاني يقول سنك واثالث يقول نحو الاميه ولاخر يقول سنك محصل حق البنك العقاري
قلت هذا يالغشمان جهاز لاب توب قالو اقعد خل مير نشوفه وممداني احطه الا وهم متخمطينه تقول بزير صغير توه مولود
وقمت اجمع هالصور من كل محل انا منول خابر يجمعون قمورة ببسي او طوبع
وبعد فتره هم طلعنا مع الاخوان ولا معهم كتب قلت مشاء الله مثقفين تقرون في البر قالو لا الله يغفر لنا ولك هذي كتب عن البر الصمان وغيرها وفيه بعد كتب سبيره ولا وجازلي الوضع ويوم رجعنا الا مايردنا الا محلات البر
وخن بط ونشتري شحنة كتب ويم جيت للبيت وخذ طنازه لي يقول وش عندك يالجامعي والثاني يقول من لح فيه الشيب وش ينبغابه قلت هذي سلمكم الله كتب عن البر
رد الصغير الله يصلحه قال اقعد يالخلاوي
المهم لا طول عليكم الحين يوم حنا نكلف علي انفسنا
يمكن البعض يقدر انه يجاري الكشاته لي مغنيهم الله ولكن فيه البعض لي طالب او ان مرتبه علي قد حاله
اقوله الله يثيبك يابعدهم ترا منتاب ملزوم تشتري
قارمن
لاب توب
كمره
كتب
خرائط
عدة
سياره
اصبر لين الله يفرجها ويرزك ولا اغناك ربك اشتر لي تبي
يعني لا تثقل علي شايبك يمكن انه يحبك ولا وده يضيق صديرك بكلمة (لا) وانت بعد لا ضيق صديره بكثرة
ابي ابي ابي ابي....................
اخوكم
خشم الحصان
السلام عليكم
اخوني الكرام هذي معناتي ابقولها لكم
منول اكشت للبر بدون غربله ولا قعضبه الحين ماتلقا لك في السياره محل تفعد فيه غادي سنها مستودع موعين في شارع السباله من كثر الاغراض
اذكر منول كل لي يهمك جركل الماء والخيمه ولاكل والذبيحه وبس تعرفون بس .........بس
الحين يوم دخلت بهالمنتدي وقمت اطامر فيه سني واحد وطي له جمرة حمرا تقول كسرة سطب كامري داق فرمل
ضاق صدري وبدة المعنات شفت الربع اذا ضهرو ولاهم حاطين قدم وجهيهم تلفزيون صغير قلنا وش هذا قالو هذا سلمك الله (قارمن) طيب وش يجيب من المحطات قالو لا الله يسلمك هذا حق البر ومع (قارمن) ماتضيع
والله جازلي ويوم رجعنا من الرحله خن بط وطقينا جهاز (قارمن) وبحلنا بوه ومع الوقت بدينا نعرفله
طيب وبعد فتره ولا الربع مغيرين الاجهزه افا وش العلم هذا ملون قالو ايه يالقديم هذا نوع جديد اسمه (276c )
طيب هذا غير لي معي هذا بوه دروب وشاشته تلامع (سنها كنادر بعض الناس) الله يكرمك وش الحل قالو لزم تشتري هالنوع
ولا اشتر معه شي اسمه (خرئط الصحراء) قلت ليش قالو تمشي عليها لو في الليل سنك في النهار يعني لا ضياع
والله خوش
وبعد فتره اخذة رجلي توديني يم خيمة الكميرات وماش قامت النفس ترجف تقول مكينة نخل تبي كميره
قلنا يا نفس اركدي ولانتيب ملزومه كل شي تشترينه قالت ان شاء الله
ومرة الايام وضهرة مع ناس ويوم جاء في الليل ولا كلن جايب كمرته ولا كل واحد جايب ستابه قلت وش هذولا
يالبرع قالو سلمك الله هذولا يسمونها (لاب توب) قلت لبس ثوب ولا ملبس وش هوله قالو هذا سلمك الله حق حفظ الصور والاحداثي والخرائط والبرمج
طيب هو مهم قالو نعم............... ولا يوم قامت النفس ثانيه تقول مدفوز عليها سحلة ماء بارد واوذتني الا تبي
لاب توب .......... ويوم رجعنا لي الرياض في الليل ولا سني علي مله نحتري الصبح يشق نوره
وين علي محل الكمبيوتر ونطق جهاز لاب توب ورحنابه للبيت ويم دخلت للبيت خذ طنازه من العيال الله يصلحهم امين احد يقول سنق قاري عددة كهرب والثاني يقول سنك واثالث يقول نحو الاميه ولاخر يقول سنك محصل حق البنك العقاري
قلت هذا يالغشمان جهاز لاب توب قالو اقعد خل مير نشوفه وممداني احطه الا وهم متخمطينه تقول بزير صغير توه مولود
وقمت اجمع هالصور من كل محل انا منول خابر يجمعون قمورة ببسي او طوبع
وبعد فتره هم طلعنا مع الاخوان ولا معهم كتب قلت مشاء الله مثقفين تقرون في البر قالو لا الله يغفر لنا ولك هذي كتب عن البر الصمان وغيرها وفيه بعد كتب سبيره ولا وجازلي الوضع ويوم رجعنا الا مايردنا الا محلات البر
وخن بط ونشتري شحنة كتب ويم جيت للبيت وخذ طنازه لي يقول وش عندك يالجامعي والثاني يقول من لح فيه الشيب وش ينبغابه قلت هذي سلمكم الله كتب عن البر
رد الصغير الله يصلحه قال اقعد يالخلاوي
المهم لا طول عليكم الحين يوم حنا نكلف علي انفسنا
يمكن البعض يقدر انه يجاري الكشاته لي مغنيهم الله ولكن فيه البعض لي طالب او ان مرتبه علي قد حاله
اقوله الله يثيبك يابعدهم ترا منتاب ملزوم تشتري
قارمن
لاب توب
كمره
كتب
خرائط
عدة
سياره
اصبر لين الله يفرجها ويرزك ولا اغناك ربك اشتر لي تبي
يعني لا تثقل علي شايبك يمكن انه يحبك ولا وده يضيق صديرك بكلمة (لا) وانت بعد لا ضيق صديره بكثرة
ابي ابي ابي ابي....................
اخوكم
خشم الحصان