مسكين وابي مساعده

[dr-moooody]

السلام عليكم يا اخوني انا في الحقيقه ما عمري نزلت ولا موضوع ما ادري ليش ولانو ما شاء الله اطلع معايه حجات تفتح النفس بس مو هناا الموضوع
الموضوع ودي اتعلم اسنوكر بس مو غوص كذا على الشاطى المشكله كل اصحابي الى معايه
ما يحبوو يتعلم يقلك القصبه كلام هو محد قال حاجه حلوو الصيد بلقصبه
بس ودي اشكل حلوو التشكيل فودي اتعلم صيد اسنوكر وودي كمان اشتري واروح اسال
في البنقله على المسدسات والله احتار وابطل واخاف اشتري حاجه واتوقه بيهااا
وخايف كمان بعد واحد ما قال ليه انو ياخدو المسدس
وخايف اجرب لوحدي وخايف اشري ولا احد يشجعني على الاقل
الى ابيه منكم يا اخوني عنجد ودي واحد يقول ايش اشتري وايش احسن حاجه لمبتدا جديد يعني (بكرتونوو)

وابي كمان بعد ازنكم واحد يكون في جده عشان اخرج كمان معااا يعلمني مبداين

وشكرا ....

[مشاغب السقالة]

والله يا اخى كان ودى اساعدك
انا اعرف جميع انواع الصيد اللى من فوق الماية مو الصيد داخلها
يعنى تبغى تتعلم بوت او قصبات او مجارير اهلا بيك
انما تحت الماية ليها ناسها


ملحوظة
عيونى دمعت وانا باقرا موضوعك ههههههههههههههههه بامزح
تقبل مرورى

[هاوي سمر]

والله يا حبي لك لو عندنا بحر ببريده كان ابشر بعزك

بس ما عندنا الى شعبان ولا تدربي بالسنه الى كم مره

والله يرزقك بالصحبه الصالحه الي تستفيد منهم

وبالتوفيق

[sa_1899]

ههههههههههههههههههههههههاااي

اما العنوان تووحفه

ان شاء الله اهل الخبره يفيدونك

تحياتي لك

دمت بخير

[وليد الغربة]

الشباب جميعهم واذي يستطيع ان يفيدك ويصحبك لن يقصر معاك
وان شاء الله تنعم معاهم بافضل الرحلات
انا من حضرموت ولو كان عندي خلفية بالغوص وكنت قريب منك لكنت اول من سيمسك بيدك ..
وعنوان موضوع سيجدب لك الكثير من الاصدقاء

اخوك وليدالغربة

[حياتي البحر]

ان شاء الله الشباب يفيدوك ادخل رابطة الصيد بالسنوركل وحتستفيد كثير
والاخ sea lover يفيدك ان شاء الله

[عاشق قحاية]

وعليكم السلام ورحمة الله وبركاته

نصيحة خذ دورة عند أحد الاخوان اول ولاتسنكر لحالك

تعلم اول مع الاخوان هنا نسق معاهم واطلع معاهم ولاتشتري حتى تتعلم

ونصحة ثانية سيبك منهم كلهم تعال معانا بوت وانت راح تتحمس أكثر ...

[DIVE STAR]

السلام عليكم

اخي وعزيزي

انصحك اولا بدخول رابطة السنوركل ...

رابطة الصيد بطريقة السنوركل -الغطس الحر((إنضم إلينا وضع كل إستفسارتك هنا)) (http://www.mekshat.com/vb/showthread.php?t=281469)

وخذ فكره (( اكرر فكره )) عن هذه الطريقه في السباحه والصيد

وبعد ذلك قرر هل ستواصل وتنزل سنوركل ؟؟

اذا كانت هناك رغبه لذلك فأنصحك بأخذ دوره تدريبيه على يد مدرب متخصص

عني انا اخذت دوره من المدرب ابو نايف (( جزاه الله خير ))

وهو مسجل معنا في المنتدى بإسم

(( البحريه ))

وبمجرد تواصلك مع الشباب هنا حتلاقي الكثير ممن يشاركونك نفس الهوايه

انت اهم شي روح للرابطه - بعدين خذ دوره تدريبيه لفنون السنوركل

تحياتي لك

[ابو مشك]

حياك اخوي بيننا

وبالنسبة للسنوركل مثل ما قالولك الشباب في البداية خذلك فكرة عنه وبعدين دورة سنوركل ما تكلف شي وأرشحلك الأخ أبو نايف لتميزه وحرصه في التدريب
بعد كذا ابشر بعزك دامك من مكة اترك الباقي عندي
وخلي المسدس والصيد اخر شي في البداية خلك متفرج وإستمتع بالمناظر بعدين الصيد

تقبل مروري اخوك ابو عبد الرحمن

[R20]

هلا والله وحياك أخوي

أنا مع أخوي أبو مشك

أول خذلك مده فقط تتفرج وتتدرب على النفس و معادلة الضغط

بعد كذا لمن تحس إنك متمكن جرب السبير قن( المسدس)

ورأي إنك تشتري مسدس السي سب الصيني مقاس 75 قيمته 160 تقريبا وأتعلم عليه و هربد فيه زي ما تبغى لأن قطعة رخيصة مثلا السيخ 60 والريشة 15

وبعد كذا إشتري بوشات

[dr-moooody]

عنجد جزااااااااااااااكم الله الف خير يا اخواني

وعنجد انا سعيد بوجودي معااكم

ورح اسمع كلام كل واحد فيكم وابشركم خبرر يجنن

واحد من اصحابي في ينبع رح اروح عندووو وقال لك مني ترجع تخلص السمك الى في الشعيبه
خخخخخخخخخ

يسعدكم يا رب
وشكرا..

[accentkool]

ادخل رابطة الصيد بالسنوركل وراح تستفيد كثير من الاخوان هناك

[ابو نوف 200029]

انشاء الله الشباب فادوك تقبل مروري

[ناجل سمار]

وعليكم السلام الشباب فيهم الخير

[محب صيد السمك]

أخي الكريم أنا أشير عليك بأن تتدرب على يد مدرب لكي تتعلم الغوص الحر بإتقان .. ولتفادي المشاكل بإذن الله تعالى ...

[عابرالبحور]

اتمنا لك التوفيق