الطيور ما حذفت وش الحل....صقار الاسياح

[صقار الأسياح]

السلام عليكم ورحمة الله وبركاته
اخواني فيه بعض الطيور الحرار ما حذفت الى الآن وش الحل ابي حل يخليها تكمل بدري
ولكم تحياتي

[فزاعـ]

يفيدونك الاخوان
والله مالي خبرة عليها

[ابـــًًو تركـــًي]

عليك بالجرابيع وهي بتحذف ان شاء الله

[مطلاااع]

ياخوي طوف الطيور كم يوم وخلها تنزل بالوزن
وبعدين رد ارفعها وانشاء الله انها بتحذف
والله يتمم على طيوركم وفت الربطه

[ابو شنب 11]

السلام عليك
كيف الحال عطها (ذيل الورل)قطعه ثلاث اجزاء وكل يوم عطه وحدة غدا وفي الليل عشة جرابيع انا مجربها وحذف
ارجو اني افدك

[احمدالصالح]

شف وانا اخوك اذا كانت طيورك مغلقه ولاحذفت الى الحين ، جب صفار البيض فقط بدون البياض وحطها على العلف ، لامنه مكمل فيتامين للطير ، واذا التكيف عندهم بارد ماهوب حاذفين لازم يونسون شي من الحر لان البراد بيخليهم يقضبون . ارجوا اني افدتك طال عمرك وانت ابخص مني ان شاءالله .

[مشبر البران]

عليك بالجرابيع والفيران وأنت بكرامة
تراها مفيدات للطير

[((السنياري))]

انا نفسك عندي واحد من الطيور ماحذف للحين

وراكد عليه مخليه على راحته متى ماحذف يحذف

[دعاس]

اخوي صقار الاسياح/ مسيت بالخير بالنسبه للحرار ماهي زي التفاريخ غالبا تأخر بس انت اخبر بطيورك يوم ربطتها كانت نازله او مغلقه ,المفروض تطيح الطير ثم تربطه وتبدأتغديه وتعشيه وتشكل له بالوجبات والافضل الجراذي بالاسبوع مرتين ترانا مجربينهن ويكون المقيض معتدل لاهو بالحار اللي بيزهق الطير ولايكون بارد ولازم يكون للطير حوض يتسبح مشان يتفلا و حتى تبدا تحذف الطيور وتقبل مروري @اخوك ابونواف :lr

[الكايد 123]

عليك بالجو المعتدل وتنويع العلف

[عاشق شمرية]

ماشاء الله تبارك الله
الله يعطيك العافيه

[صاحب نوماس]

اخوي شكلك عجل على الطير

الطير انت مقيضة عندك بالبيت

وياليت يقول وش تعطية وهل انت تعلفة كل يوم عطنا جدولك اليومي للطير وان شاء الله نعلمك بالغلط اذا فية غلط ووش تعلفة


لاني اعرف شباب الله يعطيهم العافية يقيضون عندهم ويوم يعلفون ويوم مايعلفون

[تبلاني الهواه]

وانا عندي مشكله طيري حر ما حذف لين الحين نزلته ورفعته وما حذف وشووو الحل

[الرفاعي0555]

ماشاء الله تبارك الله
الله يعطيك العافيه

[سلطان 1]

صقار الاسياح صباح الخير 0
عط الطيور علفها وخلها بتحذف على وقتها وسلااااامتك

[الطبشي]

السلام خذ العلم ولا يهونون الربع نزل من عده الطير بعدين ارفعه وقلل من تبريد المربط والله يعين كل صقار

[ابوبندرالصقار]

يمكن الجو بارد عندكم بالمربط لازم الطير يحتر شوي وشوف المدهنة اذا ناشفة ولا زينة ومايمنع انك تدقها يمكن ملتهبة واهم شي تكون صحة الطير زينة والعدة فل وان شاء الله بحذف والله اعلم موفق بالخير