راعي الزبيرة
12/03/2005, 01:50 PM
السلام عليكم ورحمه الله وبركاته
قرارت أنا والوالد الله يسلمكم الطلعة للديرة ومعنا أثنين من الاخوان مشينا الساعة 2.30 الظهر على طريق حايل متجهين إلى مزرعة لنا على الدرب وخلصنا شغلنا الساعه 4 العصر وصلينا ومشينا مواصلين الدربإلى محير الترمس (130كيلو( شمال القصيم) المهم ملكم بالطويلة فرقنا من عند المحير الساعة 5.39 مساء ومع ردمية متجهين شمال شرق بمحاذاة مزرعة الامير بند حيث ان الردمية تقط عرقين من النفود ومنها شرق مسافة 5 كيلو مع الردمية الين أنقطعت الردمية مسكنا الخطوط متوجهين إالى الشامة وبعدها 30 كيلو تجيك ردمية الخوير المتجهة إلى الزبيرة يمين مع الرمية الحين الساعة 7.30 مساء و الله والساعة 8 وحنا هناك ونتعشى ونمرح عند واحد من الربع
اصبحنا واصبح الملك لله وعلى الخيسة شمال الزبيرة 5 كيلو ومنها شرق على شعيب الاقرع ومنه على الشعيب المفضل لدي ( شعيب الحسكي ) والديرة أبشركم ربيع وناسة
يوم الخميس ضربتنا سحاابة شمال شرق الحسكي بمفيض العوجاء مع برد يالله لك الحمد
مشى شعيب الحسكي من الجال إلى الجال وبعده عودنا إلى الديرة لاتباطانا بزواج واحد من الربع تغدينا بالديرة
وتضربنا أكالسحب ألى الساعة 3 العصر
الساعة 8.30 بالليل ضربتنا سحب يالله لك الحمد تقول (درو) سيالت الحسكي من فوق إلى العفجة أو ابعد جنوبا
يوم الجمعه مشينا بعد الفطور الساعة 9 صباح على طريق قبة مرينا فيضة الكون ماشاء الله ربيعها مايوصف
الله يطرح فيه البركة
اقشر شى مر علي يوم الخميس أني بوسط الربيع ولا معي كامير اصور فيها بصراحة حتى الوالد زعل علي (مامعك جوال ابوكاميرا)
لكن أبشروا بالخير الاسبوع الجاي أبطلع مع الشلة و أنشالله لاجيب صور من الشعبان
تكفون ترى الديرة ما تنخلى
اتمنى أكون ماطولت عليكم
والسلام مسك الختام أخوكم راعي الزبيرة
قرارت أنا والوالد الله يسلمكم الطلعة للديرة ومعنا أثنين من الاخوان مشينا الساعة 2.30 الظهر على طريق حايل متجهين إلى مزرعة لنا على الدرب وخلصنا شغلنا الساعه 4 العصر وصلينا ومشينا مواصلين الدربإلى محير الترمس (130كيلو( شمال القصيم) المهم ملكم بالطويلة فرقنا من عند المحير الساعة 5.39 مساء ومع ردمية متجهين شمال شرق بمحاذاة مزرعة الامير بند حيث ان الردمية تقط عرقين من النفود ومنها شرق مسافة 5 كيلو مع الردمية الين أنقطعت الردمية مسكنا الخطوط متوجهين إالى الشامة وبعدها 30 كيلو تجيك ردمية الخوير المتجهة إلى الزبيرة يمين مع الرمية الحين الساعة 7.30 مساء و الله والساعة 8 وحنا هناك ونتعشى ونمرح عند واحد من الربع
اصبحنا واصبح الملك لله وعلى الخيسة شمال الزبيرة 5 كيلو ومنها شرق على شعيب الاقرع ومنه على الشعيب المفضل لدي ( شعيب الحسكي ) والديرة أبشركم ربيع وناسة
يوم الخميس ضربتنا سحاابة شمال شرق الحسكي بمفيض العوجاء مع برد يالله لك الحمد
مشى شعيب الحسكي من الجال إلى الجال وبعده عودنا إلى الديرة لاتباطانا بزواج واحد من الربع تغدينا بالديرة
وتضربنا أكالسحب ألى الساعة 3 العصر
الساعة 8.30 بالليل ضربتنا سحب يالله لك الحمد تقول (درو) سيالت الحسكي من فوق إلى العفجة أو ابعد جنوبا
يوم الجمعه مشينا بعد الفطور الساعة 9 صباح على طريق قبة مرينا فيضة الكون ماشاء الله ربيعها مايوصف
الله يطرح فيه البركة
اقشر شى مر علي يوم الخميس أني بوسط الربيع ولا معي كامير اصور فيها بصراحة حتى الوالد زعل علي (مامعك جوال ابوكاميرا)
لكن أبشروا بالخير الاسبوع الجاي أبطلع مع الشلة و أنشالله لاجيب صور من الشعبان
تكفون ترى الديرة ما تنخلى
اتمنى أكون ماطولت عليكم
والسلام مسك الختام أخوكم راعي الزبيرة