من شاور ما خاب....!

[(الرسمي)]

السلام عليكم ورحمة الله وبركاته.
شباب حبيت استشيركم وش رايكم في الأمبي الرصاصي قوة 350 واط الصراحه انا سمعت انه افضل من الأمبي الأزرق والأسود ويدل على ذلك فرق السعر. وش رايكم خصوصا اني عزمت اشتري.

[الخبير]

السلام عليكم
اخوي وش صناعته؟
هل هو أمريكي ياباني أو تايواني او إيش؟

[(الرسمي)]

هلا اخوي الخبير بالنسبه للأمبي النوع الياباني طبعا على حسب كلام صاحب المحل.

[أبو فراس]

السلام عليكم ورحمة الله وبركاته

اصلا انا ما عرف وش هو الامبي

ممكن تعرفوننا به ومنكم نستفيد

[الخبير]

يا ابو فارس الإمبي هذا مقوي! يعني إذا كان جهاز الآيكوم يرسل 50 واط الإمبي ممكن يرفعه إلى 200 وأكثر!

يالرسمي: هل تحتاج فعلاً ل 350 واط؟؟ لأنها واجد، عموماً اتمنالك التوفيق!

[الوهاج]

وعليكم السلام ورحمة الله وبركاته،،
بعد اذن صاحب الموضوع حبيت ارد عليك يابوفراس ان الامبي هو مقوي الارسال باجهزة الاسلكي مثل ايكوم، الكنود او الياسوا بحيث يقوي الارسال بحوالي الربع او الثلث

هذا حسب معلومات البسيطة، واكيد ان صاحب الموضوع عنده الخبر اليقين

[الخبير]

السلام عليكم
يا الوهاج كيف يقوي بالربع او الثلث وهو يرفع الإرسال إلى 350 واط بينما الاسلكي بالحاله 55 واط وفي أفضل الأحيان 75 واط.

[(الرسمي)]

السلام عليكم ورحمة الله وبركاته:
هلا والله بالشباب (الخبير)+(ابو فراس)+(الوهاج) وكل الشباب المتواجدين معنا...
أولا:أخوي أبو فراس بالنسبه لموضوع (الأمبي) مثل ما قال أخوي الأستاذ *الخبير*
وبخصوص إحتياجي يا الخبير(للإمبي) فعلا محتاجه لأنني أهوى المراسلات البعيده.
وصراحه تبهذلت لأني جربت النوع الأزرق 300 والنوع الاسود350 والفضي200 ؛ الأزرق أول ما تشوفه تقول بس هذا الي بيراسل الصين؛ والأسود على لونه وشكله القوي تقول وخر عنه هذا أبراسل بوه طوكيو؛ والمسكين
الـــ200 على قد حاله والشي الغريب هو عندي أفضل من الأنواع السابقه لأنها مــو أصليه!!!
>وجهة نظر قد تكون صائبه وقد تكون خاطئه< وعذرا على الإطاله.

[الخبير]

إذا كنت ملزم شف لك جهاز te sestems هذا من تجربة شخصية قوي جداً هو 400 واط راسل به واحد من الشباب من شقراء على المد قام وغطى على عامة الرياض!

[(الرسمي)]

بعد التحيه:
أخوي الخبير ممكن نبذه مختصره لو تكرمت عن الجهاز (te sestems) ووين أحصله وبكم سعره وطريقة أستخدامه ولو يحصل صور بعد أكون لك من الشاكرين.