الفرامل الخلفيه لليوكن تعلق ...بأستمرار

[مغلي]

عندي مشكله بيوكن امريكي 2002
المشكله هي
الكفرات الخلفيه احيانا كلها او احدها تعلق فرامله وتضل كابسه(ماسكه فرامل) والسياره تصير ثقيله وترتفع حرارة الهوب بشكل خيالي ولما يفكها الفني يحصل ان عمرها باقي الربع او اقل .... او منتهيه
ايش سبب تعليق الفرامل الخلفيه بالذات
الفني قال لي غير العلبه حقة الفرامل بالكبوت .... واستغربت وطنشت كلامه لأنه غير مقنع ...

غيرت الفحمات الخلفيه بأصليه قبل 3 ايام ومشى الحال ... واليوم احس بثقل بالسياره وهي تمشي احس ان السالفه رجعة(تعليقة الفرامل الخلفيه)
فهل المشكله من :

اصلاح الباكم
العلبه بالكبوت
نظام الabs
خلل بالباكم نفسه

[بوالطعوس]

السلام عليكم
اخوي مغلي مرحبتين الموضوع حدث معاي قبل اسبوع تقريبا البريك خفيف قلت خلني اشيك عليه
رحت للمجرمين بدل هوبات اماميه مع سفايف + طرمبه البريك (العلبه كامله مع الطرمبه ) الكل اسي ديلكو الاصلي صاراحسن شوي يومين رد اخف من الاول رديت للمجرمين وبدلنا الدرامات والسفايف الخلفيه +البستن اللي بالدرامات مع عمل تنفيس للبريك ولا تغير شي ونا طالع مسافة 5 كيلو الا والبريك الخلفي يدخن وصاير حارمن الحراره رديت له طلع العامل زايد على ميزان السفايف سوينا العيار خف التابر ومن مجرم لاخر وبالنهايه رحت للتشليح وكلمت العامل قالي اكيد من الطرمبه ماصدقته قالي انا عندي طرمبه اركبها لك ونشوف
ولله الحمد طلعت الطرمبه مثل ماقلت الطرمبه مضروبه .
لا تستعجل هذي قدامك حاله والشباب ما يقصرون
وبالتوفيق .

[ريان2002]

كنت أتمنى أفيدك وأعطيك العلم الأكيد ولكن أتوقع والعلم عند الله إن السبب في الكليبر اللي سميته الباكم لأنك إذا مسكت فرامل والباكم خربان الأقمشة ماترجع مكانها الطبيعي وتظل ماسكه في الهوب والحل ( إصلاح للباكم أو الكليبر بالأصح )
وربنا يسهل أمرك

[الجنوبي 911]

الله يعينك

[مغلي]

شكرا للجميع بدون استثناء

نعم احي ريان ممكن من الكليبر او الباكم ... تراي مدري وش الفرق بين هالاسمين بس انا اقصد الحاجه الي تمسك الفحمات وفيها اصلاح وبستم صغير يضغط الفحمات عند الفرمله


سبق وان قالي الفني ان الاصلاح خربان وغيرته من سنه جديد وكاله

والان الفرامل (الفحمات وليست قماشات) الخلفيه صارت احيانا تعلق

[ابوغسان 2]

الاخ الكريم مغلي تحية طبية لك وللاخوة الاعزاء
قبل ان تصلح اي شئ
نأمل التأكد من سلامة قماشات او فحمات الهاند بريك وهي تركب في الهوب من الداخل احيانا تعلق وتسبب حرارة الهوب
وتسطيع معرفة انها معلقة من خلال المقارنة بين الجانبين (التي في الكفر الايمن والايسر)
ولها وزنية قد تكون مشدودة اكثر من اللازم
ونتمنى لكم وللجميع التوفيق

[عاشق ا لمطر]

قبل اسبوع حصل معي ان البريك بالكفر الخلفي الأيمن ماسك وحار ويدخن
وشلته في سطحة للورشة وطلع الخراب من سسته (سبرنق) صغير منفلت وركبه لي وضبط الوضع
وصارت عندي مشكلة ثانيةوهي تعليق البريك الامامي
واحد قالي من الكليبر والثاني قالي من abs مادري من اصدق

[moooj]

فيه خطوات فحص سهلة
فك الكفر الخلفي ودور بعدها فك الهوب بتلقى فحمات الهاندبريك احيانا ينكسر
فك كليبر الفرامل الخلفية ودور اذا ثقيل يكون من فحمة الهاند الي داخل الهوب الخلفي اذا خفيف بعد فك الكليبر لازم تشيك الكليبر نفسه يمكن يحتاج طقم اصلاح
او ان ضغط الزيت غير منتظم ويكون بسبب اوساخ ورواسب في الزيت وكثير تحصل هالمشكلة
ويمكن من السلندر الصغير يبي له تغيير
ابدأ بالسهل والله يوفقك

[مغلي]

الله يستر

المشكله عادت الان بكفر خلفي ايمن معلق فرامل او جلنط