طلب مساعده .. لاعدمناكم

[سعود بن بدر]

الله يمسيكم بالخير

والله إني أستفدت كثيراً من هالمنتدى المبارك وإن كانت مشاركاتي شبه معدومه


سؤالي أحبتي وين ألقى ما يسمى بـ ( الصفار ) اللي يوضع على اللحم أو الدجاج ؟

هل فيه أماكن خاصه يبيعونه ؟؟

أو إنه يسوى بالبيت ؟؟

وتقبلوا دعواتي يالغاليين

[مقناص 20]

محلات العطاره بارك الله فيك
تلقاه واي شي تبيه من لوازم الطبخ
وانواع التوابل
ارجو اني افتدك ان شاء الله
تقبل تحيات
اخوك ( مقناص 20 )


http://www.m5zn.com/uploads/2010/5/1/photo/gif/050110030551l9gt36ri.gif


http://img718.imageshack.us/img718/9573/alfarisnet1259328452.gif
http://img59.imageshack.us/img59/6893/sign3u.jpg

[عشة الحمام]

هذا تلقاه حتى عند البنشري :) .. طبعاً امزح ولكن اقصد ان كل البقالات المتوسطة او الكبيرة تلقاه عندها .. اسأل عن العصفر

[كاري]

تقصد الكركم ... تلقاه عند محلات العطارة ...

طبعا فيه صفار صناعي (لونه اصفر بقوه) هذا يقال انه مضر ..

شرفتنا في الخيمه ...

[ابورايف]

عند البقالات ومحلات العطارة
بارك الله فيك

[HUMAN]

أخوي مرحباً بك
إن شاء الله تلقاه في محلات العطارة ومحلات بيع القهوة والبهارات ومحلات بيع المواد الغذائية والبقالات والسوبرماركت
ويسمى الكركم وكذلك البزار ...
ويباع بالكيلو ( الوزن ) وبعلب كرتون وبعلب بلاستيك وبأشكال مختلفة ...
ننتظر مشاركاتك بالطبخ بالكركم .. هاه هي هاي

وتسلم .. موفق للخير

[جوبتير]

خذلك نص كيلو كركم من اي محل وخصوصاً محلات المكسرات في السوبرات الكبار زي بنده والعثيم وغيره وتأكد من انه اصفر ناصع وهذه نبته طبيعيه مجففه بإمكانك تأخذها من محلات العطاره وتطحنها في البيت
يعطيك العافيه

[سعود بن بدر]

الله يبيض وجيهكم شخصاً شخصاً <<< مايمديكم على اللغه
طيب هل الكركم هذا أخففه بشي عشان يصير سائل كالماء مثلاً والا وهو بودره

[كاري]

8
8

هو يجيك مطحون .. طبعا انت تحطه مع الكشنه ..
او اذا بغيت تبهر للحم تحط الكركم وعليه اشوي ماء
وتدهن فيه اللحم ...

[عشة الحمام]

الله يبيض وجيهكم شخصاً شخصاً <<< مايمديكم على اللغه
طيب هل الكركم هذا أخففه بشي عشان يصير سائل كالماء مثلاً والا وهو بودره


اخوي سعود .. اللي انت تطلبه ما هو كركم مع احترامي للاخوان اللي قالوا انه كركم .. هذا عصفر وهو ملون صناعي .. الكركم تابل طبيعي يشتركون فقط في اللون .. ولكن الطعم فطعم الكركم قوي جداً وممكن يخرب عليك الطبخة بالكميات اللي تحتاجها لتلوين الدجاج .. علماً ان الفائدة في الكركم والخطر في العصفر

ورداً على سؤالك .. طبعاً بكل تأكيد يحل بماء خاصة لو بغيت تفرك دجاج او ذبيحة .. حوالي معلقة معها ثلاث ملاعق او اربع ملاعق ماء .. يعني الشغلة تقديرية

[سراوي نجد]

ايه بالبيت

[السد الغزير]

فيه ناس يسوونه في البيوت .

وفيه ناس يشترونه من محلات العطارة .

[سعود بن بدر]

يا شباب الله يعطيك الصحه والعافيه وأجمعني وإياكم ووالدينا في جنات النعيم
عشان أقرب الفكره بمعنى أصح نظراً لأني الأن بديت ألخبط مابين الكركم والعصفر خلوني اجيبها بطريقة أسهل
أنا ألحين عندي لحم أو دجاج وأبي أسوي مندي سواء بالبرميل أو بفرن الغنام أو غيره وش اسوي بالضبط يعني هل أحط بهارات بعدين الكركم أو العصفر أو الكركم أصلاً هو بهارات من غير أي شي ثاني أو أيش بالضبط ؟؟؟
يعني أبي العلم الوكاد لأني بطلع مع شباب هالأسبوع وبسوي فيها الولد القرندايزر وأنا عمري ماسويت أندومي !!!
المهم عطونا العلم تكفوووووون ؟؟
*همسه بسيطه <<< تراك زودتها بطلباتك الماصله أخلص يابوووووو
وش أحسن التيس الهندي أو الباكستاني ووين أفضل محل ألقاها عنده بالرياض ( مع العلم أن البلدي أفضل ) ..
دعووووواتي للجميع

[عشة الحمام]

اخوي سعود .. العصفر هذا مجرد لون فقط .. يعطي شكل جميل للحم او الدجاج ولا يؤثر في الطعم مطلقاً ..

اما الكركم فهو يستخدم لاعطاء نكهة للاكل ولكن بسبب لونه القوي فهو يغير لون الاكل .. ولكن الناس لا تستخدمه لتغيير لون الاكل بل لاعطاء نكهة .. ( اللون يجي غصب ) وبعدين لون الكركم ماهو قوي ابداً يعني ما يثبت على اللحم مثل اللي تشوفه على المندي او المفاطيح .. لذلك لا يستخدم الكركم مطلقاً من اجل هذا الغرض نهاااااااااااائياً .

اما بالنسبة للبهارات اللي تبي تحطها على الذبيحة او الدجاج .. فبالنسبة للذبيحة فاعلم بارك الله فيك ان من يتبل الذبيحة بأكثر من ملح فهو لا يفقه كثيراً في الطبخ .. الذبيحة الزينة لا تطلب شيء اكثر من الملح فقط وذلك للاستمتاع بطعم اللحم الحقيقي .. البهارات والتوابل من اجل تحسين طعم شيء .. والهريفي الطيب يؤكل ني ..

اما الدجاج فهذه قضية أخرى .. فأنت بحاجة إلى الكثير من التوابل لان الدجاج الله لا يغير علينا نعمته لحمته مصنقة من الاعلاف اللي تستخدم .. لذلك اكثر من التتبيل ... وتبي تتبل ثم تعطي الدجاج ( وجه بوية :) ) من العصفر مافيه مشكلة .. تبي تخلط عباس على دباس .. بعد ما فيه مشكلة


اما بالنسبة للتيس الباكستاني والهندي .. فهل انت تقصد شيء مبرد ؟! .. إن كنت تقصد المبرد فهذا طبعاً لا تنطبق عليه الشروط اللي فوق .. يعني لازم يتبل مزبوط .. لانه بيجي فيه ( زفرة ) ومحتاج طبعاً لمعالجة بالتوابل والبهارات للتغلب على طعمها ..

اما الحي فهو مثل الهريفي .. اذبحة وكله على طول ان بغيت من دون طبخ وامورك بتمشي تمام التمام ..

اما الافضل الهندي او الباكستاني .. فمن واقع الخبرة .. الهندي افضل .. تحياتي

[سعود بن بدر]

الغالي / عشة الحمام
بيض الله وجهك
ورحم الله والديك
ورزقك من حيث لاتحتسب
أنا أشهد إنك كفيت ووفيت ..

وشكراً لجميع الأخوان اللي ردوا علي بآرائهم النيره وحرم الله وجيهكم عن النار