استفسار بخصوص تركيب مكينة فتك.. لا هنتوا

[العبله]

بسم الله
السلام عليكم ورحمة الله وبركاته


اسعد الله اوقاتكم بكل خير..
انا صراحه احترت قبل ما اكتب الموضوع وين يكون هل يكون هنا او في تجهيز السيارات لكن اتوقع ان هذا مكانه.
المهم يا الربع..
بالنسبه لمكينة الفتك انا طاري علي اني انزلها على الربع طبعا نيسان ولكن اجهل كثير من الامور المتعلقه بمكينة الفتك بشكل عام
انا حبيت استفسر منكم واستشيركم
انا موتري 2001 ربع المكينه الحمد لله ما عليها كلام زينه لكن على قولتهم زيادت الخير خيرين.
و ودي آخذ رأي الخبراء من اخوانا في المنتدا وآخذ الرأي من الاخوان المجربين لمكينة الفتك على الربع وش المشاكل اللي واجهتكم؟
و كم تكلفة المكينه؟
وبالنسبه للمكينه اي مديل تنصحوني به؟؟
و هل تكفي المكينه فقط او تحتاج لاشياء اخرا مثلا انا اسمع انك لازم تركب كمبيوتر لكن ما اعرف شي عنه يا ليت لو تتكرمون و تزودوني بالمعلومات.
وبالنسبه للشغل كم يكلف شغل اليد وقبل هذا انا في الرياض من افضل واحد يشتغلها؟؟
واذا فيه معلومات اكثر لا تبخلون علي بها الله لا يهينكم.
واخيرا هل تستاهل مكينة الفتك ان الواحد يخسر ويتعب في تركيبها؟؟


شاكر ومقدر لكل من يدلو بدلوه من مختصين و مجربين.
تحياتي..

[برايدوي عنيد]

هلابك اخوووي........................

والله الحين المواتر وفقه ممكن تلقى مواتر نفس بعض المكينه والموديل هذي انواع

المشاكل والاعطال والثانيه زي الحلاوه..

لكن يقولون يطلع الموتر نشيط وانشط من الربع التويوتا ..

لكن من عنده تركب مالي علم والله لكن اتوقع الصمعاني اللي بتشليح بريده ...

تقبل مروري............

[سوبر VTC]

مكينة الفتك مكلفة جدا
قيمته من 20 الى 27الف تقريبا
اضف لذلك قيمة تجليس المكينة
و فزر الظفيرة + البرمجه
+ اديتر مرواح...الخ

نصيحتي ركب لك LS1 5700
مع ظفيرته تقريبا ب11الف
2000تجليس
برمجه
تحويلة استرالية
تتغير علبة الكلتش لانه ضعيفة حقت البلد
طرمبة بنزين و ريقيورتير
اديتر كابرس و مرواح

مكينة الLS1
على حد علمي لو تبي تعدل بالراس و السلندر
ماتقدر تسافر عليه طبلون 180 تنكسر عليك المكينة
لان الضغط عالي

اما مكينة الفتك تقدر تمسك خط 500كيلو على سرعة 200
ما عندك مشكلة
لكن عيبه غالية جدا

بالرياض هشام الملا او SLR
الزلفي بدر الحمد
بريدة يوسف الخضير
ورش متخصصه بالتجليس و التعديل
او ادخل منتدى تطعيس :good2: تخصص مرهمات
موفق

[العبله]

هلابك اخوووي........................

والله الحين المواتر وفقه ممكن تلقى مواتر نفس بعض المكينه والموديل هذي انواع

المشاكل والاعطال والثانيه زي الحلاوه..

لكن يقولون يطلع الموتر نشيط وانشط من الربع التويوتا ..

لكن من عنده تركب مالي علم والله لكن اتوقع الصمعاني اللي بتشليح بريده ...

تقبل مروري............



هلا بك
انا اقصد وش افضل مديل يعني مثلا 2004 او 2007 .
اما من ناحية النشاط فهو ما عليه وافضل من ربع التايوتا هههههه الحين حقين التايوتا بيزعلون علي..

[العبله]

مكينة الفتك مكلفة جدا
قيمته من 20 الى 27الف تقريبا
اضف لذلك قيمة تجليس المكينة
و فزر الظفيرة + البرمجه
+ اديتر مرواح...الخ


نصيحتي ركب لك LS1 5700
مع ظفيرته تقريبا ب11الف
2000تجليس
برمجه
تحويلة استرالية
تتغير علبة الكلتش لانه ضعيفة حقت البلد
طرمبة بنزين و ريقيورتير
اديتر كابرس و مرواح


مكينة الLS1
على حد علمي لو تبي تعدل بالراس و السلندر
ماتقدر تسافر عليه طبلون 180 تنكسر عليك المكينة
لان الضغط عالي


اما مكينة الفتك تقدر تمسك خط 500كيلو على سرعة 200
ما عندك مشكلة
لكن عيبه غالية جدا


بالرياض هشام الملا او SLR
الزلفي بدر الحمد
بريدة يوسف الخضير
ورش متخصصه بالتجليس و التعديل
او ادخل منتدى تطعيس :good2: تخصص مرهمات
موفق






هلا بمشرفنا الغالي..
الظاهر اني منيب كاتب موضوع مره ثانيه كلامك ما يمكن ان يزاد عليه من دون قصور في الربع.
لكن وانا اخوك انا مانيب راعي مراقا ولا اشب على الموتر يعني على ركاده وتمشي بس صراحه ما كنت اتوقع ان مكينة الفتك مكلفه بالشكل هذا..
والبنسبه للمكينه اللي ذكرتها اتوقع هذي تصلح للي راعي مراقا وراعي كرف للموتر في النفود لكن انا موتري بيكون للاستخدام العادي يعني في الديره و خطوط وبالنسبه للسرعه ما ظن اني بمشي 180 في الخط عساني امشي ان كثرت 140..
على العموم يعطيك العاافيه وما قصرت وبارك الله فيك على المعلومات اللي اثرت الموضوع والي استفدت منها
لا هنت يا الذيب.

[الكدن1]

اذا تبي النشاط والعزم عليك بـــ ls1 وانت على كلامك مانت راعي عسف فهي تصلح للسفر وللمدن الحي يحييك تحس ان تحت رجلك مكينة تبرد الكبد وهي على الباترول اخر كلام الحين تطور الشغل بس شفلك واحد مضبوط لو زاد عليك شوي