يا اهل الخبره هل تفهمون نفسية طيوركم

[@السيف@]

السلام عليكم ورحمة الله وبركاته سمعت اكثر من صقار يقول انه ما يهد بعض طيوره الا اذا كان متاكد بفضل الله انه يصيد سؤالي :
1.كيف تعرف ان طيرك بيصيدها .
2.كيف تعرف ان طيرك ما راح يصيدها سواء بعيد الطرد او قريبه الصيده.
3.هل الطير اذا فشل في صيد الفريسه يتغير طبعه ولا عادي .
4. هل تلاحظ تصرف غريب من الطير بعد صيده لفريسه اتعبته ولا التصرف واحد سواء اتعبته او لا .
5.بعض الطيور تنسر من الرقبه وبعضها من الثندوه للفريسه ايش السبب .
هذا واسف على كثرة الاسئله لكن انتم اهل لها .

[الصارم1]

والله اكيد كل واحد يعرف طبع طيره ويجاوب على الاسئله

[ابوفلاح كويت]

1/ الصقار يعرف اذا طيره جاهز ولا لا
والطيور انواع يعني فيه طير يهد ويبذل مجهود في اي حاله من الاحوال
يعني من تشيله من المربط يهد معك الصبح وهذا النوع قليل وفيه طير لازم تجهيز عشان يهد
2/اذا انت صقار تبي تعرف طيرك واذا انت نقال منت عارف لين تهده ويجنب
3/هذي تبقا لى الطير نفسه مثل ماقلتلك الطيور انواع والصقاقير انواع فيه الي يحفظ طيره وفيه الغشيمم .. مثال الي يهد طيره على كل شي وبنفس الوقت يهده اكثر من هدد غلط هذا دمار للطير
4/اكيد ان الصيده الي تتعب الطير ماهي مثل الصيده السهله .. واذا قصدك تصرف غريب على الطير مافيه اي تصرف غريب غير التعب لان اكثر الطيور اذا تبع لى الصيد ماياكل بسرعه ليما يرتاح وبعدين يبدأ بالاكل
5/الي ينسر من الرقبه هذا يكون متعلم واهو وحش واذا كان جير رايه ماياخذ الصيده منه دايم يخليه هو الي يذبحها وياكل على كيفه .. ومثل ماقلتلك الطيور ماهن واحد مثل الرياجيل ..
وسامحونا على الاطاله

[ابوفلاح كويت]

5/اذا كان تفريخ يكون راعيه يخليه كل ماصاد شي هو الي يذبحه والي ينتف من الرثندوه دايم راعين يعاونه ينتفله ويعطيه الثنادي

[صاحب نوماس]

طبعا اخوي انت تكون عارف نفسية الطير وتعرف اذا يبي يلحق والا لا واكيد تعرف نفسه فالدعو ونفسة فالمقناص واكيد تعاملة على قد نفسيتة احيان يكون فسقان ويقفلها معك قفلها انت معة وطمرة واحيان يكون طربان ويطربك عاد اذا سوى كذا لاتقصر معة اكرمة


اما ان بعض الطيور صحيح تذبح الصيدة من الثندوة وبعضها تجي الصيدة من موخرها


وهذي وانا اخوك اما احد هذة الحالات وهذا الغالب

1- ان الطير يكون تفريخ
2- ان الطير يكون جني عش يعني ماطار
3- اذا كان وحش انة اول مرة يصيد هذة الطريدة سواء حمام او غيرة يعني اول مرة يشوفها

اتمنى اني افتيتك

[@السيف@]

بيض الله وجيهكم ولكن ننتظر باقي الاعضاء

[حمد العذبي]

1.كيف تعرف ان طيرك بيصيدها .
بعض الطيور من تاخذ برقعه وهو على الشبه وحش تشوف الخرب يجر وفي عينه الثانيه تشوفه يردده خخ
ابد متى ماخلي الطير من الامراض والملوع والاجهاد ومشنذر وجاهز وزانت نفسه على الدعو اي مايتثقل في هالحالة بشربها إذا الله كاتب انها تموت

2.كيف تعرف ان طيرك ما راح يصيدها سواء بعيد الطرد او قريبه الصيده.
الطير نفس وصقاره من يا خذ برقعها يعرف نفسه ويعرف طريدته ويعرف مستواه في الطرد
ثاني شي اعرف من نفس الطير على الدعو ومدى جاهزيته للهدد
3.هل الطير اذا فشل في صيد الفريسه يتغير طبعه ولا عادي .
اغلب الطيور وخصوصاً المغاتير تشين نفسه ويتنكر عليك
4. هل تلاحظ تصرف غريب من الطير بعد صيده لفريسه اتعبته ولا التصرف واحد سواء اتعبته او لا .
الي تتعبه تلاحظ عليه يحرص عليها وما تنعزل منه بسهوله
5.بعض الطيور تنسر من الرقبه وبعضها من الثندوه للفريسه ايش السبب .
مافيه سبب واضح إذا كان الطير معيد عادي مايهمه والفرخ اول ما تنسره يستحسن تبدا بالرقبه علشان يعرف مذبح الحبارى اي متى ماصادها وانت بعيد منه يحللها ولكل صقارف فلسفه في هالموضوع
هذا واسف على كثرة الاسئله لكن انتم اهل لها .

شكرا على سمو طرحك

[@السيف@]

1.كيف تعرف ان طيرك بيصيدها .
بعض الطيور من تاخذ برقعه وهو على الشبه وحش تشوف الخرب يجر وفي عينه الثانيه تشوفه يردده خخ
ابد متى ماخلي الطير من الامراض والملوع والاجهاد ومشنذر وجاهز وزانت نفسه على الدعو اي مايتثقل في هالحالة بشربها إذا الله كاتب انها تموت

2.كيف تعرف ان طيرك ما راح يصيدها سواء بعيد الطرد او قريبه الصيده.
الطير نفس وصقاره من يا خذ برقعها يعرف نفسه ويعرف طريدته ويعرف مستواه في الطرد
ثاني شي اعرف من نفس الطير على الدعو ومدى جاهزيته للهدد
3.هل الطير اذا فشل في صيد الفريسه يتغير طبعه ولا عادي .
اغلب الطيور وخصوصاً المغاتير تشين نفسه ويتنكر عليك
4. هل تلاحظ تصرف غريب من الطير بعد صيده لفريسه اتعبته ولا التصرف واحد سواء اتعبته او لا .
الي تتعبه تلاحظ عليه يحرص عليها وما تنعزل منه بسهوله
5.بعض الطيور تنسر من الرقبه وبعضها من الثندوه للفريسه ايش السبب .
مافيه سبب واضح إذا كان الطير معيد عادي مايهمه والفرخ اول ما تنسره يستحسن تبدا بالرقبه علشان يعرف مذبح الحبارى اي متى ماصادها وانت بعيد منه يحللها ولكل صقارف فلسفه في هالموضوع
هذا واسف على كثرة الاسئله لكن انتم اهل لها .

شكرا على سمو طرحك
بيض الله وجهك كفيت ووفيت واوجزت واثريت وننتظر باقي الاعضاء

[حمد العذبي]

بيض الله وجهك كفيت ووفيت واوجزت واثريت وننتظر باقي الاعضاء
وجهك يالسيف

[دعاس]

افادوك الاخوان

[صويااان]

ماقصرو الاخوان

[الكايد 123]

افدك اخوي حمد العذبي

[راعي أنقره]

افادوك الاخوان