تسجيل الدخول

مشاهدة النسخة كاملة : الفزعة يا أخوان كربريتر اللندكروزر مديل 95 جته وعكة صحية


العنابي 616
01/05/2010, 06:07 PM
السلام عليكم :good:

حيى الله الشباب كل باسمه

السالفة و ما فيها اني قبل يومين كنت مسافر اول الطريق السيارة ما فيها الا العافية بس بعد فترة
اضطريت اني اوقف يوم وقفت الا السيارة ترجف و دخن اسود واذا دعست زاد الدخان
(السالفة ذي صار لي زيها قبل شهرين بس ما طولت السيارة زانت لحالها)
توكلت على الله و كملت الطريق قبل ما اوصل بشوي جانا عج شديد من بعد العج علقت الدعسة على 3.5 و الى الان و هي معلقة اذا طفيت يالله تطفى واذا شغلت على طول يرتفع الريس

علما اني اذا مشيت تصفى السيارة مع الممشى و عزمها ما لحظت عليه تغيير واجد

فاللي عنده علم يفيدنا الله يجزاه خير و اللي يعرف ورشة ممتازة للكربريتر بالشرقية بعد يفيدنا:D ×
بدون لوحات
02/05/2010, 12:41 AM
فك القربه واستخدم منضف (اس ديلكو) بتنضيف الكلبليتر والسياره شغاله

بعد ذلك غير صفاية البنزين
العنابي 616
02/05/2010, 08:35 AM
السلام عليكم اخوي بدون لوحات

صفاية البنزين مغيرها فبل فترة قريبة و منظف الكربريتر قبل 5 شهور تقريبا
جزاك الله خير على المشاركة

نسمع من باقي الشباب
راضي2004
02/05/2010, 08:41 AM
1_عبي ينزين95
2_تأكد من ليات الهواء حق الكربريتر
3_قربة الكربريتر احكمها كويس ..
تأكد من هذه النقاط وان شاء الله يصلح
بالتوفيق
ذيب عتيبه
02/05/2010, 08:48 AM
حياك الله يالعنابي


مشكلتك كلبليتر ميه بالميه .. ويحتاج تنظيف ...


ولكن حط ببآلك كلبليترات الاندكروزر حساسه جدا اذا حدثت لها مشكله تتنظف مره وحده وعند مهندس ممتاز والا قل للكلبليتر السلام


وبما انك تقول قد نضفته قبل خمس شهور ... فلعلمك المهندس ماعندك احد وعدم عليك الكلبليتر وماعاد ينفع الا تغييره


قد صارتلي ولا كنت اعلم عن هالحاجه ووديته لمهندس غير معروف وينظفه لي وتجلس المشكله حول الثلاث شهور وترجع .. وانضفه ثلاث مرات عقب المره الاولى ماعاد فيه طب وادخله الحراج جاب لي الظغط
خالد الزومان
02/05/2010, 09:46 AM
مرحبا
تأكد ان الواير حق الدعسه ما علق ...
يعني والسياره طافية شيك على واير الدعسه من جهة الكربريتر تأكد ما يكون مشدود اكثر من اللازم ..
ثانياُ : تأكد من منظم التشغيل على البارد مايكون قافل (موجودالكربريترمن فوق) .
العنابي 616
02/05/2010, 12:39 PM
مشكورين يا أخوان على المشاركة

أخوي راضي
جربت البنزين 95 و لا نفع و بالنسبة لليات و القربة حسب شوفي ما فيها الا العافية .

اخوي ذيب عتيبة
الله يسهل الامور و ان شاء الله ما احتاج كربريتر و لا هم يحزنون

اخوي خالد×
سلك الدعسة ما هو معلق و ما ادري وش تقصد بالمنظم
العنابي 616
02/05/2010, 06:11 PM
أبشركم يا جماعة حليت المشكلة
والحمدلله كان الحل بسيط جدا اخذ تقريبا دقيقة والتكلفة صفررررر ريال

و جزى الله خير كل من شارك في الموضوع
عـبـود 911
04/05/2010, 07:57 PM
طيب يا ليت تذكر طريقة الحل للفائدة
الجنوبي 911
05/05/2010, 01:35 AM
وشهو الحل للفائدة