الليلة على الرياض

[مخايل]

الهوى في الرياض الان نسري (جنوبي شرقي) مما يعني ان السحاب الآن يتراكب ويتراكم مما يعني ان فرصة هطول أمطار كبيرة جدا الليلة بأذن الله وكذلك فرصة البردية كبيرة لأن الجو رطب وكاتم واللي يطلع على حركة السحب من بعد المغرب يشوف تأثير الهوى سبحان الله وش لون يتكون السحاب بسرعة.
عموما والعلم عند الله الليله فيها (إن) على الرياض.
دمتم

[ابو وطبان]

الله يجيب الخير انشاء الله الان رش خفيف على الدرعيه والعماريه والعيينه والرياض في الطريق اللهم لك الحمد على هذا الخير

[الوسم2]

أيشرك يا مخايل أن الأمطار علينا من البارحة أما الآن فغرقنا ولله الحمد
وبشرك الزبيدي بالصداوي متوفر ولله الحمد والمنه

أخوك الوسم 2

[الوسم2]

أبشرك يا مخايل أن الأمطار علينا من البارحة أما الآن فغرقنا ولله الحمد
وبشرك الزبيدي بالصداوي متوفر ولله الحمد والمنه و منطقة الفقع جاها سيل متتالي

أخوك الوسم 2

[بن زبن]

ان شاء الله وبحيل الله .... السحاب هالمرة ممشى خط التكوين له جنوب ثقيل وهذا زين توقعناه الخميس على الرياض ثم الجمعة ثم السبت .. انشاء الله الليله وباقي الاسبوع

[الــــراصد]

أعتقد يا أخ مخايل أن قصدك (شمال شرق) , والرياح الشمالية عموماً تأثيرها سيء على السحاب , صحيح أنها بإذن الله تعتصر ما في السحاب من مطر , لكن السحاب يبدأ يخلب ويتقطع اذا هبت عليه الشمال, ولكن مثل ما تفضلت الهواء نسري وهو (والعلم عند الله ) هاب تحت السحاب اللي على القصيم , وهذا يعني أن فيه احتمالية لعودة الرياح السائدة الى جنوبية وذلك لأن النخفض لازال متمركز حسب ما تظهره الأقمار الصناعية.
والله نسأل أن يغيث المسلمين ويبارك في ما أنزل علينا انه سميع مجيب.

الــــراصد

[مرصاد]

مساء الخير ياخوان

كلامك ياخوي صحيح بس المشكلة انا ملاحظها اليوم ان السحاب اذا اقبل على الرياض يخلب ويتلاشى وذلك بسبب المرتفع اللي على عمان والربع الخالي مايخلي السخاب يوصل ويرد المنخفض شمال على منطقة القصيم وشرق بس ان شاء الله ان المرتفع يبعد شرق ويروح الله يكفينا شره وان شاء الله ان الله يأمر المنخض يدك الراض واللي حوله يارب ياكريم

وسلامتكم

[اخبارالديره]

وسط الرياض رشت شوي الساعه العاشره الله يكرمنا بالمطر

[ابو خداش]

مساكم الله بالخير

ماشالله تبارك الله امطار رعديه خفيفه الى متوسطه على مطار الملك خالد من بعد صلاة العصر امس ولازال
المطر مستمر...............(اللهم زد وبارك)................زز

[مرصاد]

صباح الخير اخواني

اخواني الزبيدي والوسم 2 ووش ديرتكم اللي جاها الغرق ترانا تايهين نرجو التوضيح جزاكم خير وهل حيل السحاب عليها بس او وسيع

وشكرا جزيلا

[ذيب سدير]

بعد ما ينخفض الضغط الجوي وييبدأ تأثير المنخفض فإن الرياح الشرقية أو النسري تكون أفضل خاصة إذا كان هناك مرتفع جوي قريب كما هو الحال مع منخفض عمان حتى لا يذهب السحاب ، الامور بتقدير من بيديه الخير وتسيير الامور المولى عز وجل ان يذهب عنا مرتفع عمان شرقأ لكي نتمتع بالسحب التي تغطي اجوائنا فيرزقنا الله بالمطر وكذلك عمان والله أعلم

[هاوي الخرج]

نحن في الخرج أتتنا اليوم 3/2 رشة قليلة الصباح الساعة 6.00 صباحا

وشكرااا