المساعد الشخصي الرقمي

مشاهدة النسخة كاملة : من تعثر بين النشاما مايطيح ... وين فزعت الشباب.


اللورد 2009
01/05/2010, 07:19 PM
السلام عليكم ورحمة الله وبركاته. اخواني الاعضاء والزوار ومن عنده الخبره في جهاز GPSmap60c يفيدني جعل والدينا ووالديكم بالجنه .(بغيت اخر اصدار للخريطة وطريقة ادخالها بالقارمن ). علماً ان جهازي انجليزي وذاكرته داخليه .جزاكم الله عنا خير الجزاء.
اللورد 2009
02/05/2010, 09:13 PM
وش السالفه وين الشباب؟؟؟؟؟؟؟؟؟؟؟؟
sameer_1798
03/05/2010, 02:21 AM
وعليكم السلام ورحمة الله وبركاته
ويش صار على موضوعك هذا :
http://mekshat.com/vb/showthread.php?t=282712
اللورد 2009
03/05/2010, 03:23 PM
الاخ العزيز. _sameer.مقدر تعاونك معاي بالحقيقه اخوك عليمي بالجهاز لانه جديد بغيت استفسر منك واوعدك بعد كذا راح اطبق الشرح الاول الي افدتني فيه بس بغيت اسئلك (اذا طبقت شرحك هل يبين عندي بالقارمن الشعبان والفروع التابعه لشعبان منطقة الجوف والشمال) بنسبه لشرحك واضح جداً .اخوي ارجو انك ما تمل من اسئلتي بس اذا كان يبين عندي فروع الشعبان يكون احسن لان فيه واحد يقول مستعد انه يوديه لدار موجه بالرياض وانا خايف على الجهاز مايضبطونه او يضيع او يصير له شي . على العموم مابي اطول عليك . شملتنا بتعاونك وحسن تجاوبك وبنسبه لدعوة الوالده تقول وش اسم خويك علشان ادعيله . قلت انوي له ونشاء الله تستجاب الدعوه .يعني العجوز على البركه ههههههه. الله يجزاك عنا خير ..... اخوك اللورد.
اللورد 2009
03/05/2010, 03:27 PM
تابع للرساله السابقه . اذا فيه شرح ممل ومفصل او شي نسيت انك تقوله بالشراح افدني به . اخوك شمالي والصدر وسيع. دمت بود.
اللورد 2009
05/05/2010, 06:44 PM
لازلت انتظر ردك اخوي sameer
sameer_1798
05/05/2010, 10:56 PM
جزك الله خير وبارك الله فيك
أخوي بالنسبة لخرايط المدن ماعندك مشكلة تركبها بنفسك لكن خرائط الصحراء لاتوجد بالنت مجانية باللغة الانجليزيه إلا خريطة البراري والخرائط الأخرى يركبونها لك إما دار موجه أو السياري ..... اتصل عليهم عشان تتأكد أفضل .

خريطة البراري تستطيع تركيبها بالطرق التي ذكرتها لك وهي ماتغطي الشمال كامل (من رفحا وشرق ) شوف هذه الصوره لها :
http://www.mekshat.com/pix/upload04/images161/mk30962_sahra.jpg

http://www.mekshat.com/vb/showthread.php?t=126739
والأفضل لك تروح دار موجه او السياري لأن خرائطهم أفضل بكثير .

هذا السياري صاحب خرائط الصحراء وهذه ارقامهم اتصل عليهم وعطهم نوع جهازك وشوف ويش يقولون لك :
http://www.desertmaps.com/contactus.php

وهذا عنوان وأرقام دار موجه اتصل عليهم :
http://www.garmin.com.sa/ar/index.php?option=com_contact&view=category&catid=0& (http://www.garmin.com.sa/ar/index.php?option=com_contact&view=category&catid=0&Itemid=4)
Itemid=4 (http://www.garmin.com.sa/ar/index.php?option=com_contact&view=category&catid=0&Itemid=4)


على فكره / جهازك هل به خرائط وأي خريطه ؟
اللورد 2009
06/05/2010, 11:59 AM
اخوي العزيز sameer اشكرك على جهودك معاي ويعطيك العافيه وبالنسبه للجهاز انشاء الله راح انسق مع دار موجه وارسله مع خويي الي رايح يوم الاحد للرياض وسراحه ردك جا بوقته وجزاك الله عني خير الجزاء . وبنسبه لسوئلك الجهاز شريته قبل اسبوع فيه خرايط العالم كلها والطرق الرئيسية للدول . اتمنى ان دار موجه مايمسحون المواقع الي انا خزنت بالجها ولو انها قليله . وراح اردلك خبر بعد ما يجي من دار موجه . شكراً على جهودك معاي اخوك المخلص . اللورد.
sameer_1798
06/05/2010, 12:04 PM
وجزاك الله خير
يمكن دار موجه يحذفون البيانات المخزنه بالجهاز لذلك يجب عليك نقلها للحاسب عن طريق برنامج المابسورس .
إذا جات مع الجهاز اسطوانه نزل البرنامج في الحاسب ثم وصل الجارمن وانقل البيانات
شاهد المواضيع المميزه بها أكثر من موضوع يشرح التعامل مع برنامج المابسورس .