عآجل يا أخوان تكفووون .....

[الغرابيM]

السلام عليكم ورحمة الله بركاته ..

موجود ربع تايوتا وينقص كل 600 او 700 كيلو علبه كامله لو مسكت خط والسرعه 140 وفوق وبالديره على حسب الممشى ..

وفيه صوت حنه وطلع رمان الكرونه ياليت ..

ياليت تفيدوني هل المكينه تبي شنبر ولا توظيب وكم يكلف الشنبر او التوظيف ..

كم سعر رمان الكرونه وتركيبه وابي ورشه بالقصيم مختصه بالشي ...

اتمنى منكم إفادتي عاجل وجزاكم الله خير

[الغرابيM]

وين اهل الخبره مافيه احد

[الغرابيM]

ومآآآآ زلنا ننتظر

[الغرابيM]

للرفع ......

[سوبر VTC]

العذر على التاخر في الرد
على الخاص


رد سابق


اذا كان دخان ابيض فهو جلد البلوف
يفك الراس او بدون فك و تغير الجلد
اما
اذا كان دخان ازرق فهو ضعف بشنبر البستم
مايحجب الزيت عن بيت النار


تاكد لاتكون المشكلة من بلف غطاء بخار راس المكينة


لان اذا كان البلف خربان يكون فاتح باستمرار و معلق همن يخرج الزيت الى الثلاجه
ثم اذا فتح بلف الهواء دخل على غرفة الاحتراق و طلع دخان ابيض
و البعض يعتقد انه من جلد البلوف
عادة تحصل على فلتر الهواء زيت واجد

يوجد شخص وضب باترول و لا ستفاد
و صارت المشكلة من بلف بخار الزيت ب80ريال
و كامري م2002 على وقته غير مكينته مرتين
و تصرف زيت و لاستفاد
و صارت المشكلة بلف غطاء الراس ب35ريال فقط
طبعا العطل يختلف من موتر لاخر
جلد بلف
ضعف شنبر
بلف الراس
تهريبات



http://www.mekshat.com/pix/upload04/images162/mk53291_zxzx.jpg



و الاهم من هذا كله
اذا مشيت بالموتر 2000كيلو
عاير زيت المكينة
اذا كان ناقص علبة او اقل
فلا تلمس المكينة


اذا مشى الموتر 5000كيلو
عاير الزيت و شف كم ناقص




تاكد من عدم وجود تهريبات
في وجه الكرتير
تهريب من الصوفة اللي بين المكينة و القير
تهريب من وجه الصدر
تهريب من وجه كرتير المكينة
تهريب او تندية من نفس الصرة
تهريب من وجه غطاء الاديتر


بعدين لو موترك يصرف زيت او المكينة منتهية
كان وانت تمشي
تحصل خلفك سحابة زرقاء طول مانت ماشي
و في هذه الحالة
يسقط له شنبر فقط
مع التشييك على راس المكينة
من ناحية عدم وجود شعر او صنفرة بلوف اذا لزم
خصوصا اذا كان هناك تفة


السرعات العالية تخلي الموتر يصرف زيت
حتى لو هو جديد


خل الموتر يشتغل لمدة 10دقائق خصوصا الظهر
بعدين دس بنزين دوسة وحده اذا طلع دخان ابيض فهي احتمال جلد بلوف
و تاكد من عدم وجود تهريبات بالمكينة سواء كرتير الزيت او صدر المكينة او الصوفة اللي بين القير و المكينة


جرب حط زيت الترا سفن 50 20 :good:
و عاير الزيت بعد 2000 كيلو
و افضل مقياس ب5000كيلو
و لاتنسى السرعات العالية تخلي الموتر يصرف زيت
الافضل لاتعدا سرعة 140



اخر احتمال


هل فحصت شنابر البستم بساعة الضغط
تاكد من ضغط البساتم بالتسلسل فك كل البواجي و افحصهن
كل مرة تدق سلف و تشوف كم يوصل الضغط ؟
اذا كان الضغط في احد البساتم ضعيف فاحتمال شنبر ضعيف
ما يحجب الزيت عن بيت النا


http://www.mekshat.com/pix/upload04/images154/mk53291_bmpbojpo.jpg





الكارونة
احتمال تبي وزن فقط ونة
او رمان كارونة خربان يمين او يسار
او رمان بنيون اللي بين عمود الكردان و الكارونة
او من رمان العكوس
تاكد لايكون الزيت ناقص


الكارونة يحط له زيت 90 + علبة مانعة احتكاك لونه ازرق شركة جي ام
تحط علبتين
اذا طلع صوت ونة فرغ الزيت و حط زيت 140
اذا ما خف الصوت حط 4ضغطات شحم عند البنشري
و بعضهم يحط برادة خشب
و البعض يحط اكرم الله النعمة قشر موز



http://www.mekshat.com/pix/upload02/images81/mk53291_fuibfub111.jpg


علبة مانعة احتكاك لونه ازرق شركة جي ام
تحط علبتين
هذي صورته


http://www.mekshat.com/pix/upload02/images81/mk14425_20f080923%28002%29.jpg





تخصص تويوتا ورشة ابو خالد الخضير بطريق خضيراء
شغل الكارونة ورشة العثمان بتشاليح بريدة
و يجي بعده ورشة ابو عبدالله الصمعاني





موفق

[قمة افرست]

لايوجد لدي اضافة عن ماذكرو الاخوان
فقط ملاحظة جميع سيارات نوع جيب اذا جيت من مشوار لاتعاير الزيت بتلقاه ناقص
اترك السيارة وعاير الزيت الصباح قبل تشغل
نقص علبة خلال 600 كيلو امر غير طبيعي ولازم يكون معه دخان اذا لايوجد دخان او ريحة حرق زيت
لديك مشكلة ان الزيت من الاصل لم يعبى صح او تهريب او تعايرة والسيارة حارة