البيكال بين مدح وذم

[هايبر قمري]

السلام عليكم ورحمه الله وبركاته اخواني اعضاء مكشات الأفاضل نبغا نسوي استفتاء للبيكال الروسيه ونشوف من يمدحها ومن يذمها مع ذكر الاسباب سواء كان مدح او ذم ولكم جزيل الشكر والتقدير محبكم في الله ارجو التفاعل ودمتم وفالكم الصيد
:f

[هارون97]

بعد التشويك 690 صارت تمام التمام تطرب اطراب

[حزوبر]

السلام عليكم
يوم الأربعاء كنت عند الشايقي بالديرة ، لصيانة خرازه عندي
وسألته عن افضل شوزن، من حيث المكينه، والجودة
قالي الأيطاليات كلهن ممتازات
ثم بعدهن البيكال، وحقيقة أثنى عليها بإسهاب
وسألته عن التركيات، ونصحني بعدم شرائهن
لا تزعلو يا اخوان والله هذا كلامه وعلى ذمته
وكما يقال (حظي بري ما قالو الناس قلنا):d

[عقيد حرب]

مافيها كلام يااغالي متانة بالصنع وقوة تحمل وسعر لايضها

[نباك]

شوزن حقت كرف ما تخاف عليها اجزاء المكينه كلها حديد
رميها عن نفسي يطرب صيدتها ماتضيع
المشكله الي بها ان الشعب يلعبون بمنضم الغاز ويقولون انها ما تنتش او تلك
انا ماعمرها جتني المشكله الا مره علما اني قليل ما انضفها اني رميت بضغط 50
ولكت فريت منضم الغاز على الهفي ربع لفه وزبطت علما اني دايم ارمي بضغط 36 و32

شوزن حطها على يمناك ولا يغرك احد

[عاشق الفتك 20]

البيكاال ماافيهااا كلام ممتاازهـ لاكن عيبهاا
التشووكاات انا عندي وحدهـ مطلعتلي قروون
التشووك 660 ماايصلح لي الاجووال

[صلفان.نجد]

افضل السيء من الشوازن هي البيكال.

[هايبر قمري]

صلفان نجد وشلونك عساك طيب انت تذم والا تمدح وش الاسباب وفالك الصيد

[العاير]

البيكال سلاح ذو متانه وقوة على قولتهم حمار مكده خصوصا مع التشك 690 660 تغير رميها للافضل معي لها 4 سنوات ماذكر اني اخطيت بها لاكن يعيب السلاح الاتساخ يبيلها تنظيف حسب استخدامك ونوعيه الفشق الى تستخدمه مع العلم ان جميع الشوازن لابد لها من تنظيف لاكن الغازيات بزياده هذا باختصار

[غربي هواوي]

والله يا اخوان انا اسمع ناس كثير تذم رميها وانها باردة

لكن وربي اني رميت فيها بوصلة 690 وبفشق ارسي الاسود اني ما صدقت مداها تطرب

يعيبها انها لازم تنظفها بعد كل فترة

[براق دخنة]

لو سعر البيكال 13000

كان طلعوها على البنلي

وانا عندي والله يالبيكال انها احسن من البنلي

[المكتوم]

بدل الاستفتأ التجربه افضل

[هايبر قمري]

اخوي مكتوم صحيح ان التجربه افضل انا مجرب والاخوان مجربين ولاكن الهدف من الاستفتاء عشان تكون الصوره واضحه ويكون عطينا البندق هاذي حقها من مدح او ذم

[ابوقشعان]

السلام عليكم ورحمة الله وبركاته
ودي اشتري بيكال ولكن مدري وش الافضل 28او 30او 32 المجربين اصحاب الاستخدام يردون فقط وشكراً

[dr.mekshat]

تبي تشوف رمي البيكال زين ولا شين شف هالموضوع وانت احكم
http://mekshat.com/vb/showthread.php?t=244807
تصوير فيديو

[قنآص زهرآن]

كم وصل سعرها الحين..جديد..واذا مستخدم نضيف كم احصلها وهل تنصحوني بالجديد ولا المستعمل النضيف..الفلوس حول 5000

[ابو علي 99]

احسن شوزل فى العالم وسعرها معقول جدا لا يهمك بواريد المهايط ام 13 الف
خير انشاء الله
البيكال مع تشك 660 لاتشاور احد تسوق على كيفك تطيب خاطرك
اذا تبي تصيد عليك بالبيكال
وذا تبي تهايط وتميلح عليك بم 13 الف

عيبها الوحيد ان ثقلها ماتوزع زين على البارود صاير الثقل قدام مكان نضام الغاز

[ابونايف الروقي]

شباب عيب البيكال ثقل المكينه اصبعها ثقيل شوي وعيبها بعد التنظيف ..
وحلاتها مع التشوك 660 وسعرها مناسب .. والي بياخذ ياخذ 30 انش فيبر اسود . .

[وادى الأب]

السلام عليكم الاخواة الاعزاء مشكلة البيكال التوصيل

[dr.mekshat]

مع تشوك الـ 690 ماعاد فيه مشكله
لعلمك انا ارمي بوصله الفل لكن بعد ما جربت الـ 690
تقدر تقول تتحدا فيها اي بندق وتبي تشوف رمي الفل شف هالموضوع
http://mekshat.com/vb/showthread.php?t=244807

[هايبر قمري]

اخوي دكتور مكشات ماشاء الله ودكتور رمي طيار والله يوفقك البندق بيكال فيبر وش الوصله الي انت حاط ونوع الفشق والله يغفر لنا ولك ولاخوننا اعضاءمكشات الاحباء الي قلوبنا

[dr.mekshat]

الوصله طال عمرك وصله الفل " F "
والفشق ار سي اسود
تحياتي لك يالغالي
ابوصالح

[هايبر قمري]

صايد وفايد اخوي دكتور ودي اعرف الفشق كم ظغطه ونوعه وكم رقم التشوك ولك مني اطيب الاماني وفالك الصيد:l :s

[ابومشعاب]

ياالطيبين ..قولو لاإله إلا الله ..
كثر الجدل حول البيكال .. بين مادح وذام ...
مع اني من مستخدميها ..
لآكن مالقيت للبنلي وللبراوننق وللرمنتغون .. أي إستفسار
فالمثل يقول (المعرف لايعرف )

[نباك]

لو سعر البيكال 13000

كان طلعوها على البنلي

وانا عندي والله يالبيكال انها احسن من البنلي


والله كلامك عين الصواب :good2:

[قنآص زهرآن]

اخوي دكتور مشكات..ياليت توضح لي كم ضغط الفشق الي بالمقطع ورقمه ونوعه وياليت تعلمنها ع عدلت بوزنية البكيال او لا وياليت توضح المسافه الي صدت منها ولك الشكر

[عاشق نفل]

ما تنفع ولا بريال
صار لي موقف وكرهت البيكال كله

[بواردي الدبدبه]

البيكال ممتاز تحمل ضغوط ماتتحملها النلي والبرتا بس المشكله التشوكات والثقل هاذي المشكله

[عبار درب]

شف تبي حصان تكشخ به خذ ايطالية تبي حمار مكدة خذ بيكل
عني جربت النوعين و لا شفت هاك الفرق الي يستاهل 6000 -7000 ريال بين الايطالية و البيكل الروسية

[اورنس الشرق]

حقيقه اني ودي اشتري وحده

وخصوصاً بعد مدح بعض الشباب لها

[ذيب النجيل]

اخواني اهل الخبره والتجربة

وش احسن تشك لصيد الارانب ؟

[عاشق 2المقناص]

باختصااااااااااااار شديد """"""""
البيكال مثل الددسن """

[قناص ضريه]

البيكال وكاكا36 وبس
اسال مجرب .........:good2: :good2: :good2:

[nany5500]

من خلال التجربة مافيها اي كلام تحس انك ماسك باردو صح مع اني ارمي بالبنلي والبلجيك والناس اجناس والاختلاف وارد وكلا يدور الى يعجبة

[هايبر قمري]

اشكر جميع من شارك في تقيم هذا السلاح واتمني ان نكون وفقنا لأعطاء هذا السلاح حقه لكي تعم المنفعه علي الجميع ولكم شكري وتقديري لكل اعضاء مكشات الافاضل:s :lr :good2: