يالنشامى موتري فيه طقة في القير !!!!!!!!!!!!!!!!!!!!!!!!!!

[راعي البهقا]

السلام عليكم ورحمة الله وبركاتة

حياكم الله ياشباب ،،،

يا اهل الفزعة موتري باثفندر تماتيك 2003 غيرت الزيت والفلتر من تقريباً شهرين او ثلاث والآن فيه صوت في بعض الاحيان من 2الى 3 تعليقه بسيطة ،،،

ارجو لمن عنده علم ان ينورنا ،،،

ولكم خالص تحياتي ،،،

[ريثان القصيم]

بينفعك ان شاء الله هالرابط

http://www.mekshat.com/vb/showthread.php?t=156827


ريثان القصيم

[طير شلوى نجد]

حصلت مثل هالمشكلة مع صاحب لي صارت المشكلة بسيطة على ما اذكر انه بالكهرباء السيارة اتاكد وان شاءالله افيدك.

[راعي البهقا]

جزاك الله خير اخوي ريثان القصيم وما قصرت

[راعي البهقا]

يعطيك العافية اخوي طير شلوى نجد

وانا في انتظارك

بارك الله فيك

[طير شلوى نجد]

بالخير ياراعي كاحلة العين وماعليش ان تاخرت عليك وتراي لقيت الرساله بس ابرجع لمه وماعرفتله درب المهم موتر خوي نفس المشكله وراح لم الشيبان ألي ببريدة وحصل فيش ما انكبس زين وكبسه والموتر الي يومك مافيه مثله والفيش تلقه وراء البطارية مثبت بالرفرف اليمين افصله واكبسه لانه مع الوقت يطلع من مكانه وما يوصل كهرب كفايه وانشاءالله امورك باذن الله تظبط .

[راعي البهقا]

الاخ العزيز ( طير شلوى نجد ) المحترم ،،،

جزاك مولاك خير الجزاء على هذا الجهد المبارك

أسأل ان يبارك في جهودك وان يكثر من أمثالك

ارجو منك التوضيح اكثر يا اخوي لا هنت

وانا شاكر ومقدر لك هذا التعب :l

ولك تحياتي ،،،

[طير شلوى نجد]

الله يجزاك خير وهذاحق المسلم على اخيه المسلم وبنسبه لفيش الكهرب ان كنت تسأل عنه على الي فهمت من خوي كان يحس بنتله بالموتر وراح لم ورشه له سمعته وقالوا توضيب قير طلع وتوجه لورشة يشتغلبه سعودي ويقول دخل ايده من وراء البطارية وكبس فيش كان طالع من مكانه وكان الفيش مثبت بالرفرف وجرب الموتر ومن احسن ما يكون وقال ان الفيش دايم يطلع من مكانه مع المطبات والخليان وبعض الافياش يحتاج تنظيف والشغله ذي كله تقدر تسويه وانت مدد وتراء قصدي بكبس
الفيش تشبك الفيش وانشاء الله اكون افدتك وبالتوفيق.

[راعي البهقا]

الله يجزاك خير اخوي طير شلوى نجد،،،

وما اقدر ان أرد جميلك إلا بالدعاء،،،

فغفر الله لك ورزقك ما تتمنى،،،

[طير شلوى نجد]

سلمت والله وجزاك الله خير

[راعي البهقا]

لكم تحياتي ،،،،،،،،

[سوبر VTC]

وين موقعك ؟
يدلونك الربع على ورشة
قد صارت المشكلة لجيب و ماصار يمشي
حصل مسامير الفلتر غير مشدودة
بمعنى اذا رقا الزيت يطلع مع الجوانب الى الكرتير
خارطة القير له ضغط معين مثل عيار الهواء للكفرات
لو نقص الزيت مايمشي الموتر يكون
كان الزيت ناقص

[راعي البهقا]

حياك الله اخوي الاستاذ الكبير (سوبر Vtc )

أنا في الشرقية وما عندي مشكلة ان اذهب الى الرياض الغريق ،،،

جزاك الله خير الجزاء

[بدوي جنوبي]

طيب قبل تغير الزيت
كم له فتره الزيت القديم ؟

[راعي البهقا]

حياك الله الاخ الفاضل بدوي جنوبي ،،،،

والله بصراحة السيارة من الوكالة ما تغير زيتها

وهل هناك مشكلة لا سمح الله ؟؟!؟؟؟

[راعي البهقا]

انتضر الرد ،،،،،،،،

[راعي البهقا]

هل يغير الزيت بعد غرق السيارة ؟؟؟؟؟؟؟؟

[راعي البهقا]

ما هو افضل زيت للقير ؟؟؟؟

[راعي البهقا]

أنا في انتظارك يا بدوي جنوبي ،،،

[ابوياسمين]

اذا انا فهمتك صح
فكهرباء القير ذي صارت معي وكادت تكلفني الاااااف وصلحها سوداني بورشة الصحراء ببريدة ب20 ريال
الحساس الي راكب في الثروتل(يسمى منظم الهواء) ابو فيشين على الثلاجه من فوق
تكون وزنيته اختلفت من المطبات وخلافه ووزنيته بالملي والا راح تفكر ان القير خرب عليك يطق أو يفلت نمرة لان هالحساس لقير التوماتيك فقط
جرب توديه لمحترف قير يشوف الوزنية فقط وان لقى شيء لاتعطيه اكثر من 50 لانهن مسمارين يرخيهن بسكروب ويرفع الحساس
وان قال لا مابه شيء تكون المشكله في شيء ثاني بس جرب منت خسران وخيار بسيط لاتبدأ بالخيارات الصعبة والمكلفة
تقبل تحياتي موتري باث2001

[راعي البهقا]

اذا انا فهمتك صح
فكهرباء القير ذي صارت معي وكادت تكلفني الاااااف وصلحها سوداني بورشة الصحراء ببريدة ب20 ريال
الحساس الي راكب في الثروتل(يسمى منظم الهواء) ابو فيشين على الثلاجه من فوق
تكون وزنيته اختلفت من المطبات وخلافه ووزنيته بالملي والا راح تفكر ان القير خرب عليك يطق أو يفلت نمرة لان هالحساس لقير التوماتيك فقط
جرب توديه لمحترف قير يشوف الوزنية فقط وان لقى شيء لاتعطيه اكثر من 50 لانهن مسمارين يرخيهن بسكروب ويرفع الحساس
وان قال لا مابه شيء تكون المشكله في شيء ثاني بس جرب منت خسران وخيار بسيط لاتبدأ بالخيارات الصعبة والمكلفة
تقبل تحياتي موتري باث2001



جزاك الله الف خير يالغالي ابوياسمين ،،،

ما قصرت يا اخوي الله يبيض وجهك ،،،

يمديك يابو ياسمين توضح اكثر وين هذا الحساس بالضبط لا هنت لو تقدر تصور الحساس
اكون لك من الشاكرين ،،،

ولك تقديري ،،،

[راعي البهقا]

أنا في انتظارك يا ابو ياسمين
لا هنت ،،،
nnnnnnnnnnnnnnnnn
!!!!!!!!!!!!!!!!!!!!!!!!!!!