احداثيات محادق قريبه من مدينة الخبر

[kingly]

السلام عليكم

لا هنتم يا الشيوخ اللي عنده احداثيات لمحادق قريبه من مدينة الخبر (اماكن ينراح لها من فرضة الخبر) اكون له من الشاكرين.

[كيموالبرمائي]

انشاء الله يفيدوك الشباب تقبل مروري

[كنعد]

اذا قصدك داخل البحر بطراد تتعب علشان يجيك الصيد لان صيد الخبر ضعيف جداً بطراد

واما من السيف في اماكن كثيرة وعندك العزيزية ممتازة فيها شعوم ومزيزية

بس راقب المد والجزر لانها مهمة في الصيد هناك

[abo-Hisham]

أخوي كنعد وبعد إذن صاحب الموضوع طبعاً ... فين المواقع اللي تقول عليها بالعزيزيه ؟؟

وما فهمت قصدك بخصوص المد والجزر ؟؟؟ أخوك ترا عليمي :p

وياليت شوية توصيات من عندك على نوع الطعم اللي تستخدمه ;)

[kingly]

شكرا للاخوان اللي ردوا ....

اخوي كنعد ترا السالفه كلها وساعة صدر اكثر منها صيد .... يعني لو في اماكن ينصاد فيها للوناسه (كم شعريه و كم فسكره) اكون من الشاكرين

اللي انا اشوفه انو في طرادات كثيره للصيد على الكورنيش و جنب الجسر و مقابل التحليه فما اظن ان البحر فاضي زي ما تفضلت و قلت في ردك.

[حياتي البحر]

افيدو الرجل يا شباب الشرقية

[محآآآآآآآآآآر]

يفيدوك الإخوان إن شاء الله
أخوك،،،،،،،،،،،،،،
محآآآآآآآآآآآآآآآآآآآآآر

[مشاغب السقالة]

الفزعة يا شرقاوية
وينكككككككم؟؟؟؟؟

[kingly]

الشكر موصول للاخوان محار و مشاغب و حياتي البحر ولا يهونون البقيه

بس شكل الكل مايبي يعلم!!!

[كنعد]

أخوي كنعد وبعد إذن صاحب الموضوع طبعاً ... فين المواقع اللي تقول عليها بالعزيزيه ؟؟

وما فهمت قصدك بخصوص المد والجزر ؟؟؟ أخوك ترا عليمي :p

وياليت شوية توصيات من عندك على نوع الطعم اللي تستخدمه ;)



المكان ياطويل العمر العزيزية الي فيها دبابات وبليلة وخيول هناك المنطقة حلوة وفيها شعم وسبيطي بس يبغالك تروح في نص الاسبوع علشان الازعاج بس

والطعم ربيان ولا احسن

والله يوفقك

[كنعد]

أخوي كنعد وبعد إذن صاحب الموضوع طبعاً ... فين المواقع اللي تقول عليها بالعزيزيه ؟؟

وما فهمت قصدك بخصوص المد والجزر ؟؟؟ أخوك ترا عليمي :p

وياليت شوية توصيات من عندك على نوع الطعم اللي تستخدمه ;)



المكان ياطويل العمر العزيزية الي فيها دبابات وبليلة وخيول هناك المنطقة حلوة وفيها شعم وسبيطي بس يبغالك تروح في نص الاسبوع علشان الازعاج بس

والطعم ربيان ولا احسن

والله يوفقك

[كنعد]

شكرا للاخوان اللي ردوا ....

اخوي كنعد ترا السالفه كلها وساعة صدر اكثر منها صيد .... يعني لو في اماكن ينصاد فيها للوناسه (كم شعريه و كم فسكره) اكون من الشاكرين

اللي انا اشوفه انو في طرادات كثيره للصيد على الكورنيش و جنب الجسر و مقابل التحليه فما اظن ان البحر فاضي زي ما تفضلت و قلت في ردك.


انا عندي طراد ودخلت بحر الخبر 9 مرات والاماكن بوية 23 و 24 والحادة

هذي مناطق صيد بعد الجسر ما صدنا شي مرة

وانا الحين في الجبيل والصيد على اذنة

واذا عاجبتك الخبر الله يهنيك ويسعدك
تقبل مروري

[كنعد]

شكرا للاخوان اللي ردوا ....

اخوي كنعد ترا السالفه كلها وساعة صدر اكثر منها صيد .... يعني لو في اماكن ينصاد فيها للوناسه (كم شعريه و كم فسكره) اكون من الشاكرين

اللي انا اشوفه انو في طرادات كثيره للصيد على الكورنيش و جنب الجسر و مقابل التحليه فما اظن ان البحر فاضي زي ما تفضلت و قلت في ردك.


والله يوفقنا وياك

[kingly]

شاكر و مقدر اخوي كنعد

لا عدمناكم اللي عنده اماكن غير اللي ذكرها الاخو كنعد يتفضل و يحطها هنا فضلا لا امرا ولكم شديد الشكر

[abu majid]

السلام عليكم

انا انشاءالله افيدك روح خلف الماكدونالدز اللي عالكورنيش تلاقي ارض داخل البحر مكان القارب اللي كان موجود زمان و عندك مقابل الميريديان 3 السنة تلاقيني عادة عند اللسان الاول والحين وقت الباراكودا والضلعة هناك خذ صنارة طويلة و خيط 60 او اكثر والطعم جواف او ميد او اذا هدفك سمك صغير خذ ربيان المشكلة المكان زحمة شوي... و عندك يا طيب مكان عند البرج الجديد على البحر تلاقي الصيادين هناك واي مكان تلاقي فيه فلبينية يصيدو اعرف انه مناسب. وانا تحت امرك و نصيحة تعال وقت المد لما البحر يرتفع و هذا عادة من العصر للعشاء

[accentkool]

اذا قصدك داخل البحر بطراد تتعب علشان يجيك الصيد لان صيد الخبر ضعيف جداً بطراد

واما من السيف في اماكن كثيرة وعندك العزيزية ممتازة فيها شعوم ومزيزية

بس راقب المد والجزر لانها مهمة في الصيد هناك
يعني المنطقة اي وقت يصلح الصيد فيها في المد ولا الجزر







مناطق الصيد اللي اعرفها بالخبر
الشبيلي
شاطي تالا
كورنيش الخبر

[accentkool]

اذا قصدك داخل البحر بطراد تتعب علشان يجيك الصيد لان صيد الخبر ضعيف جداً بطراد

واما من السيف في اماكن كثيرة وعندك العزيزية ممتازة فيها شعوم ومزيزية

بس راقب المد والجزر لانها مهمة في الصيد هناك

صدقت يا اخوي الكنعد صيد الطراد بالخبر كلن يشتكي من قلة الصيد وتخسر على التجهيزات للطلعة ولا تستفيد شي غير الوناسة بالبحر

[kingly]

ما تقصر يا بو ماجد ولا خلا ولا عدم ....

انا يا جماعة الخير ودي بأماكن داخل البحر (بالطراد) سمعت ناس يتكلمون عن مناطق ما بين العزيزيه و الهافمون و الاخخ كنعد ما قصر و تكلم عن بويه 23 و 24 (بس الحاده هذي ما عرفتها, ودي لو توضح اكثر اخوي كنعد).

اللي عنده معلومات لا يبخل علينا يا مال الغناه.

[كنعد]

ما تقصر يا بو ماجد ولا خلا ولا عدم ....

انا يا جماعة الخير ودي بأماكن داخل البحر (بالطراد) سمعت ناس يتكلمون عن مناطق ما بين العزيزيه و الهافمون و الاخخ كنعد ما قصر و تكلم عن بويه 23 و 24 (بس الحاده هذي ما عرفتها, ودي لو توضح اكثر اخوي كنعد).

اللي عنده معلومات لا يبخل علينا يا مال الغناه.



المنطقة الي بين هافمون و العزيزية هناك مليانة قصور وبيوت امراء والسلاح الحدود بيطلع لك قرون ويبهذلك

كل اشوي بيجيك وبيطردك من منطقة

وهناك في صيد بس مو ذاك الزود

اسمع نصيحت اخوك وسحب طرادك الدمام اقل شي

[kingly]

والله يا خوي كلامك على عيني و راسي و انا متاكد ان كلامك صحيح ان الدمام افضل من الخبر .... بس مثل ما قلت لك ترا الغايه هي وساعة الصدر اكثر من الصيد.

ولا عليك امر اذا عندك احداثيات لذيك الجهه (القصور) اكون لك من الشاكرين.

ويا ليتك تبين وش قصدك بالحاده اللي ذكرتها بردك, ولك مني جزيل الشكر

[Napoleon fish]

الشكر موصول للاخوان محار و مشاغب و حياتي البحر ولا يهونون البقيه

بس شكل الكل مايبي يعلم!!!

أخي العزيز

لا تلوم أحد إذا مايبي يعلم المكان بالضبط. من أهم شروط الحداقه
1. لا تخبر أحد عن أماكن الصيد المعروفه لديك.
2. لا تعطي أحد من الطعم خاصتك إذا طلبك أحد مثلا شوية روبيان أو ميدتين.
أو أو أو

[كنعد]

والله يا خوي كلامك على عيني و راسي و انا متاكد ان كلامك صحيح ان الدمام افضل من الخبر .... بس مثل ما قلت لك ترا الغايه هي وساعة الصدر اكثر من الصيد.

ولا عليك امر اذا عندك احداثيات لذيك الجهه (القصور) اكون لك من الشاكرين.

ويا ليتك تبين وش قصدك بالحاده اللي ذكرتها بردك, ولك مني جزيل الشكر


يا اخوي kingly لا تزعل مني اذا تبي تطفي خرمة صيد وتقطع يدك في الخبر مستحيل

واذا تبي تصيد كم شعرية واحيانا ماتصيد شي خلك بالخبر والله يوفقك

اما بنسبة ( للحادة ) اذا تعديت الجسر طبعاً تصريحك جنوب

تتجه جهة الجوازات البحرين تمشي يمكن 3 كيلو العمق هناك 4 متر الى 5 متر

والارض صخرية بس للاسف ماحالفنا الحظ ولا مرة

اتمنى لك صيد موفق وحياة سعيدة
وسامحني على القصور

[kingly]

الاخ نابيلون, اللي يريحهم اذا بيعلمون الليجزاهم خير و اذا ما يبون الارزاق من الله... بالنسبه لي ترا اللي عندي عندكم لاني بماكل رزق احد ولا فيه احد بياكل رزقي.

الاخ كنعد, مشكور وما قصرت. وصفك ياخوي ضيعني... الجسر بيصير يميني ولا يساري وانا مقبل جزيرة الجوازات؟ و 3 كيلو في اي اتجاه... اذا ممكن تطلعها علة القوقل ايرث يكون افضل ... ولك جزيل الشكر

[كنعد]

الدائرة الي بلون الابيض هذي ( الحادة)

الي بلون الاحمر بوية 23
الي بلون البنفسجي 24



اتمنى تكون واضحة

http://www.mekshat.com/pix/upload04/images162/mk84458_343.jpg

[kingly]

جزاك الله خير و رحم الله والديك.... كل الشكر و التقدير

[kingly]

يا جماعة الخير, الاخ كنعد عطانا اللي عنده و ما قصر بس السؤال هو هل بقية الشباب ما عندهم اضافه؟