مشورة ياهل الخبرة في جيوب نيسان

[راعي الاشهب 2002]

السلام عليكم ورحمة الله وبركاتة

اسعدالله مساكم بكل خير وعافية:c استفساري

ياخواني الله لايعوق بشرناوي اشري جيب سوبر نيسان صالون موديل 2000سوالي كيف سعر قطع الغيار صرفيته للبنزين ثقلة لاني ماجربت النيسان ودمتم بود

[الأسير]

للرفع رفع الله قدر الجميع

[باترول للأبد]

وعليكم السلام ورحمة الله وبركاته

الباترول 2000 دامه سوبر سفاري حلو عيبه أنه ثقيل أشوي ويصرف ينزين

وقطع الغيار غاليه وأغلبها ما تلقاها الا في الوكاله وطلبيه بعد

يعني لو تفكر في الباترول لازم ترضى فيه بعيوبه

[عاشق الموطن]

اخوي مرحبا فيك في المنتدى

افحص السياره ومادامها نظيفه ومابها عيب في المكينه او الجربكسات اوالدبل
فتوكل علىا لله بعد الاستخاره وزي ماقلتلك اهم شي الموتر نظيف وبالنسبه للقطع متوفره ومتواجده بالوكالات
والبنزين حسب نظافة الموتر ايضا وبخاخاته والامور الاخرى المتعلقه بذلك........
في مثل شعبي يقول(لو فكرنا بالطيور ....مازرعنا الدخن) اظن قصدي واضح
ارجوا انني افدتك هنا....... واسف على الاطاله

[شلشكو]

هلا بك اخوي
تويوتا وبس
اهم عيوب النيسان
1_ قطع الغيار غاليه وبشكل خيالي ( الخصم تسمع به بغير وكاله نيسان فقط ) اذا ما زادت
2_ صرفيه البنزين اذا بتكشت عن طريق بري طويل خذك تانكي بنزين احتياط
3_ السياره يبيلها تربيط كل سنه بنهايه موسم المكاشيت ( قرقه مطبات )
هذا رايي واتحدى احد يعارض هذي العيوب الا احد متعصب (( لجيوب نيساااااااان )

[mjmo55]

شوف اخوي خذها نصيحة مجرب

انا جربت موديل 98 الفل اوبشن وكان قبله موديل 95 فل اوبشن
الفرق كبير جدا وكلها طبعا لصالح 95 من ناحية الخفة في الممشى سواء في البر أو الطرقات والهدوء والراحة
أما من ناحية الصرفية فحدث ولا حرج يخرب بيته تقول مفجوع على البانزين طبعا هذا 98 أما 95 فصرفيته كانت معقولة جدا

أما القطع بشكل عام اشوفها مقبولة ونسبية واحد يشوفها غاليه وواحد يشوفها عادية فأحسن طريقة روح لأي محل لقطع النيسان وسأل

طبعا الرابط بين موديل 98 و 2000 فهم أخوان توأم يعني مثل بعض في الثقل والصرفية
وعشان ما أ ظلمة صدق فزته ثقيله بس في الخط الطويل مقبول بس مو مثل 95 وبغض النظر عن الصرفية

وهذا رأيي الشخصي وعن تجربة ولا يهونون الشباب
وأهم شي استخير والله يكتب لك اللي فيه الصالح


عموما بعت 98 وأدور فتك سوبر سفاري 2002 يمدحونه الشباب

[راعي طويلات]

وعليكم السلام ورحمه الله وبركاته
سعر قطع الغيار مثله مثل الجيوب الي في فئته وبشكل عام متوسط يميل للغلا
صرفيته للبنزين على حسب استخدامك وسواقتك وبما انه جيب اكيد بتكون صرفيته اعلى من السيارات الصغيره
الثقل في الديره يمشي حالة ولو كان ثقيل شوي بس في البر والنفود يعجبك وهذي ميزة النيسان لاقديمة ولاجديده
ونصيحتي لك أنك تزود دراهمك شوي وتأخذ لك 2002 وفوق الي مكينته 4800 Vtc اخف واقوى عزم واقل صرفيه للبنزين وراح يعجبك
بالتوفيق لك

[راعي الاشهب 2002]

مشكورين ياخوان على الردود والله يجزاكم كل خير

[سفاري959]

انا مجرب الأثنين النيسان احسن وتعرف متى تعرف قدره ادخل الرمله او شعيب في باترول وادخل في تايوتا فرق شاسع وانا مجرب القديم والجديد صحيح الفتك لايعلى عليه واللي يقول 95 اهدء واقل صرف بانزين كان معي 97 بخاخ شيخ والحين معي 99 ال 97 اكثر صرف ولايهمك من يقول يصرف التايوتا منه والعن بس الفرق ان التايوتا اكبر تانكي عشان كذا يتوهمون مستخدمينه انه ما يصرف عندنا جي اكس ار 2003 وكاله حق الشايب 120 مع المكيف ما يمشي 300 ك في الخط الباترول من 98 الى 2001 قومته ثقيله بس في الخط احسن من القديم يمشي اتمنى اني افدتك وموفق خير

[دعاس]

افادوك الاخوان

[راعي الاشهب 2002]

ماقصرتو ياخوان الله لايهنكم على الردود

[ذيب الحرار]

فدوك الاخوان