القرناس المهاجر
03/05/2010, 02:15 PM
احبتي الكرام ...
السلام عليكم ورحمة الله وبركاته
كيف حالكم جميعاً :)
نبي نقطع الوقت بالسواليف هههههه
اليوم حبيت اعطيكم قصة القرناس اللي طرحناه بالمجيرمه
في شهر 11 من عام1430هـ
توجهنا يوم الخميس ليلة الجمعه انا وخويي ..
والموقع اللي نبيه جنوب الليث وما عندنا علم عن أي طيرهناك ..
لكنها تجري الرياح بما لاتشتهي السفنُ :good2:
المهم وصلنا الساعه تقريبا العاشره ليلا ..
واخذنا ندور على طعس نظيف نمسي فيه ..
اخترنا محل مرتفع جداً وامسينا
وفي ساعة متأخرة من الليل صحيت من صوت واحد بجنبنا
ازعجني اسمعه يضرب في حديده والثاني يشغل ..
اللي فهمته انها سياره قديمه .. لكن وش جابهم ؟ ومتى جوا ؟
وكيف ماشفناهم اول الليل ؟ لأننا متأكدين أن مافيه احد معنا
النوم طاااار مني وسرت اتقلب لين حان الفجر قمت لموتري ابشغله
إلا ونا اشوف نور سيارتين غرب عنا
ويوم فتحت السياره تعرفون يشتغل الفليشر
على طول يوم شافوه توجهوا يمنا مباشره
مامداني اخذت ابريق الماء إلا وهم مصفطين عندنا
السلام عليكم .. صباح الخير ...
وعليكم السلام صباح النور ..
بصراحه مانشوف بعض من الظلام
لكن واحد منهم وهوا العم سعيد الحويطي عرفني وقال انت فلان ؟؟
قلت الله الله هو .. تواجهنا .. قال صليتم قلت لاوالله لكن
اقلطوا ونبي نصلي سوا .. قال عينتوا خويٍ لنا حولكم ..
اثاريه صاحبنا اللي ماخلاني انام ههههه ..
المهم توضينا للصلاة شوي الا وهو جاينا واجتمعنا اربع سيارات
وصلينا الفجر جماعه ..
الحين انا ماعندي علم بشي لكن الحركه جعلتني اعرف ان فيه ريحة كشنه ههههه:D
المهم بعد الصلاة قال ابو علي ..
ياولد ترى خوينا عين له طير البارح
حول ممساكم هذا في قلب سمره وخرج منها وضيعه
ويقول إنها قرناسه والرجال تعرف غشيم شوي
والله ماندري هي تامه والا مثلوثه
لكن إنكان تبي خشرنا ترى ماعلمناك إلا معزه
وإنكان تبي تروح لحالك فالله يرزقك ..
قلت الله يجزاك بكل خير يابو علي ابشر طال عمرك .. دعوتك مانردها .. ويد الله مع الجماعه ..
عاد انا في نفسي شي لان الرجال قالوا غشيم !!
قلت يابوا علي .. خويك يعرف يميز الطير من الشبوط والحقبي والباز
قال بقطع يدي يابو عبدالله انه يعرفها كلها ويميزها من بعضها
قلت اجل خويكم مهو غشيم والطير بحول الله قرناس مهو بقرناسه
المهم توجهنا عن ممسانا حول 300 متر
إلا وخويي يقول الطير..الطير ..الحق بسرعه .. والله والله حر حر حر
المهم التمست الظفيره عنده ههههه :D
يوم قربناه وهو موقع على طعس لكن في قلب الطعوس ..
ويوم وصلنا لموقعه ماحصلناه ...
دقايق إلا وابو علي ينادي بالجهاز ويقول الطير عند احمد
توجهوا بسرعه .. اثاريه طار ولاوقع الا قدامه سبحان الله
المهم جيت قال هذا الطير وتراه باستلامك بصراحه مسؤلية كبيرة
خصوصاً وأن الموقع مايخارج والطراد بعته قبل اسبوع من الطفش مانشوف الطير
قلت اجل ابعطيه قمريه مثقله .. قال عطيناه لكن مايهد يبي طيار
قلت ابعطيه قمريه طلق.. قال عندنا قطاه جاهزه وحمامه ..
خذها وانت تصرّف .. رحت يمه وحذفت في البداية الحمامه
لكن ماكني حذفت الا حجر مايبيها ... ثم الحقتها القطاه ..
وهي تركز مع ذيك الصبحيه الرائعه .. وهو يتوثب ويرفع جناحه لكن ماطار
قلت لخويي اخاف ان القطاه وقعت ؟؟
قال لا لكن يبيها تبعد رح رح رح لاتوقف
وفعلا كفخ الطير هدد .. وثواني وهو لاحقها تبارك الله ماشاء الله
وخمها وغدت برجله عصفور .. ثم اني خشيت بينه وبين الطعوس
لين حول بموقع طيب للهدد ووقع ناديت يابو علي هات الطراد
قال انت تعال مايمديني اجيك .. المهم الا والطير يوم كفخ وجانا نصوا ..
والا ذاك العقاب متعليه ومتنكس عليه هدد ..
حاولت احده ماقدرت والله والله اني قلت هذا الطير مابيطرحه
لاوكري ولاشيهانه من سبقه الفارط تبارك الرحمن ..
راح وذاب في قلب الطعوس .. جاني خويي وين الطير ..
قلت الطير ضاع :D قال كيف :eek: قلت هذا اللي حصل :(
رحنا ندور يمين شمال مافيه امل شوي وفيه واحد من
القنوص حولنا قلت لازم اشوفه واعلمه اخاف لاتجي مشكلة
رحلت له وطلبته الفزعه .. ماقصر الله يوفقه قال ابشر يابو عبدالله
واخذنا ندوّر يمكن ساعه ماعيناه .. والطير ضايع بقطاته ...
اخيراً اراد الله وهداني لحكمه وهي نافعه للجميع :good2:
قلت لخويي العقاب اللي هد على الطير وينه ؟؟
قال انت وش تبي به عقاب وراح ..
دور للطير تراه ماهوب فايت .. الطير صايد لكنه ياملبد ياخاش في شجره
قلت ماني معك انا ابي العقاب خلنا ندور له ..
لان العقاب شايف الطير هو بالسماء وحنا بالأرض
واكيد يبي يوقع حول ماضاع الطير
المهم إني اصريت ورحنا مسافة ثلاثه كيلوا تقريباً باتجاه الشمال
والحمد لله شفت العقاب جاثم على طعس قلت هذا خوينا خلنا نقربه .
. يوم قربناه إلا والطير يوم كفخ من دونه قلت هذا هوالمطلوب :good2:
شفت كيف انه بديره وحنا بالثانيه ..
المهم ناديت على خوياني .. الحقونا بالطراد
لكن العقاب هد من جديد والطير حط النجوم بين عيونه
والله يوم نجم إنك تقول قطاه ظحويه وعيوننا عميت من الشمس
ولونه كاشف ماشاء الله عليه ..
المهم قمنا نعطي العقاب سماني طلق نبيه ينزل ونعزله عن الطير
والعقاب مهو مركز إلا على الطير ..
اخيراً خويي حذف له حمامه فرنسيه مثل الدجاجه ههههه
مجهزينها للشياهين لكن طلعت من نصيبه وهو يحول عليها
ويفكنا الله من شره .. بعدها الطير بدأ ينزل للأرض وحول على طعس صغير ..
وجات المفاجئة الثانيه الطعس تحته جحر ثعلب ..
فخرج هدد على الطير :mad: كفخ الطير وهو يطرد وراه ..
والله ان هذا العلم شوف عيني مهو كذب
لأن فيه ناس يقلون الثعلب مايهد على الطيور!!
لكن امره بسيط عزلناه ولحقنا طيرنا ..
قلت لخويي اللي طلبته الفزعه ..
تكفى هد ترى الشمس ارتفعت والطير لايحوم يوم توجه يبي يهد عليه
ويكفخ الطير من فوق طعوس متحركه ماتمشيها برجلك مثل الجبال
لكن خويي طمر من فوقها ورى الطير وانا طمرت وراه ..
كلنا حياه موت المهم لايروح ويضيع مره ثانيه
وسبحان الله كانت الأرض اللي توجه لها منبسطه
واطلق عليه جبليه ماشاء الله عليها
يوم شافها القرناس حقرها ونزل يبي المفارس :p
ويوم قربته السياره فك العلفه وهي تحول به
والحمد لله رب العالمين .. وبيع .. حراج بعد صلاة ظهرالجمعه ..
على سطام بن ظويحي بــ 299 الف ..
الله يبارك له يستاهل كل خير ..
رغم البيع بالحراج إلا اننا وجدنا عتب
من شريطية كثيرين لاستعجالنا بالحراج
آسف على الإطالة .. وشكراً على القراءة
هذي قصيدة قلتها بعد الطرح
http://www.mekshat.com/vb/showthread.php?t=242809 (http://www.mekshat.com/vb/showthread.php?t=242809)
وهذي صورته في الحراج ..
http://www.mekshat.com/pix/upload04/images161/mk1068_111.jpg
وهذي صورته مع سطام ابن ضويحي
http://www.mekshat.com/pix/upload04/images161/mk1068_299.jpg
اخوكم .. القرناس المهاجر
السلام عليكم ورحمة الله وبركاته
كيف حالكم جميعاً :)
نبي نقطع الوقت بالسواليف هههههه
اليوم حبيت اعطيكم قصة القرناس اللي طرحناه بالمجيرمه
في شهر 11 من عام1430هـ
توجهنا يوم الخميس ليلة الجمعه انا وخويي ..
والموقع اللي نبيه جنوب الليث وما عندنا علم عن أي طيرهناك ..
لكنها تجري الرياح بما لاتشتهي السفنُ :good2:
المهم وصلنا الساعه تقريبا العاشره ليلا ..
واخذنا ندور على طعس نظيف نمسي فيه ..
اخترنا محل مرتفع جداً وامسينا
وفي ساعة متأخرة من الليل صحيت من صوت واحد بجنبنا
ازعجني اسمعه يضرب في حديده والثاني يشغل ..
اللي فهمته انها سياره قديمه .. لكن وش جابهم ؟ ومتى جوا ؟
وكيف ماشفناهم اول الليل ؟ لأننا متأكدين أن مافيه احد معنا
النوم طاااار مني وسرت اتقلب لين حان الفجر قمت لموتري ابشغله
إلا ونا اشوف نور سيارتين غرب عنا
ويوم فتحت السياره تعرفون يشتغل الفليشر
على طول يوم شافوه توجهوا يمنا مباشره
مامداني اخذت ابريق الماء إلا وهم مصفطين عندنا
السلام عليكم .. صباح الخير ...
وعليكم السلام صباح النور ..
بصراحه مانشوف بعض من الظلام
لكن واحد منهم وهوا العم سعيد الحويطي عرفني وقال انت فلان ؟؟
قلت الله الله هو .. تواجهنا .. قال صليتم قلت لاوالله لكن
اقلطوا ونبي نصلي سوا .. قال عينتوا خويٍ لنا حولكم ..
اثاريه صاحبنا اللي ماخلاني انام ههههه ..
المهم توضينا للصلاة شوي الا وهو جاينا واجتمعنا اربع سيارات
وصلينا الفجر جماعه ..
الحين انا ماعندي علم بشي لكن الحركه جعلتني اعرف ان فيه ريحة كشنه ههههه:D
المهم بعد الصلاة قال ابو علي ..
ياولد ترى خوينا عين له طير البارح
حول ممساكم هذا في قلب سمره وخرج منها وضيعه
ويقول إنها قرناسه والرجال تعرف غشيم شوي
والله ماندري هي تامه والا مثلوثه
لكن إنكان تبي خشرنا ترى ماعلمناك إلا معزه
وإنكان تبي تروح لحالك فالله يرزقك ..
قلت الله يجزاك بكل خير يابو علي ابشر طال عمرك .. دعوتك مانردها .. ويد الله مع الجماعه ..
عاد انا في نفسي شي لان الرجال قالوا غشيم !!
قلت يابوا علي .. خويك يعرف يميز الطير من الشبوط والحقبي والباز
قال بقطع يدي يابو عبدالله انه يعرفها كلها ويميزها من بعضها
قلت اجل خويكم مهو غشيم والطير بحول الله قرناس مهو بقرناسه
المهم توجهنا عن ممسانا حول 300 متر
إلا وخويي يقول الطير..الطير ..الحق بسرعه .. والله والله حر حر حر
المهم التمست الظفيره عنده ههههه :D
يوم قربناه وهو موقع على طعس لكن في قلب الطعوس ..
ويوم وصلنا لموقعه ماحصلناه ...
دقايق إلا وابو علي ينادي بالجهاز ويقول الطير عند احمد
توجهوا بسرعه .. اثاريه طار ولاوقع الا قدامه سبحان الله
المهم جيت قال هذا الطير وتراه باستلامك بصراحه مسؤلية كبيرة
خصوصاً وأن الموقع مايخارج والطراد بعته قبل اسبوع من الطفش مانشوف الطير
قلت اجل ابعطيه قمريه مثقله .. قال عطيناه لكن مايهد يبي طيار
قلت ابعطيه قمريه طلق.. قال عندنا قطاه جاهزه وحمامه ..
خذها وانت تصرّف .. رحت يمه وحذفت في البداية الحمامه
لكن ماكني حذفت الا حجر مايبيها ... ثم الحقتها القطاه ..
وهي تركز مع ذيك الصبحيه الرائعه .. وهو يتوثب ويرفع جناحه لكن ماطار
قلت لخويي اخاف ان القطاه وقعت ؟؟
قال لا لكن يبيها تبعد رح رح رح لاتوقف
وفعلا كفخ الطير هدد .. وثواني وهو لاحقها تبارك الله ماشاء الله
وخمها وغدت برجله عصفور .. ثم اني خشيت بينه وبين الطعوس
لين حول بموقع طيب للهدد ووقع ناديت يابو علي هات الطراد
قال انت تعال مايمديني اجيك .. المهم الا والطير يوم كفخ وجانا نصوا ..
والا ذاك العقاب متعليه ومتنكس عليه هدد ..
حاولت احده ماقدرت والله والله اني قلت هذا الطير مابيطرحه
لاوكري ولاشيهانه من سبقه الفارط تبارك الرحمن ..
راح وذاب في قلب الطعوس .. جاني خويي وين الطير ..
قلت الطير ضاع :D قال كيف :eek: قلت هذا اللي حصل :(
رحنا ندور يمين شمال مافيه امل شوي وفيه واحد من
القنوص حولنا قلت لازم اشوفه واعلمه اخاف لاتجي مشكلة
رحلت له وطلبته الفزعه .. ماقصر الله يوفقه قال ابشر يابو عبدالله
واخذنا ندوّر يمكن ساعه ماعيناه .. والطير ضايع بقطاته ...
اخيراً اراد الله وهداني لحكمه وهي نافعه للجميع :good2:
قلت لخويي العقاب اللي هد على الطير وينه ؟؟
قال انت وش تبي به عقاب وراح ..
دور للطير تراه ماهوب فايت .. الطير صايد لكنه ياملبد ياخاش في شجره
قلت ماني معك انا ابي العقاب خلنا ندور له ..
لان العقاب شايف الطير هو بالسماء وحنا بالأرض
واكيد يبي يوقع حول ماضاع الطير
المهم إني اصريت ورحنا مسافة ثلاثه كيلوا تقريباً باتجاه الشمال
والحمد لله شفت العقاب جاثم على طعس قلت هذا خوينا خلنا نقربه .
. يوم قربناه إلا والطير يوم كفخ من دونه قلت هذا هوالمطلوب :good2:
شفت كيف انه بديره وحنا بالثانيه ..
المهم ناديت على خوياني .. الحقونا بالطراد
لكن العقاب هد من جديد والطير حط النجوم بين عيونه
والله يوم نجم إنك تقول قطاه ظحويه وعيوننا عميت من الشمس
ولونه كاشف ماشاء الله عليه ..
المهم قمنا نعطي العقاب سماني طلق نبيه ينزل ونعزله عن الطير
والعقاب مهو مركز إلا على الطير ..
اخيراً خويي حذف له حمامه فرنسيه مثل الدجاجه ههههه
مجهزينها للشياهين لكن طلعت من نصيبه وهو يحول عليها
ويفكنا الله من شره .. بعدها الطير بدأ ينزل للأرض وحول على طعس صغير ..
وجات المفاجئة الثانيه الطعس تحته جحر ثعلب ..
فخرج هدد على الطير :mad: كفخ الطير وهو يطرد وراه ..
والله ان هذا العلم شوف عيني مهو كذب
لأن فيه ناس يقلون الثعلب مايهد على الطيور!!
لكن امره بسيط عزلناه ولحقنا طيرنا ..
قلت لخويي اللي طلبته الفزعه ..
تكفى هد ترى الشمس ارتفعت والطير لايحوم يوم توجه يبي يهد عليه
ويكفخ الطير من فوق طعوس متحركه ماتمشيها برجلك مثل الجبال
لكن خويي طمر من فوقها ورى الطير وانا طمرت وراه ..
كلنا حياه موت المهم لايروح ويضيع مره ثانيه
وسبحان الله كانت الأرض اللي توجه لها منبسطه
واطلق عليه جبليه ماشاء الله عليها
يوم شافها القرناس حقرها ونزل يبي المفارس :p
ويوم قربته السياره فك العلفه وهي تحول به
والحمد لله رب العالمين .. وبيع .. حراج بعد صلاة ظهرالجمعه ..
على سطام بن ظويحي بــ 299 الف ..
الله يبارك له يستاهل كل خير ..
رغم البيع بالحراج إلا اننا وجدنا عتب
من شريطية كثيرين لاستعجالنا بالحراج
آسف على الإطالة .. وشكراً على القراءة
هذي قصيدة قلتها بعد الطرح
http://www.mekshat.com/vb/showthread.php?t=242809 (http://www.mekshat.com/vb/showthread.php?t=242809)
وهذي صورته في الحراج ..
http://www.mekshat.com/pix/upload04/images161/mk1068_111.jpg
وهذي صورته مع سطام ابن ضويحي
http://www.mekshat.com/pix/upload04/images161/mk1068_299.jpg
اخوكم .. القرناس المهاجر