السلام عليكم ووش تنصحوني fj او شاص 2010 ابي رايكم

[السعودي88]

;) السلام عليكم يا اخواني كيفكم ابيكم تنصحوني بين الثني وابي الفضل!!!

انا قررت اخذ سياره وكاله فل كامل اخر شي وش اخذ الشاص او fj

وابي مواصفات الfj والشاص 2010 كلهن اخر موديل وش الميزه بين الثنين وهل fj غالي ويس تاهل القيمه في مواصفاته او لا
اشاص ما يعلى عليه بس الشايب خرب مزاجي fjاحسلك كل اخويانه في الدوام معهم زيه

وشاص انه زين بس ما يشيل الى اثنين هههههههههههههههههههه

وابي فزعتكم داخل علله ثمن عليكم بنصيحه من اخ لخوه يربع انا ماني راعي مطامر اذا وقفت على القوه
او مقاومه ابي شي معقول بين الثنين والي يعرف قيمت الfjيقولي و ايش موصفاته :good2: :good2:

استناكم ما بستعجل واندم

الله يعطيكم العافيه:)

[VIP-503]

شف يالغالي ان كانك رجال تهبط للرملة والديار ذيك فانا من ناحيتي انصح بالشاص اما ان كانك ما تروح بعيد فالافجي ممتاز

وبعد ان كانك راعي حلال يعني عندك ذود فلا تشاور الشااااص الشاص

لك احترامي

[FAHAD-4800]

صبااااااااااااح الخير
ياحبيلك اف جي ياخذ خمس اشخاص بس الي بيركب ورا حر لان ما فيه مكيف ولا فيه رساوه
والشاص بتستفيد من الصندوق بس غير تعب على الفاضي
وكانك تبي شوري الفتك لؤلؤي ابو رفارف سووووود قير عايدي:good2: علاج :good2: :good2: :good2: :good2:

[عبدالرحمن1980]

انا انصحك تاخذ تندرا او شاص غمارتين

[mutleb]

اسمع وانا اخيك خذلك اف جي وريح راسك واترك عنك الشاص مايشيل الا اثنين ويكسر الظهر بعد
اما اف جي راحه وقوة ويشيل اللي تبي حتى اهلك يركبون معك .

خذ اف جي وبتدعيلي :good2:

[كاشت وحداني]

صبااااااااااااح الخير
ياحبيلك اف جي ياخذ خمس اشخاص بس الي بيركب ورا حر لان ما فيه مكيف ولا فيه رساوه
والشاص بتستفيد من الصندوق بس غير تعب على الفاضي
وكانك تبي شوري الفتك لؤلؤي ابو رفارف سووووود قير عايدي:good2: علاج :good2: :good2: :good2: :good2:


انا مع راي اخوي فهد 4800

[فتى شنه]

والله مدري كيف تقارن بين fg والشاص

فرق شاسع بين الاثنين

[RPM..5800]

ما مثل Gx2007 قير عادي ونش دفلك فتحه سبيرين ...


هذا هو الغرض

[The gold]

والله مدري كيف تقارن بين fg والشاص

فرق شاسع بين الاثنين


fj احس يصلح لك

لأن ما يااخذ الشااص الا وااحد عاارف وش هو له
وغيره الي شروه كذا يملوون ويبعوون

[الكروزر]

لا تتعدى ال fj
وعنديلك 2008 بيج اخو الجديد كامل المواصفات

[الرمز 1]

الله يجيب الي فيه الخير

[جعد الوبر]

جرب قبل لا تشري

[السعودي88]

يعطيكم العافيه من اول نك لأخر نك

بيضالله وجيهكم على النصيحه والله ما قصرتو من جد والله يجيب الي فيه الخير ان شالله

[السعودي88]

لا تتعدى ال fj
وعنديلك 2008 بيج اخو الجديد كامل المواصفات

والله يا اخوي تسلم ما قصرت بس ما بلجيب كاش حدي تقصيد من الوكاله

عشان كيذا خايف اقصد في سياره من دون نفس واحد من ربعي يقصد في سياره وهو يسب ويلعن فيها :D ههههههههههههههه

الله يرزقك بشراي اصامل :good2: :good2: :good2:

[ضبضوب]

اذا انت رااعي قنص (( شاااص

اذا انت راعي طلع تقهوي و روقان (( fj

اذا مطامر و لحق (( شااص

اذا تطعيس و مقاوماات و تكياات و كل شي (( شاااص

بالعربي كل شي شااص

بس لوو تطيع الشوور طقلك الـهدد

ولا الفتك

يالبيه

[ZIAD_KSA]

شاص وشد كامل من السنيدي ولاتنسانا من الدعاء

[مخاوي الخيال]

لا يهمونك الشاص مايقارن بالـ FJ الشاص قوه وعزم في الرمال وفي السيول

[هيف راعي كيف]

هلا اخوي

انا قبلك مسوي استفتاء عن الاف جي وعن الفورجنر:D

والحمدلله استخرت الله ولقيت ضالتي بعد راي الاخوان

وشريت عطي الله VXR وريحت راسي بر وخط وسعة تاخذ اهلك وتشيل اخوياك كلهم:D
وبالنسبه لك انصحك بهدد او GXR واتكل على الله
ويقول المثل اشتر تبيع:) يعني خذ سيارة لانويت تبيعها تلقاء زبونها واقف:D

والله يرزقك باللي فية خير لك

[السعودي88]

اذا انت رااعي قنص (( شاااص

اذا انت راعي طلع تقهوي و روقان (( fj

اذا مطامر و لحق (( شااص

اذا تطعيس و مقاوماات و تكياات و كل شي (( شاااص

بالعربي كل شي شااص

بس لوو تطيع الشوور طقلك الـهدد

ولا الفتك

يالبيه


بيض الله وجهك قررت وراح اقصد انشالله بئذن الله راح اختار الشاااص

وحصلته في وكاله عبد الطيف الي في طريق الخرج بعد السكان حصلته رخيص
القيمه 1006000ريال هاذا الفل كامل ديلوكس ويعطيكم العافيه يا اخواني على جهودكم وأراكم
مشكووورين:good2: :good2: ;) :)

[alanaziB52]

شف الرابط هذا عليه اسعار ومواصفات الاف جي:good2:

http://www.toyota.com.sa/modelsprices.asp?model_id=9

والرابط هذا عليه اسعار الشاص:good2:


http://www.toyota.com.sa/modelsprices.asp?model_id=18

ومبروووووووووووووووووك مقدما

[تفتفة هدد]

انتبه شاص بدون رفارف ..

[؟؟ابوماجد؟؟]

ياخوي نصيحتي لاتاخذ سعودي دامك مقصد مقصد خذلك بريمي ونش
والله انه اطلق خطوط وانت وذوقك

[ابونبيل]

الأف جيه صندوق متحرك وماهو مريح بالسواقه تصميمه غبي

خذ شاص وبس واذا جت ع الركاب خذ ربع تيوتا وانكنك ماتحب الربع التيوتا خذ ربع نيسان عز الطلب وغيره لا تدور

[المزيدي4]

ما فكرت في البرادو؟؟؟
يتحداها كلها...

[الطاوس]

الاف جي اريح وعزم وقوه

[عبد الرحم]

اقول الشاص انحاله

[السعودي88]

ZIAD_KSA:
مخاوي الخيال
هيف راعي كيف
alanaziB52
تفتفة هدد
؟؟ابوماجد؟؟
ابونبيل
المزيدي4
الطاوس

عبد الرحم

كلكم ما قصرتو والله ويعطيكم العافيه بيضالله وجيهكم

[السعودي88]

شاص وشد كامل من السنيدي ولاتنسانا من الدعاء
الله يعطيك العافيه كفووو والله :good2:

[السعودي88]

:cool: :cool:
لا يهمونك الشاص مايقارن بالـ FJ الشاص قوه وعزم في الرمال وفي السيول



مشكور والله صادق خشمك:good2:

[Mr.3zAy]

تبي شوري , خذ إكستيرآ ,

لك و لهلـك و يكفيـك 291 حصآن

[السعودي88]

شف الرابط هذا عليه اسعار ومواصفات الاف جي:good2:

http://www.toyota.com.sa/modelsprices.asp?model_id=9

والرابط هذا عليه اسعار الشاص:good2:


http://www.toyota.com.sa/modelsprices.asp?model_id=18

ومبروووووووووووووووووك مقدما

الله يبارك فيك :) وماقصرت على ;) اروابط بيض الله وجهك

[السعودي88]

تبي شوري , خذ إكستيرآ ,

لك و لهلـك و يكفيـك 291 حصآن
والله اخوي خلاص دخلو الخوان الشاص في رااسي :D


واذا كان على الهل عندي موتر مرسدس حجم 300 لاباس فيه ما ببيعه هي
يوم قارنت الشاص و الف جي عشان القيمه شفتها في بعض الوكالات وحده هاذا الي حيرني بس
ويعطيك لله العافي بيض الله وجهك ماقصرت اخوي على نصيحتك:good2: ;)

[السعودي88]

انتبه شاص بدون رفارف ..

يو لا تكون الي فوق الكفر الزوايد هي صح الي تجي لونها بحري على لون الصدام :(

وشفيه لا تقول اذا مسك خط تتـفـكك؟؟؟؟

[سند 3]

من عاشق البريمي لاتعدى البريمي

[السعودي88]

ياخوي نصيحتي لاتاخذ سعودي دامك مقصد مقصد خذلك بريمي ونش
والله انه اطلق خطوط وانت وذوقك

عطني الفرق بين السعودي والبريمي


طيب البريمي وين بحصله بلقاه في اي وكاله؟؟؟ البريمي هي صح مواصفات وانا باخذ الشاص

فل كامل يعني اخر شي في موصفاته بس شفت واحد فل كامل يوم دخلت اناضر طبلونه والي جنب التحكم بلمكيف ما القا ازارير واجده ليش :( :( طيب الديف لوك حق ايش اتمنا تفييدني :eek: :good2:

[السعودي88]

:(
من عاشق البريمي لاتعدى البريمي
طيب وين بلقاه وش مواصفات البريمي

[عابر شمال]

تبي رايي ،،، انا معي شاص (((((موتر))))) بس الله يعينك ثقيل بيني وبينك حق بر بس ما يصلح بالديره ابد ،، وبالنسبه للإف جي ما اعرف عنه شي..

اصمل شوري عليك واشتر Patrol-vtcباب او بابين

[النايف999]

يابن الحلال دور الموتر اللي يريحك في الخط والبر والمشاوير

وبصراحه الشاص يبغى له موتر ثاني معه - ويصلح لاهل الحلال والبر والطلعات اللكثيره
لاتشتري موتر عشان طلعتين او ثلاث بالسنه خلك نظرتك شامله ,, يعني الصيف جاي بتقعد 6 شهور بدون بر
وش تبي بالشاص ,, ومطامره وغمارته اللي ماتاخذ الا اثنين


الاف جي ممتاز انا جربته سه وشوي مكيف ثلج وقير اوتو ومثبت سرعه وغيره من المواصفات
ويكفي 5 اشخاص ويعتبر موتر بر ومدينه
واللي ماجربه لاتأخذ بكلامه انا جربته في خطوط وبر وتطعيس موتر ماعليه كلااااام
وانا بعته ابي موتر اكبر

[السعودي88]

يعطيك العافيه اخوي النايف

[mhmd nor]

خذ اف جي

اريح وكل شي ويأخذ معاك ناس

الشاص يكسر الظهر وحق شياب

[السعودي88]

يعطيك العافيه اخوي

[السعودي88]

ارجو من المشرفين حذف الموضوع

[عرق رملان]

والله مدري كيف تقارن بين fg والشاص

فرق شاسع بين الاثنين


هذا الكلام الصيحيح
ما فيه مقارنة بينهم ابد

في جي يقارن مع الباجيرو او الباترول الباب واحد او التايوتا الكبسولة وجيب هونداي او طوارق ... الخ

اما الشاص يقارن مع الجمس او النيسان او الهايلكس او الونيت

ولكن شاص او اف جي !!!

[abofaisal_1]

والله العظيم مافيه وجه مقارنة بين الشاص و الأف جي

أن مؤيد للزملاء اللي ردوا بأن مافيه وجه مقارنة

الربع يلهثون جزاهم الله خير يردون على الموضوع

يا شباب الشي بالعقل

كل من رد لازم يراجع نفسة لأن عنده إنحياز و تحمس لشي هو يريده

الرجال يبغى نصيحة محايدة و أنتم جبتوا حاصلكم من التحمس لما تحبون

أشكركم على حماسكم

لكن أولاً اللي يستحق أن يرد يجب أن يكون مثلاً مجرب كل السيارتين

ثانيا لا بد أن يكون هناك وجه مقارنة بين الشيئين .

ودمتم بمحبة

=================

[راعي 4500 EFI]

بسم الله الرحمن الرحيم


اول : شيء اقول : الله يطعمك من خير الموتر اللي تبي تشريه ويكفيك شره .


ثانياً : انا معي سلمك الله شاص 2009 من يوم طالع فاكه وكاله , ابقولك المميزات والسلبيات :

المميزات :

موتر يفرض هيبته بالطريق

له صندوق لصاحب التحميل

القوه مهنا قوه لانه ثقيل هو قوي بس مو مره

السلبيات :

يكسر الظهر ,, وتمل وانت تقول يكسر الظهر ..

الموتر طويل يعني يبي يبلشك الا اذا تعودت عليه

الموتر يبي له وزنيه بالنفود بحكم الشاصي الطويل

مافيه اي نوع من انواع التقنيه بالسياره


الخلاصه : اذا كان معك موتر ثاني وتبي تخلي هذا للبر ولبعض الطلعات الخفيفه فخذه والا تمله بسرعه واسأل مجرب ..

وبالنسبه للاف جي انا جربت حق واحد من الشباب , صراحه الموتر حليل ماعليه , صح ان شكله تقل بطريق ^_^ أو طاقيه << على قولت واحد من الشباب *_*

بس هو الموتر اللي يجمع بين انه سيارة بر وديره .. وانا يمكن اشري لي واحد قريباً بإذن الله



واعذرنا على كثرت الكلام والله يوفقك لما يحبه ويرضاه , ويسر لك الموتر اللي يجوز لك ..