الفزعه يالربع ابي مثل هالدافور

[المقناص2010]

يالربع الفزعهشفت دافور مع واحد من العيال والصراحه استحيت اني اساله عنه

مثل الي بالصوره ناره قويه جدا جدا جدا وانتبهو ما ابي الي عند السنيدي المرهم الخايس شوي ويجيب فينا العيد ولكن رحمة ربك

يالربع الي يخبر لي شي اكون له من الشاكرين وبأي سعر ماعندي مانع بس يكون الشغل ممتاز جدا جدا والنار قويه جدا وحديد شغل ممتاز لا يبخل علينا


ياسرهيد افزع بخبرتك تكفى

http://www.mekshat.com/pix/upload04/images162/mk137003_qwertqwert.gif
الصوره منقوله من احد مواضيع اخواني بمكشات

[بواسامه]

تلقاه عند البريه في الربوة
وعند برق الحيا

[البرميوس]

ابشر بسعدك ياخوي هذا موجود في محل البرية للوازم الرحلات شرق الرياض شارع عنيزه ولهم موقع في النت منه بتلقى الوصف مضبوط

[المقناص2010]

انا بالشرقيه يالطيب ولكن الي عند البريه وشلون ناره هل هي قويه مرهم ترهيم ممتاز

بيض الله وجهك

[المقناص2010]

البرميوس ياخي اسمك صعب

بيض الله وجهك بس اهم شي عندي ان تكون النار قويه جدا جدا يعني مرهم له شي يزيد من قوة النار

بيض الله وجهك

[aaez]

إللي عند البريه ناره قويه جدآ جدآ
خذه وإنت متطمن

[المقناص2010]

بعدي يا ريكارد يعني تسمع صوت قوي للنار صحيح

وبكم سعره اخوي ريكارد

[سرهيد]

السلام عليكم

هلا بك طال عمرك

هذا مثل ما قال الاخوان عند محلات البرية ، وهو قزي اللي استخدمة بكثرة ، ومن افضل ما رأيت من ناحية الشعلة والتحمل ...

واذا تبي اشريه وارسل لك ابشر بالسعد طال عمرك

تقبل مودتي واعتذر عن التاخر في الرد

اخوك

ابو عبدالله

[المقناص2010]

بيض الله وجهك ياسرهيد عز الله ماقصرت ياطويل العمر

الله لا يحرمنا من الاجواد الي مثلك

جزاك الله الف خير

[أبوإبراهيم القثامي]

إن شاء الله تلقى الي تبي يالقناص ..

ويالغالي سرهيد ..القى مثل هذا في القصيم ..

لاني تعبت من الدوافير ..

واذا أحصل الدافور الجيد هذا ..في القصيم أخبرني ..

ويعطيكم العافية ..

[سرهيد]

إن شاء الله تلقى الي تبي يالقناص ..

ويالغالي سرهيد ..القى مثل هذا في القصيم ..

لاني تعبت من الدوافير ..

واذا أحصل الدافور الجيد هذا ..في القصيم أخبرني ..

ويعطيكم العافية ..

هلا بك طال عمر

والله ما ادري في القصيم

لكن اذا تبي ارسل لك واحد ابشر بالسعد

انا باخذ لاخوي المقناص واحد وبرسله له ، فاذا لك خاطر بواحد فابشر ترى الدرب واحد طال عمرك

ما نبي منكم الا الدعاء فقط

تقبل احترامي

[أبوإبراهيم القثامي]

يالغالي سرهيد ..

الله يخليك لأهلك ..ولعين ترجيك ...

أرغب بالدافور ..لكن أرسلي إيميلك :)

[سرهيد]

يالغالي سرهيد ..

الله يخليك لأهلك ..ولعين ترجيك ...

أرغب بالدافور ..لكن أرسلي إيميلك :)

سم طال عمرك

srheed@hotmail.com

تقبل احترامي

[أبوإبراهيم القثامي]

بيض الله وجهك يالغالي سرهيد ..

وأنا أرسلت لك على الإيميل ..:)

[سرهيد]

بيض الله وجهك يالغالي سرهيد ..

وأنا أرسلت لك على الإيميل ..:)

هلا بك اخوي يزيد

تم الرد طال عمرك وفي انتظار طلبك من اجل شراءه

وحاضرين نخدم اخواني الكرام بس تكفوان الدعاء لي بظهر الغيب لا حرمكم الله اجر الدعاء

اخوكم

ابو عبدالله

[اصيل نجد]

تلقاه بالبريه صراحه شغلهم نظيف والدافور موجود عند عده محلات بس البريه افضل لاانهم يحطون الصاجه اللى تحت العين ثقيله ماتنثني لك تحياتي

[أبوإبراهيم القثامي]

بارك الله فيك أبو عبدالله ..

وصلتني الرساله ..ورديت عليها ..