تكفون ياهل الخبره في الباترول

[stewrd]

عندي جيب باترول 94م على كل حال انا قمت بتغيير البواجي والابلاتين وفلتر الهواء ونضفت الكربريتر وصفاية البنزين ولاكن للاسف ما زال فيه تقطيع واوقات يطفي
اتمنى اللي يعرف الحل انه يفيديني تكفون يالربع

[majeds]

غير قطع اصليه في بواجي وابلاتين شبيه للاصلي 90% اول ماتركبها تسووووود روس البواجي ولا تعطي ضو او اشاره في محلات قطع الغيار ولا تشتري الا من الشركه
وغير شاكوش الابلاتين او غطاه خلي الفني يفحصه قبل لاتغير

حياك

[راعي طويلات]

موترك يبي له وزن ديلكو وبيضبط ان شاء الله

[stewrd]

يالربع الله يكرمكم بالنسبه للقطع كلها اصليه وبالنسبه للديلكو وزنه المهندس وبالنسبه للغطا المهندس قال ما يحتاج لانه طيب

[شطب]

انا معي باترول 91 ونفس مشكلتك واللحين الحمد لله لي 3 سنوات ماعرف التقطيع

غير البواجي وأسلاك البواجي والبليتين والبويبينه اللي بالديلكو وغطاء الديلكو طبعا كلها من الوكاله


وان شاء الله بتدعي لي

[دعاس]

انشاء الله افادة شطب وارده جدا

[شلشكو]

شيك على الليات الموصله للكلبليتر اذا فيها شقوقو اقصد تهريبات هواء اذا كانك غيرت
البواجي مع اسلاكها والسلك الموصل للديلكو
البليتين وموزووووون صح
وبويبينه
وتقبل مروري

[ابوريما99]

شيك على ليات الهواء الموصله للكلبليتر
صارت لي نفس المشكله
وحلها بـ 15 ريال

[ذيب الحرار]

الله يرزقك