ليش احياء شمال الرياض غرقت وصارت مستنقعات

[رايق1]

اخواني الواحد يتسال ليش احياء شمال الرياض بسرعه بعد هطول الامطار تصير مستنقعات لو سألنا احد الشيبان لقال لك هذي الاحياء كانت شعاب وروافد تصب في وادي حنيفه .
طيب السؤال الي يطرح نفسه ليش مايستفاد من كميات الماء الي تنزل من المطر ويعمل لها تصريف حتى تصب في الوادي بحيث ان هذه المياه يستفاد منها في رفع مستوى المياه الجوفيه وبتالي تستفيد منها المزارع التي على ضفتي الوادي بدل ما تتكون المستنقعات وتسبب مشاكل لساكني هذه الاحياء ولا وش رايكم.

[أم عبووودي]

نفس التسأول !!

[عبادي العامري]

يارايق قلبي انت لو طبقنا كلامك وحطينا اللي تبي انت واللي يبي كل مواطن من خدمات وخلافها الكثير كان وش بقا للحراميه الكبار والصغار
لو كل ميزانيه صرفة بكامل مارصد لها من مبالغ كل سنه كان حرامية الحكومه شفتهم يشحذون عند مطاعم المثلوثه
اقول ياخوي احمد ربك حنا احسن من غيرنا حنا عندنا شاهي تلقيمه ورز الوليمه
وياقلب لاتحزن وتقلب علينا المواجع
اقول اها بس اها بس

[الطرفاوي@]

ممكن نرفع طلبك الي الامانه ونشوف ويش يصير

[أبو عيسى]

مربعات الصحافة
كانت يوم من الأيام شعباااااااااااان

والي جاء يوم الاثنين ما قعد إلا 15 تقريباً
لو استمر ساعة وش بيكون ؟

[asak333]

جائنا المخططون والاستشاريون والجماليون والى اخر المسميات التي لا تخطر بالبال وغيروا معالم الارض والنتيجة ماترون وما سيأتي في قادم الايام رحم الله الاولون الذين لم يتعلموا ولكن احكمتهم السنون والتجارب ورغم بساطة مواد البناء الا أنهم لم يغيروا معالم الارض وكانوا يتركون لمجاري السيول طرقها ولم يحجزوا ويسدوا المسايل وكانوا يبنون في وهاد الارض ومرتفعاتها ولم يحدث مانراه اليوم زوروا الشميسي القديم وانظروا بأنفسكم واحكموا وفارنوا بالاحياء الحديثه والمثل يقول خل لكل واد مجراه