موضوع مهم جدا بخصوص وزن الدربيل ارجو المساعده تكفون

[abomanaf]

يا اخوان انا عندي دربيل ديانا مركبه على ماقنوم 350 المهم جبت ملزمه ووزنت الدربيل على مسافه عشره امتار تقريبا او اقل بس المشكله اذا وزنته على ذي المسافه تضرب ذي المسافه فقط!!!! احااااول اضرب ابعد ماتجي او اقرب ما تجي

تكفوووون يا اهل مكشات سااااعدوني فاسرع وقت الله يخليكم

انا مالي غيركم :(

[abomanaf]

ماحد رد عليا تكفووون يالربع ابي شوركم

[abomanaf]

يا ناااس وينكم ابي الحل تكفون ترى طارت مني قماري بالهبل

[abomanaf]

ليا نص ساعه استنى رد ولا جاني علم جزاكم الله خير :(

[abomanaf]

21 زائر ولا رد تكفوووون يا اخوان

[رياح الشرق1]

اخوي المقنوم شوزن ذي ..انا الي خابر ان المقنوم شوزن ...المهم اذا هي خرازه اسمع لازم يكون الدربيل الي انت مركبه من افضل واجود الانواع الي با السوق اما اذا انه من ابو350 ولا 400 ريال لا تتعب حالك وتوزن ــــــــ شف الهدف عنده دربيل ممتازه

[صقار مبتدئ]

انا مركب الدربيل الصغير على الديانا المغنوم ابو 70 ريال ما يسوى تصيب معك الظربه الاولى و الثانيه الله يخلف خذلك دربيل جيد و لا تنسى تثبته زين ترى المقنوم ارتدادها قوي الدربيل ابو 70 ريال مع الظرب المستمر تفتر الوزنيه لاحظها بعد ماترمي حط عينك على مفتاح الوزن اليمين -يسار تجده يتغير
خلها بدون دربيل حلاوة الهوائيه بدون الدربيل

[abomanaf]

انا مشتري طول الله اعماركم دربيل من النوع المتوسط ديانا و اضرب المسافه الي وازن عليها ماتخيب لو اني اضربها فأبره الخياطه بس لما الهدف يخلف عن المكان الي وازن عليه ماتجيبه هذي هي المشكله ولا الدربيل ممتااااز الي عنده خبره يقلي اتمنى انكم فهمتو ايش اقصد

[((الوافي))]

اخوي جرب اوزن بالرمي يعني ارمي على مسافة50متر اقل شي
عشرة متر قليل جدا وطبيعي اذا رميت على مسافة اكثر منها راح تختلف او تنزل الرميه تحت
اهم شي تتأكد من ثبات الدربيل ومن نوع الرصاص يكون جيد

[abomanaf]

فين شوووركم لا تحرمووونا منه

[س ل ط ا ن sul]

أوزنه على مجال رميك
مثلاً أنت ترمي على مسافة 30 متر تقريبا في غالب الأحيان أوزنه على هالمسافة وراح تشوف الإبداع
لكن مشكلة الدربيل أنه بالمسافات البعيده من وزنتك تكون الرمية تحت وكذلك المسافات القربية تكون الرمية وراه
لذلك أنصحك توزنه على مجال رميك المعتاد
وأستخدم الحبة والنيشان أحسن لك لأن الدربيل يتعبك لذلك أستخدمه في مجال ضيق يعني الي الي ما تشوفه زين وعلى مجال رميك استخدم الدربيل وغير كذا استخدم الحبة والنيشان
وهذا يحتم عليك إستخدام قواعد مفرغة وأنصحك فيها

[abomanaf]

أوزنه على مجال رميك
مثلاً أنت ترمي على مسافة 30 متر تقريبا في غالب الأحيان أوزنه على هالمسافة وراح تشوف الإبداع
لكن مشكلة الدربيل أنه بالمسافات البعيده من وزنتك تكون الرمية تحت وكذلك المسافات القربية تكون الرمية وراه
لذلك أنصحك توزنه على مجال رميك المعتاد
وأستخدم الحبة والنيشان أحسن لك لأن الدربيل يتعبك لذلك أستخدمه في مجال ضيق يعني الي الي ما تشوفه زين وعلى مجال رميك استخدم الدربيل وغير كذا استخدم الحبة والنيشان
وهذا يحتم عليك إستخدام قواعد مفرغة وأنصحك فيها
والله يابن الحلال انا مشتريه على اساس انو يريحني ويطرح اي طير الي عنده خبره و يازنه ليا الله يجزاه بالخير

[س ل ط ا ن sul]

الوزنية سهلة
اولا : أحضر بلكاش او كرتون عريض وضع عليه علامة لتكون الهدف في الرماية
ثانيا: حاول ثبت البدق بأي شي مثلا أحضر لك عدد 2 عصا مكنسة العادية وأربطها مع بعض بحيث تقدر تجعلها مثل الأكس X أو عند الرماية أجعل البندق على كيس مليان رمل لأجل ثبات البندق
ثالثا: اطلق رصاصة على الهدف المرسوم على الكرتون بوضع علامة الزائد علية+ وأنظر أين مكانها عن الهدف
رابعا : عندك في الدربيل مسمارين عريضين مغطيان بغطاء واحد في أعلى الدربيل والثاني في جنب الدربيل
المسار الأعلى الدربيل بعد ازالة الغطاء تلاحظ في كلمة up على جهة أتجاه السهم وهذا معناه ترفع الرمية لأعلى وهو خاص بالمسافات أي تازنه على المسافة الي تبيها مثلا 50متر أو 80 متر
المسمار الموجود في جنب الدربيل هو لليمين أو اليسار وتلاحظ وجود حرف L بأتجاة السهم ومعنى هذا أنك حركت المسمار بجهة دوران حرف L تكون الرمية يسار وإذا عكست الاتجاه يكون يمين

وبهذه الطريفة تقدر توزن الدربيل تلاحظ أني قلت كلام كثير لكن في التطبيق ما يبلها شيء سهلة سهلة بالحيل
أتمنى أن تكون وصلت الفكرة

[طير بيروت]

البلا با الدربيل جزاك الله خير اذا كنت تحب الرمايه والصيد اشتر دربيل زايس يامال الشحم
ارخ الريال ويرتخي كل مزيون

[abomanaf]

البلا با الدربيل جزاك الله خير اذا كنت تحب الرمايه والصيد اشتر دربيل زايس يامال الشحم
ارخ الريال ويرتخي كل مزيون جزاك الله خير انت و جمييييع من شاارك انا فكيت الدربيل و خليتها بدون دربيل و ووزنته ميه الميه الحمدلله تمشي حالها و ابي اصرف الدربيل الان مابيه خلاص