في حل ولا ؟؟؟؟؟

[رياح الشرق1]

يا الربع انا من مقتني الخرازه في الصيد ومن محبي الرمي فيها (سلاحي المفضل)بس مشكلة الدربيل عندي عوفتني والله الرمي كله ...ومدري يا رجال هو من الدربيل ولا من الفشق احيانا يا سلااام من مسافات ارمي واصيد وقول خلص التوزينه تمام التمام وما يمديلي امدح الا ترجع تحتاس واروح اجربها بعد ما اضيع الرميه وارمي الا ترمي الهدف الي انا منشن عليه بس فوق بشي بسيط وارجع انزل الدربيل وازبط الوضع وبرضو نفس المشكله..يا ناس نبي الحل معقول توزينة الدربيل تنحاس بعد الرمي ........ما ني مطول عليكم نبي الحل الله يجزاكم خير ...واذا في دربيل زين توصونا فيه علمونا به ...تحياتي

[رياح الشرق1]

ارجو الرد الله يجزاكم خير

[صقار مبتدئ]

ممكن من الدربيل انا عندي دربيل حاطه على ساكتون هوائيه مرة تصيب و الثانيه تخيب طلع الدربيل مشي حالك اي كلام ابو 70 ريال
خذ دربيل نوعيه جيده فيه نوع ياباني يمدحونه قيمته حول 250 -300 طيب بالحيل

[مطفش الطيور]

عندك درابيل كالس النمساويه

[omar salman]

من الدربيل غالباً
ولكن اذا سلكت معك تمام احفظ الطريقة
الي صدت فيها يعني مثلاً أحسب حساب
المسافة وأقدر لكل مسافة قدرها وكذلك
نوع الرصاص ضبط معك واحد تمسك
وما يمنع تراجع شد مسامير قواعد الدربيل
فيه أنواع يتغيّرن مع الرمي وفيه أنواع
ردية وهو أكثر سبب يخلي ميزانية الدربيل
تتغير ألا وهو :
تحرك مسماري وزن الدربيل الي تفرهن
بالمفك وانت توزنه بعضهن غير مستقرات
فيه دربيل قيمته 240 وفيها حجمه وسط
يجي منه ياباني ويجي منه كوري نفس
الحجم والكوري عندي أفضل من جهة
الصفاوة وثبات الزائد إذا بغيت الي يبيعه
على الخاص أفيدك .

[ابو صقر 111]

الدربيل لو له حمايه بحيث يكون داخل ماسوره علشان ما يتحرك كان مضبوط ولكن الدربيل ادنى حركه تغيره وهذه هي المشطله وأنا افكر لو يلحم ماسوره فوق البندقيه ويكون الدربيل وسطها انها تنجح

[رياح الشرق1]

ممكن من الدربيل انا عندي دربيل حاطه على ساكتون هوائيه مرة تصيب و الثانيه تخيب طلع الدربيل مشي حالك اي كلام ابو 70 ريال
خذ دربيل نوعيه جيده فيه نوع ياباني يمدحونه قيمته حول 250 -300 طيب بالحيل
لا والله دربيلي زين با الحيل وماخذه 1300 رياال وله اكثر من 15 سنه على الخرازه

[((الوافي))]

اخوي وشهو نوع الرصاص اللي ترمي به اذا كان فلبيني(ابوصاروخ)او روسي او مكسيكي
ومتفجر(مخروق) مو عايدي تراه يلعب وما ينفع ابد هذا اذا كنت متأكد من الدربيل ومن ثباته على البندق
تحيــــــــــــــــــاتي

[رياح الشرق1]

من الدربيل غالباً
ولكن اذا سلكت معك تمام احفظ الطريقة
الي صدت فيها يعني مثلاً أحسب حساب
المسافة وأقدر لكل مسافة قدرها وكذلك
نوع الرصاص ضبط معك واحد تمسك
وما يمنع تراجع شد مسامير قواعد الدربيل
فيه أنواع يتغيّرن مع الرمي وفيه أنواع
ردية وهو أكثر سبب يخلي ميزانية الدربيل
تتغير ألا وهو :
تحرك مسماري وزن الدربيل الي تفرهن
بالمفك وانت توزنه بعضهن غير مستقرات
فيه دربيل قيمته 240 وفيها حجمه وسط
يجي منه ياباني ويجي منه كوري نفس
الحجم والكوري عندي أفضل من جهة
الصفاوة وثبات الزائد إذا بغيت الي يبيعه
على الخاص أفيدك .
كلاااااااااااام سليم والي يقوله اخونا الصياد تراه :good2: :good2: ولا تهونون يا خشوم ربعنا

[هاوي خط]

اخوي عليك بدربيل ابن حميد ابو قاعدة ثابته ولمبة

[شايب الراس]

اخوي الغالي السبب هو الطي الموجود داخل السبطانة يمكن في بارود وان شاء الله يكون كذا واحتمل كبير الطي مقطوع مرة تصيب ومرة فوق ومرة تحت ان شاء بس باردو نظفها وتوكل على الله اخوك

[فرخ الجني]

انا ما لي في الخرازة لاكن بفيدك باللي اعرفه يمكن من تغيير الفشق يعني ترمي بانواع مختلفه جرب نوع واحد وشف ان شاء الله تضبط

[نباك]

فك الدربيل وحطلك قوطي وارمه على النيشان حق الخرازه اذا جبته
راح تطلع المشكله من قواعد الدربيل غيرها وخذلك قواعد تجي ثلاث مسامير

اما اذا مجبت القوطي على النيشان غير الفشق او زي ما تفضلو الاخوان نضف السبطانه

انشاء الله اني افدتك

[رياح الشرق1]

اخوي عليك بدربيل ابن حميد ابو قاعدة ثابته ولمبة
وين القاه دربيل ابن حميد وبكم سعره

[رياح الشرق1]

الله يعطيكم الف عافيه يا اخوان ....لكن ابي الي عنده صوره لافضل قاعده للدربيل يحطها ..الله يجزاكم خير

[Golden Hawk]

أترك دربيل بن حميد
دربيلك زين لكن قواعده رديئه
رح لمحل الرماية وقل أبي قواعد دربيل تلقاها نوعيات 50 ريال 70 ريال 120 ريال
خذ أقوى وحده يعني أم 70 ريال أو 120 ريال وركب الدربيل وزر عليه ولن يتحرك
وأفضل تأخذ أبو قاعدة مرتفعه علشان ترمي بالدربيل وترمي بلمنشاف العايدي بدون فك الدربيل

وفقك الله

[طير بيروت]

ماقصرو الاخوان