لجميع من يفضل عزبة الشاهي والقهوة والحليب المنفصلة

[المطلق]

بسم الله

لازم يتوفر في العزبة ما يلي

1- اربع اباريق واحد لتفويح الماء والثاني للشاهي والثالث للحليب والرابع للقهوة

2- دلة

3- دافور

4- ذرا

5- كرتون شاهي

6- كيس سكر (1كيلو)

7- علبة قهوة

8- كرتونيين حليب (1لتر)

9- علبة الهيل و الزنجبيل و المسمار و النخوة و الدارسين و ...

10- علبة النعناع والحبق و الدوش (المجفف)

11- ملعقة صغيرة لتقدير المقادير

12- بيالات الشاهي

13- فناجيل القهوة

14- أكواب الحليب

15- المركاب

16- تمر

17- نجر أو طاحونة صغيرة

هذي العزبة الكاملة للشاهي والقهوة والحليب

أرجو أن تكون قد حازة على إعجابكم

تحياتي

[الدبل الثقيل]

جزاك الله خير .... ياليت لو صور ...

[الطعس الذهبي]

جزاك الله خير

[اسيزو 4x4]

ماشاء الله عليك ياخوي الرياعي موضوع ممتاز ومهم تسلم يمينك

:good: :heart: :good: :heart: :good: :heart:

[المطلق]

أخوي الدبل الثقيل

بودي أن يكون هناك صور ولكن...

أخوي الطعس الذهبي

مشكور على الرد وما قصرت

[فوفو والهلي]

مشكور على التنويهات المعمه وماقصرت

[المطلق]

الله يعطيك العافية أخوي فوفو الهلي على الرد

[ظلال الشمس]

عز الله عزبة وافية

الله يجيب أيام الطلعات

[منتعش]

والله ما قصرت يعطيك العافية

[محب الشمال]

الله يعطيك العافيه اخوي بس ما تلاحظ ان السكر واحد كيلو قليل شوي ولا يكفي
وفيه ملاحظة ثانيه بالنسبه للحليب لو يكون حليب بوني او وادي فاطمة المعلب افضل عشان ابو لتر صراحه ما تضمنة اذا ما فيه ثلاجه ودك اذا فتحته بس تستخدمه مره او مرتين والي اقصده يمكن ما تسوي حليب لين ثاني يوم
لكن وادي فاطمة ممكن تفك مع كل بريق حليب علبه جديده وتكفي الغرض واذا بغيت تزود نص علبه ثاني ممكن ترمي الباقي اذا ما بغيت تحفظه بس على الاقل ما ترمي لتر كامل او ثلاث ارباع التر
طبعاً لازم والافضل لوادي فاطمة يكون مفتاح علب
والله يعطيك العافية

[المطلق]

الله يعافيكم

وأشكر جميع من أبدا رأيه

وعلى العموم كل ورايه

[الــفيصــل]

اخوي الرياعي
السلام عليكم ورحمة اللة وبركاتة
تسلم على هذة الجهود والحقيقة انك كفيت ووفيت وعز الله انة ثاية متكاملة للقهوة والشاهي مشاء الله ماقدرنا نلقا علية شئ ناقص .
يالة عاد نبي هالحين ثاية الطبخ منك ومن الاخوان .
جزاك الله خيرا وتقبل تحياتي

[شعيب فياض]

السلام عليكم ورحمة الله وبركاته شكراً لك أخي الكريم على هذا المقال , لكن أكواب في البر أو الطلعات حلوه منك ؟؟؟؟؟

[المطلق]

يعطيك العافية أخوي الفيصل وأبشر بسعدك .. طلبات الطبخ بجهوها وبشوفها قريب إن شاء الله

اولى العفو لكن وش تبينا انسوي لو جلسنا نشرب بهالبيالات كل شوي صب ..صب ..صب..

أرجو من الجميع يكونوا استفادوا وأرحب بجميع انتقاداتكم وإضافاتكم

[عابر1]

واللــه صراحة كفيت ووفيت لكن::D
بدال الأكواب يكون كيسان ورقية والزعفران نكهة القهوة نسيته ومشكور اخوي المطلق:good:

[ابوفواز]

يعطيك العافيه نرجو المزيد

[العشة]

الله يعطيك العافيه ,,

طيب اللي مايحب الحليب ابد وش يسوي .

[ابوبرقاء]

السلام كيف الشباب
على كذا بيصير الموتر لقش الشاهي
والموتر الثاني للكبسه

بس وافي وتحياتي

[دله وفنجال]

السلام عليكم...
مشكور يالمطلق وماقصرت ...
ومن عندي اضف دلة تفويح القهوة وهي تختلف عن دلة التبهير (المهيلة)...

وشكراُ...

[ولـد الدوادمي]

يعطيك العافيه اخوي ابن نجد

لاكن انا ابيلي وحده على كم وكيف احصلها ؟

[ولـد الدوادمي]

خخخخخ

اخوي الرد كتبته انا بلغلط


لاكن موضوعك ناقصه شي خخخخخخ

الولاعه ؟

اخوك \ ولــ الدوادمي ــد