فزعتكم حلول لمشكلتين في باترول فتك موديل 2004

[صقر20]

بسم الله الرحمن الرحيم

السلام عليكم ورحمة الله وبركاته

قلت مالي إلا الله ثم الأخوان الخبراء والمتخصصين هنا في منتدانا مكشات

الباترول مشتريه مستعمل قبل 8 شهور

المشكلة الأولى: لاحظت أنها ظهرت بعد تشغيل المكيف قبل 10 أيام تحديداً
جهة مقعد الراكب (أسفل) مكان الرجلين وأنتم كرامه فيه مويه وكنت أحسب إنه من زمزمية الشاهي :D وطلعت من ثلاجة المكيف الحار على مافهمت....
رحت لميكانيكي وعلى طول ألغى ليات الحار(عدد2) اللي جايت من الماكينة
حط فيهن غراء أسود وبواجي + قفيز ألماني
الميكانيكي أثق فيه وبخبرته هل هذا الأجراء صحيح .... المهم قال لي ماعاد فيه مكيف حار من اليوم ورايح ....
مشى الحال ثلاث أيام مافيه تهريب ماء على الفرشه(نشفت) وأشوف أمس بعد ماشغلت المكيف
رجع التهريب :( كلمته قال هذا ماء باقي جوى يبيله وقت ينشف
-----------------
المشكلة الثانية وظهرت قبل المشكلة الأولى بكثير ولازالت
فيه هواء حار يضايق أحياناً وأحياناً يزود من جهة القير والجلنط
علماً أن القير(تماتيك عادي)
وش السبب .... وهل هي طبيعية

-----------------
مشكورين وأدري إني طولت عليكم بس عاد لازم أشرح بدقة :)

[صلفان.نجد]

لاتحتار يابو وليد مادام ان فيه كوادر وطنيه متخصصه بالسفاري (كد ومد)وان صار عطل احذف السياره على واحد من الشباب ونم.

[بوهادي]

وعليكم السلام ورحمة الله وبركاته
بالنسبه للمشكله الاولى
صارت معاي واول شي سويته لغيت ليات الحار لكن ماتغير شي نفس المشكله وخصوصا اذا شغلت المكيف ومشيت بخط طويل
فيه طال عمرك هوز صغير من جهة الراكب داخل الكبوت وظيفته تصريف الماي اذا شغلت المكيف شيك عليه تلاقيه طايح او مو مايل لتحت ويرجع الماي ل
تحت الراكب من الهوا وانت تمشي بدل ماينزل تحت السياره

اذا ماعرفت الهوز اللي اتكلم عنه عطني خبر واصوره لك

بالنسبة للمشكله الثانيه
هذي يبي لها محل تنجيد يشيك عليها يمكن عندك مشكله بالعازل

[صقر20]

لاتحتار يابو وليد مادام ان فيه كوادر وطنيه متخصصه بالسفاري (كد ومد)وان صار عطل احذف السياره على واحد من الشباب ونم.

أبلشتك معي يعلم الله يبومحمد يامال العافية يالنشمي
رحت لورشة ابوصالح التركي أمس الرجل نصوح وحريص بالحيل
ماقصر خلى العامل ينظف الماصورتين حقات الحار بدفع هواء قوي
وطلب مني أشتري ربلتين متوفرات عند محل قطع غيار قريب من الورشة
وهاذي النتيجة علماً أن الموتر لازال تحت الملاحظة :D
والمشكلة الثانية يقول من ربلة القير ون شاء الله الأسبوع الجاي
أغيره عنده
سلمت ولاندمت ياغالي وشكراً لإهتمامك وحرصك الغير مستغرب

http://www.mekshat.com/pix/upload04/images163/mk18662_06052010250a1.jpg



وعليكم السلام ورحمة الله وبركاته
بالنسبه للمشكله الاولى
صارت معاي واول شي سويته لغيت ليات الحار لكن ماتغير شي نفس المشكله وخصوصا اذا شغلت المكيف ومشيت بخط طويل
فيه طال عمرك هوز صغير من جهة الراكب داخل الكبوت وظيفته تصريف الماي اذا شغلت المكيف شيك عليه تلاقيه طايح او مو مايل لتحت ويرجع الماي ل
تحت الراكب من الهوا وانت تمشي بدل ماينزل تحت السياره

اذا ماعرفت الهوز اللي اتكلم عنه عطني خبر واصوره لك

بالنسبة للمشكله الثانيه
هذي يبي لها محل تنجيد يشيك عليها يمكن عندك مشكله بالعازل

هلا وغلا أخوي بوهادي وحياك المولى وبياك ياغالي
بوهادي ماتغير شيئ تقصد يعني إلغاء ليات الحار حل مبدئي :(
طيب أنا ما أحتاج مكيف حار ومستغني عنه ....
http://www.mekshat.com/pix/upload04/images163/mk18662_06052010251a1.jpg

تقصد هوز التصريف هذا اللي بالصورة !!!
http://www.mekshat.com/pix/upload04/images163/mk18662_06052010247a1.jpg

الله يبيض وجهك يالنشمي والظاهر محل التنجيد فينا فينا عقب ماتلخبطت الفرشة
الأرضية-جهة الراكب والحمد لله على كل حال
مشكورين ماقصرتوا

[سوبر VTC]

هلا و غلا بصقر 20 :)
هلا بالطلة
وين حقنا من القميري :D
اكلتوه كله مابقيتوا شي لنا ؟ :p

مشكلة الثلاجه
ان امكن تلحيمه فهو افضل
سواء لحام المنيوم او عصار مخلوط ابو 5ريال امريكي
اذا كان يمسك
او تشريه من التشليح
هل هي غالية ؟؟؟
شف ردي بخصوص ليات الدفاية ===> 12 (http://www.mekshat.com/vb/showpost.php?p=3452658&postcount=12)
لازم تطرح بالك للحرارة
خصوصا من هالبواجي :no:


مشكلة الحرارة
تاكد لا تكون من الدبة اللي تحت السواق
عادة يكون عليها عازل واقي

اعانك الله

موفق

[صقر20]

هلا و غلا بصقر 20 :)
هلا بالطلة
وين حقنا من القميري :D
اكلتوه كله مابقيتوا شي لنا ؟ :p

مشكلة الثلاجه
ان امكن تلحيمه فهو افضل
سواء لحام المنيوم او عصار مخلوط ابو 5ريال امريكي
اذا كان يمسك
او تشريه من التشليح
هل هي غالية ؟؟؟
شف ردي بخصوص ليات الدفاية ===> 12 (http://www.mekshat.com/vb/showpost.php?p=3452658&postcount=12)
لازم تطرح بالك للحرارة
خصوصا من هالبواجي :no:




هلا بك أكثر ياغالي
مابه قميري ياباش مهندس لين تزين السيارة :p
سعره جديدة حسب ماسمعت 1500 ريال
ومستعملة من التشليح 400-500 ريال وشغل اليد 400 ريال
سألت ورشة التركي(باترول) اللي بالصناعية أمس وقالي ابوصالح راعي الورشة
البواجي مامنهن خلاف ....
بس التهريب اللي رجع قبل كم يوم ضيق صدري
لكن مسكت معي أمس أحبرش وأكتشفت شيئ خطير :p
وأنا أفتش الفرشة الأرضية حقت الراكب للبحث عن مصدر الماء
شوفوا الإكتشاف الغطاء الأبيض اللي بالبودي تحت الفرشة كانت جهه منه مفتوحة :mad:
http://www.mekshat.com/pix/upload04/images163/mk18662_06052010254a12.jpg

ركبته صح وحطيت غراء باتكس الأبيض زود
طبعاً يوم الأمطار :l اللي جت الرياض اللي بين مخرج 8 و9
كنت أتمشى بالعيال عاد حللت المشكلة .....

بس لازلت غير مطمئن نهائي لين تنشف الدنيا وأتأكد زود من عدم وجود ضرر
من البواجي اللي شكله ماجازت لك يامشرفنا
ولاعليك أمر قريت رد رقم 12 بس تلخبطت أبي الزبدة :D




مشكلة الحرارة
تاكد لا تكون من الدبة اللي تحت السواق
عادة يكون عليها عازل واقي




تكاد تكون أو لاتكون ....!!
وش شكله الدبه هاذي وياليت صوره إن أمكن
أخوك من حومه الكبد ماطلع البر
لأن الموتر هاليومين مرطرط خلقه :p
مشكور ماقصرت وجعله بموازين حسناتك يالأجودي

[سوبر VTC]

هههه :D
حياك

نقطة مهمة
لما حصلت اثر الماء سابقا
هل كان ماء الاديتر ناقص ؟؟؟
هل احتمى الموتر ؟؟؟
على هالحال احتمال الماء من ربلة البدي فقط
يعني ان شاء الله الدفاية تمام :good2:
رجع الليات وركبهن و لاحظ التهريب مستقبلا هل يوجد ام لا ؟

و السقلون الاسود افضل و بديل عن الباتكس
يسكر الفتحات تمام :good:
بخصوص رد 12 كان لمشكلة موتر يحتمي و الماء ينقص
و الفتك اللي برد 12
كان احد ليات الدفاية دخول و خروج
اللي بصدر الغمارة منشق واحد منهن و يهرب ماء
و هو اللي خلا الموتر يحتمي

انا خبر الفتك اذا كان عزمه ضعيف و يحتمي
يلغون دبة التلوث لانه تكون مسكرة متلطسة
مكانه تحت رجلين السواق و عليه عازل
تاكد منه

[صقر20]

هههه :D
حياك

نقطة مهمة
لما حصلت اثر الماء سابقا
هل كان ماء الاديتر ناقص ؟؟؟
هل احتمى الموتر ؟؟؟
على هالحال احتمال الماء من ربلة البدي فقط
يعني ان شاء الله الدفاية تمام :good2:
رجع الليات وركبهن و لاحظ التهريب مستقبلا هل يوجد ام لا ؟

و السقلون الاسود افضل و بديل عن الباتكس
يسكر الفتحات تمام :good:



الله يبيض وجهك أدري إني أبلشتك وأزعجتك يالنشمي
أبشرك الماء ما نقص والموتر حرارته طبيعية
الليات ما أقدر أرجعهن والسبب إن المويه اللي إكتشفته بفرشة الركاب الأرضية
ظهرت قبل الأمطار اللي جت الرياض ..... (واحد فطين) :)
وصدقت يامشرفنا الغالي السيلكون الأسود أفضل وإن شاء الله يكون بشنطة العده اليوم



بخصوص رد 12 كان لمشكلة موتر يحتمي و الماء ينقص
و الفتك اللي برد 12
كان احد ليات الدفاية دخول و خروج
اللي بصدر الغمارة منشق واحد منهن و يهرب ماء
و هو اللي خلا الموتر يحتمي

انا خبر الفتك اذا كان عزمه ضعيف و يحتمي
يلغون دبة التلوث لانه تكون مسكرة متلطسة
مكانه تحت رجلين السواق و عليه عازل
تاكد منه


أخوك ماعرف الدبة اللي تحت السواق يعرف ذي :D
لا والله ماعرفته
الله لايهينك ويبيض وجهك

[سوبر VTC]

هههه
حي الله العليمي :D

ادخل الرابط لتعرف الدبة هي بعد القزوز

المحول الحفاز ( دبة التلوث ) معلومات وصور ..وتحذير من السرقة (http://www.mekshat.com/vb/showthread.php?t=158333)

[صقر20]

هههه
حي الله العليمي :D

ادخل الرابط لتعرف الدبة هي بعد القزوز

المحول الحفاز ( دبة التلوث ) معلومات وصور ..وتحذير من السرقة (http://www.mekshat.com/vb/showthread.php?t=158333)




عليمي بالسيارات هاذي منتهين منه وتراك منتب أول واحد يقوله لكن خل عنك
والله ماتدري بعدين لاتقاعدت إلا فاتحن مشروعين.....
ورشة للسيارات والثاني لتعليم الرمي :p بقروش
عرفت شكل الدبه بس حقت الفتك تختلف أخبر شفته مجوفه من الداخل
وبس الحين عرفت وظيفته ولايوجد باللي عندي عازل فقط صاجه فوق صحح لي يا مشرفنا الغالي كاني
من جنبه :D

[بوهادي]

http://www.mekshat.com/pix/upload04/images163/mk18662_06052010247a1.jpg]





انا اقول رجع ليات الدفايه مكانها ماتدري متى تحتاجها وركب هوز صغير مكان التصريف ولازم يكون موجه لتحت
المشكله كلها من مكان التصريف بدل مايطلع الماي برا يرجعه لداخل السياره ومشكلتك بإذن الله محلوله

[بوهادي]

http://www.mekshat.com/pix/upload04/images163/mk18662_06052010254a12.jpg



هذي موجوده بارضية السياره كامله واخبرها ماتدخل الماي ولا تطلعه الا اذا طلعتها من مكانها انت

[صقر20]

http://www.mekshat.com/pix/upload04/images163/mk18662_06052010247a1.jpg

انا اقول رجع ليات الدفايه مكانها ماتدري متى تحتاجها وركب هوز صغير مكان التصريف ولازم يكون موجه لتحت
المشكله كلها من مكان التصريف بدل مايطلع الماي برا يرجعه لداخل السياره ومشكلتك بإذن الله محلوله

بوهادي الله لايهينك والله أدري إني ابلشتكم وأشغلتكم
والله إني كنت شاك مثلك بهوز التصريف ولازلت وهل تتوقع إن تركيب الهوز صغير راح يحل المشكلة
(تراني مافهمت الطريقة اللي تقصدها ياغالي بتركيب الهوز الصغير ...!!!)



http://www.mekshat.com/vb/../pix/upload04/images163/mk18662_06052010254a12.jpg



هذي موجوده بارضية السياره كامله واخبرها ماتدخل الماي ولا تطلعه الا اذا طلعتها من مكانها انت

كلامك صحيح أخوي بوهادي بس هاذي يوم شلت الفرشه لقيت جهة منها راكبة صح والجهة الثانية مفتوحة..
حطيت غراء باتكس أبيض وكبسته مره ثانية
الله يعين على هالطريقة يبيلي أشيك الربلات كلهن
وهاذي ضريبة اللي يشتري مستعمل ... :(

مشكورين ماقصرتوا لاخلا ولاعدم

[محسن اليامي]

وعليكم السلام ورحمة الله وبركاته

نصيحتي لك رجع كل شي مكانه وهناك حلول غير إلغاء الدفايه

الفتك إذا احتر فيه ميزه إنك تشغل الدفايه وترفع على الهوى حده بالحاله هذي تنزل الحراره بسرعه مؤقتا لتجنب الأضرار ،

وهذا الكلام في دليل المالك

[بوهادي]

http://img104.herosh.com/2010/05/07/529363255.jpg (http://www.herosh.com)

هذا الهوز اللي كنت اتكلم عنه ومو موجود عندك ونفس الشي ماكان موجود عندي وكنت كل مااشغل المكيف وامشي مسافه الاقي الدنيا غرقانه ماي :)
سويت كل اللي سويته انت ومافيه فايده وبالاخير طلعت المشكله من هالهوز الصغير ماكان موجود
ومن ركبت هالهوز ماعاد شفت الماي الله لك الحمد


طيب أنا ما أحتاج مكيف حار ومستغني عنه ....
كلنا مستغنين عن الحار لكن المشكله لو كان المكيف بارد حيل وتبي تخفف البروده شوي ماراح تقدر لانك لغيت ليات الدفايه وحرارة المكيف بتكون ثابته لابرد شي واحيانا بتتضايق من البروده وبتطفي المكيف :(

[صقر20]

http://img104.herosh.com/2010/05/07/529363255.jpg (http://www.herosh.com)

هذا الهوز اللي كنت اتكلم عنه ومو موجود عندك ونفس الشي ماكان موجود عندي وكنت كل مااشغل المكيف وامشي مسافه الاقي الدنيا غرقانه ماي :)
سويت كل اللي سويته انت ومافيه فايده وبالاخير طلعت المشكله من هالهوز الصغير ماكان موجود
ومن ركبت هالهوز ماعاد شفت الماي الله لك الحمد


هلا أخوي بوهادي وحياك المولى وبياك
الهوز موجود عندي إلا إن كنت تقصد حاجه هوز ثاني وهاذي الصور
لازلت شاك بهوز التصريف لأن المشكلة أول ماظهرت هي بعد
تشغيل المكيف البارد طبعاً :) بخط طويل لمدة 6 ساعات ....
أرجو التكرم بالتوضيح أكثر لاهنت يالغالي

http://www.mekshat.com/pix/upload04/images163/mk18662_070520102591a1.jpg

http://www.mekshat.com/pix/upload04/images163/mk18662_07052010262a1.jpg

[صقر20]

نقطة مهمة
لما حصلت اثر الماء سابقا
هل كان ماء الاديتر ناقص ؟؟؟
هل احتمى الموتر ؟؟؟





مشرفنا الغالي كأني لاحظت اليوم إن موية القربه هاذي نقصت شوي


http://www.mekshat.com/pix/upload04/images164/mk18662_08052010273.jpg

وهناك إستفسار آخر هل ماء الأديتر هو اللي يمر على دفايه المكيف الحار
طيب أنا أستخدم موية تويوتا الحمراء هل بالضرورة يكون الماء
اللي تحت الفرشه إذا كانت المشكلة من دفاية الحار أحمر ...
أرجوا التكرم ولكم جزيل الشكر

[بوهادي]

http://www.mekshat.com/pix/upload04/images163/mk18662_07052010262a1.jpg

هذا اللي اتكلم عنه وباين من الصوره مو موجود هذي اللهم وصله بس
كل اللي عليك تسويه تركب هوز صغير ويكون موجه لتحت وتلاقيه بكل السيارات انا اخذته من شاص لاني مالقيته بقطع الغيار

[صقر20]

هذا اللي اتكلم عنه وباين من الصوره مو موجود هذي اللهم وصله بس
كل اللي عليك تسويه تركب هوز صغير ويكون موجه لتحت وتلاقيه بكل السيارات انا اخذته من شاص لاني مالقيته بقطع الغيار

هلا وغلا الله يكثر ألف خيرك يبوهادي
فهمت من كلامك إن الهوز التي تقصد مفقود أو غير موجود بالأصل...!!
وأستغربت من كلامك إنك مالاقيته عند محلات بيع قطع الغيار وهذا له تفسيرين:
1- إنه غير موجود بالأصل بجميع موديلات الفتك...!!؟
2- أو سقط ....!!
جزاك الله خير وإن أمكن ياليت تصوره ولاعليك أمر
وبكرى بإذن المولى أبسئل عنه وكالة نيسان وإذا مالقيته عندهم أبركب حق تويوتا شاص
مشكور يالنشمي

[محمد النيساني]

واجهتني نفس مشكلتك الأوله قبل سنه كان عندي نقص بموية الرديتر واكتشفت ان المويه تصب عند ارجل الراكب ^ ^ طبعا الغيت المكيف الحار نفس طريقتك وضبط
المشكله الثانيه : وقت الامطار تمتلي دعاسة الراكب مويه من وين مدري فكيت الفرشه الارضية ولقيت ربلتين وكلها ماسكه
انشاء الله نلاقي لها حل

[صقر20]

واجهتني نفس مشكلتك الأوله قبل سنه كان عندي نقص بموية الرديتر واكتشفت ان المويه تصب عند ارجل الراكب ^ ^ طبعا الغيت المكيف الحار نفس طريقتك وضبط


هلا بك والله أخوي محمد النيساني والله يبشرك بالخير
وياليت أخوي
تذكر نوع السيارة والموديل لتعم الفائدة ...
وكم لك ملغي ليات الحار وهل لاحظت تغيير على المكينة والحرارة عقب الطريقة هاذي
.... ولك جزيل الشكر
-----------


المشكله الثانيه : وقت الامطار تمتلي دعاسة الراكب مويه من وين مدري فكيت الفرشه الارضية ولقيت ربلتين وكلها ماسكه
ان شاء الله نلاقي لها حل

هذا اللي صار معي أخوي محمد وقت المطر القوي اللي نزل على الرياض الأسبوع الفائت
وكنت مشغل المكيف طبعاً وملغي ليات الحار
يوم رجعت للبيت لقيت الدعاسه الأرضية مليانه مويه واللي زاد الأمر حيره
إني كنت مشغل المكيف لكن شكيت بالربلتين اللي تقول وأزيدك من الشعر بيت :)
فيه ثلاث ربلات شيك عليهن بعد تحصلهن تحت كرسي الراكب
جهة الباب حصلت وحه منهن بعد مهيب راكبه صح ....
شف الغراء(الباتكس الأبيض) من زود الحرص :)

http://www.mekshat.com/vb/../pix/upload04/images163/mk18662_07052010255-44.jpg

مشكور وبيض الله وجهك
--------------
أخوي العزيز بوهادي سألت الحمراني عن الهوز اليوم وقالي غير متوفر بكل السعودية وشيك
الكمبيوتر على الموديلات القديمة 97م ولاحصله
المهم أسمه بكمبيوتر الحمراني

Hose-drain
92593-vb300



وبكرى إن شاء أبدور حق الشاص اللي قلت عليه...
شكري وتقديري جميعاً

[سوبر VTC]

والله ماتدري بعدين لاتقاعدت إلا فاتحن مشروعين.....
ورشة للسيارات والثاني لتعليم الرمي :p بقروش
ولايوجد باللي عندي عازل
فقط صاجه فوق صحح لي يا مشرفنا الغالي كاني
من جنبه :D




هههههه
خلاص النصيفة انا وياك بالورشة :D
دام موجود صاجة فامورك تمام :good:
و لو تدخل رابطة الباترول فهو افضل
تاخذ معلومة اكيدة منهم





لازلت شاك بهوز التصريف لأن المشكلة أول ماظهرت هي بعد
تشغيل المكيف البارد طبعاً :) بخط طويل لمدة 6 ساعات ....
أرجو التكرم بالتوضيح أكثر لاهنت يالغالي





اذا وقفت الموتر و ماع الثلج اللي على الثلاجه
و لا نزل ماء بالارض من عند التصريف
فاعرف ان لي التصريف ماركب على ثلاجه مضبوط
بدليل ان الماء اذا امتلاء بالثلاجه يصب على فراشة الراكب
لذلك من وجهة نظري تاكد من الثلاجه قبل كل شي




مشرفنا الغالي كأني لاحظت اليوم إن موية القربه هاذي نقصت شويوهناك إستفسار آخر هل ماء الأديتر هو اللي يمر على دفايه المكيف الحار
طيب أنا أستخدم موية تويوتا الحمراء هل بالضرورة يكون الماء
اللي تحت الفرشه إذا كانت المشكلة من دفاية الحار أحمر ...
أرجوا التكرم ولكم جزيل الشكر




لاهنت
نعم صحيح
الماء يطلع من الاديتر و يمر على سلندر وراس المكينة على الدفاية
لي دخول للدفاية و لي خروج
اذا حصلت ماء تحت الفرشة
شم ريحته و طعمه
اذا ريحة ماء الاديتر فالثلاجه منكسرة او به شعر تهربة
و هذا اللي يخلي الاديتر ينقص
اذا ماء عادي فعندك مشكلة بتصريف الماء
حق المكيف بعد ما يموع الثلج

[محمد النيساني]

حياك الله وبياك
اخوي بالنسيه لنوعه وموديله سوير موديل 2000 نفس الصور الي عندك بالضيط
الغيت اليات قبل سنه ولايوجد اي مشاكل واجهتني ولله الحمدالله بس المكيف مافيه حار فقط

بالنسيه لمشكلتك مادامك فصلت ليات المكيف الحار خلاص المويه الي عند ارجل الراكب مالها دخل اتوقع من الربلات الي وضحتها انت فوق.
وأكتشفت انا قبل شويات ان عندي الربله الي تحت كرسي الراكب منحله حطيت عليها سليكون وطبقتها * * الله يجزاك خير ان توقعت بس ربلتين طلعت اربع
بالتوفيق

[صقر20]

اذا وقفت الموتر و ماع الثلج اللي على الثلاجه
و لا نزل ماء بالارض من عند التصريف
فاعرف ان لي التصريف ماركب على ثلاجه مضبوط
بدليل ان الماء اذا امتلاء بالثلاجه يصب على فراشة الراكب
لذلك من وجهة نظري تاكد من الثلاجه قبل كل شي



مشرفنا الغالي سوبر VTC
فعلاً تركت الفرشة الأرضية لين نشفت نهائياً وأمس طلعت مشوار وشغلت المكيف
رجعت للبيت وشيكت مالقيت شيئ يوم قمت الصباح للدوام حصلت مويه
تجي من نفس المكان الموضح بالصوره
المويه عادية 100 بالميه يعني مهيب من الأديتر
يعني كلامك أخوي بوهادي طلع صحيح :)
والحمد لله إني ما أستعجلت وشريت دفايه وتخسرت مثل الأعطال والمشاكل هاذي
تحتاج طولة بال وسعة صدر والحمد لله على كل حال
الصوره توضح المكان اللي يجي معه الماء للفرشة الأرضية

http://www.mekshat.com/vb/../pix/upload04/images163/mk18662_10052010274a2.jpg




اذا حصلت ماء تحت الفرشة
شم ريحته و طعمه
اذا ريحة ماء الاديتر فالثلاجه منكسرة او به شعر تهربة
و هذا اللي يخلي الاديتر ينقص
اذا ماء عادي فعندك مشكلة بتصريف الماء
حق المكيف بعد ما يموع الثلج


الحمد لله الدفايه طلعت سليمة والدليل المويه اللي حصلت اليوم عاديه
والحين بالضبط كملت 10 أيام من يوم فصلت ليات الحار ولا راح أرجعهن
إن شاء الله لين أصلح مشكلة التصريف حق الثلاجة
وعسى إن شاء الله أطيح بكهربائي وفني تكييف جيد
---------------------------
* أتوقع والعلم عند الله أساس المشكلة من المواصفات الموجودة بالباترول أصلاً
وهي عدم وجود فلتر يمنع وصول الأوساخ والأتربة لثلاجة المكيف
والله المستعان على وكيل نيسان ومواصفاته الناقصه والتى لاترقى لمصلحة وميزانية العملاء .....

---------------------

[صقر20]

حياك الله وبياك
اخوي بالنسيه لنوعه وموديله سوير موديل 2000 نفس الصور الي عندك بالضيط
الغيت اليات قبل سنه ولايوجد اي مشاكل واجهتني ولله الحمدالله بس المكيف مافيه حار فقط

بالنسيه لمشكلتك مادامك فصلت ليات المكيف الحار خلاص المويه الي عند ارجل الراكب مالها دخل اتوقع من الربلات الي وضحتها انت فوق.
وأكتشفت انا قبل شويات ان عندي الربله الي تحت كرسي الراكب منحله حطيت عليها سليكون وطبقتها * * الله يجزاك خير ان توقعت بس ربلتين طلعت اربع
بالتوفيق

مشكور أخوي محمد ماقصرت جعل عمرك طويل وخلك قريب لاتروح شف ردي الأخير
رقم # 24
والربلات مجموعهن 5 وليس أربع :)

[بوهادي]

مرحبا مشرفنا سامحني على التاخير


http://img104.herosh.com/2010/05/10/865703947.jpg (http://www.herosh.com)


هذي صور الهوز


http://img104.herosh.com/2010/05/10/381320459.jpg (http://www.herosh.com)
وهذي صورة الهوز وهو راكب مكانه


لاحظ الهوز نازل لتحت
الهوز مو موجود عندك ولما تمشي بالسياره وانت مشغل المكيف يرجع الماي لداخل السياره من الهوا
لكن بعد ماتركب الهوز ان شاء الله ماعاد تشوف الماي
من سنتين تقريبا صار لي نفس ماصار معك وكرهت السياره والمشكله كنت مركب بلاستيك على الارضيه وكل يوم الاقي الارضيه ناقعه ماي
وكل مااروح لورشه يعطيني راي
احد يقول بدل الثلاجه واحد يقول الغي ليات الحار
لغيت ليات الحار وماتغير شي
مريت واحد وبالصدفه شاف الهوز مو موجود وقعد يضحك قالي روح اشتر وركبه بنفسك ومشكلتك محلوله
دور بقطع الغيار واستغربت انه مو موجود رحت اقرب تشاليح واخذته من شاص وركبته بنفسي والحمدلله من ذاك اليوم ماشفت الماي
سامحني اذا طولتها لكن حبيت اتاكد ان الفكره وصلت
جرب اللي قلت لك عليه كم يوم وعطنا خبر بس تاكد بالاول ان الفرشه ناشفه

[صقر20]

مرحبا مشرفنا سامحني على التاخير


http://img104.herosh.com/2010/05/10/865703947.jpg (http://www.herosh.com)


هذي صور الهوز


http://img104.herosh.com/2010/05/10/381320459.jpg (http://www.herosh.com)
وهذي صورة الهوز وهو راكب مكانه


لاحظ الهوز نازل لتحت
الهوز مو موجود عندك ولما تمشي بالسياره وانت مشغل المكيف يرجع الماي لداخل السياره من الهوا
لكن بعد ماتركب الهوز ان شاء الله ماعاد تشوف الماي
من سنتين تقريبا صار لي نفس ماصار معك وكرهت السياره والمشكله كنت مركب بلاستيك على الارضيه وكل يوم الاقي الارضيه ناقعه ماي
وكل مااروح لورشه يعطيني راي
احد يقول بدل الثلاجه واحد يقول الغي ليات الحار
لغيت ليات الحار وماتغير شي
مريت واحد وبالصدفه شاف الهوز مو موجود وقعد يضحك قالي روح اشتر وركبه بنفسك ومشكلتك محلوله
دور بقطع الغيار واستغربت انه مو موجود رحت اقرب تشاليح واخذته من شاص وركبته بنفسي والحمدلله من ذاك اليوم ماشفت الماي
سامحني اذا طولتها لكن حبيت اتاكد ان الفكره وصلت
جرب اللي قلت لك عليه كم يوم وعطنا خبر بس تاكد بالاول ان الفرشه ناشفه


http://www.mekshat.com/vb/../pix/upload04/images163/mk18662_381320459a4.jpg

مامن قصور وجعل من جابوك بالجنه يالأجودي
أنت اللي سامحني والله إني أشغلتك وأبلشتك معي أخوي بوهادي
وعدت صاحب الورشة يوم الأربعاء أودي له السيارة والحين الفرشة الأرضية نشفت تمام
بكرى إن شاء الله أروح أدور عليه وإن شاء الله تصير الأمور تمام
مشكور ماقصرت جعل عمرك طويل والله يوفق هالوجه والأخوان دنيا وآخره
أخوك: ابووليد

[هاوي نياسين]

اخوي مثل ماقالك الاخ بوهادي وكلامه صحيح 100 في 100 وانا صادفتني المشكله بعد في نيسان 2002 بعد مافتحت ثلاجه المكيف وغسلتها ومن يوم مارجعتها وهي ترجع الماي للداخل والسبب هو انه في ربله حوالي بيب التصريف يوم تكون جديده تكون ضاغطه على البيب وبدي السياره الي حوالي البيب وتمنع رجوع الماي للداخل بس بعد ماتقدم الربله فيتقلص حجمها وماتمنع دخول الماي للداخل والظاهر الربله كانت لاصقه في البدي بحكم اني اول مره افك الثلاجه وكانت مانعه للدخول الماي بحكم الالتصاق لكن يوم رجعتها وركبت الثلاجه وعبينا المكيف غاز اكتشفنا انها تدخل ماي بحكم انها قديمه وتقلص حجمها والمشكله انه اذا بغيت تبدلها لازم تفك الثلاجه كامله يعني لازم تفرغ الغاز ثاني مره لانها راكبه من الداخل لكن انا جتني نفس فكره بوهادي وركبت لي للتصريف وموجه الى الاسفل وراحت المشكله عندي تماما وللعلم النيسان اصلا يطلع من الوكاله بدون لي للتصريف فقط البيب البلاستك لاني امتلك الان باترول 2009 وفاكه من الوكاله وهو بدون اللي بس مافي اي مشكله لانه الربله جديده والموتر قطري يعني مايفرق الخليجي عن السعودي ومثل ما انتوا شايفين في الصوره انه الربله الي حوالي بيب التصريف واضح انها قديمه ومتغير لونها بعد وتحصل فيها فراغ بسيط بين للبيب والربله يسمح برجوع الماي للداخل يعني انسب حل انك تركب لي لتصريف الماي وتفكه من اي موتر ولا تشتريه جديد بس يكون حق موتر ثاني بس يكون بنفس الحجم البيب

http://www.mekshat.com/pix/upload04/images163/mk18662_07052010262a1.jpg

[صقر20]

السلام عليكم ورحمة الله
حبيت أشكركم جميعاً
أبشركم لقيت الهوز بشق الأنفس من التشليح حق جيب ربع تويوتا الله يعوض راعيه ....
درت كل وكالات تويوتا بالرياض وماعرفوه ولا قدروا يطلعون رقمه
من الكمبويتر مع الأسف ... وآخرتها قلت مالي إلا الله ثم تشليح السيارات اللي بالحاير
ركبته اليوم وإن شاء الله الأمور تمام لحد الآن ..
الله يوفق هالوجيه الطيبه دنيا وآخره
وشرايكم أصلح مهندس :)

http://www.mekshat.com/vb/../pix/upload04/images163/mk18662_12052010276a33.jpg

تحياتي لكم جميعاً كلن بإسمه

[بوهادي]

مامن قصور وجعل من جابوك بالجنه يالأجودي
أنت اللي سامحني والله إني أشغلتك وأبلشتك معي أخوي بوهادي
وعدت صاحب الورشة يوم الأربعاء أودي له السيارة والحين الفرشة الأرضية نشفت تمام
بكرى إن شاء الله أروح أدور عليه وإن شاء الله تصير الأمور تمام
مشكور ماقصرت جعل عمرك طويل والله يوفق هالوجه والأخوان دنيا وآخره
أخوك: ابووليد



جزاك الله خير على الدعوه وماسوينا شي والشباب كلهم ماقصرو وكلنا اخوان

[aeyashi]

بصراحه الشكر لله أولا ثم لكم ياأهل هذا المنتدى لقد كان لكم الفضل الكبير في حل معاناتي هذه التى
اهلكتني ماديا ومعنويا لشهور طويله حتى انني يأست وقررت بيع الفتك واليوم بعد عمل الهوز المعكوف نجحت وذهبت المشكله

[الربذي]

وان بعد نفس المسكله والان باذن الله انحلت متى ينتهي الدوام مافيني صبر انواع المعانة مع السفر الطويل تغرق الفرشه تماما وكانك صاب جركن عشرة لتر
شكلي ابي اخليه يصب بالخزان وبكذا تحصل على الماء بدل ماتعبي

[aeyashi]

ابشركم الحمدالله انحلت المشكله تماما وكل هذا بفضل هذا المنتدى الكبير بمشرفيه وأعضائه
ومن لايشكر الناس لايشكر الله الشكر موصول لصاحب الموضوع والأخ ابو هادي