عندي تساوي ديرة (جنيف والنيل)

[ابن شارخ]

السلام عليكم ورحمة الله وبركاته
اشتقنا لكم ياهل المكشات، كلمات متواضعه اتمنى ان تحوز على اعجابكم:
http://www.mekshat.com/pix/upload/images4/DSCN0306.jpg



تكفون ياناصر وتكفون ياعيال = دنوا الحطب معكم ودنوا المعاميل

بشب بجروم القضا نار رحال = يطفي لهبها كل مابي من الويل

ودي أسوي لي على الكيف فنجال = ودق لي نجرنٍ ينادي الرجاجيل

يوم ٍ طريتوا البر راح الفكر مال = روَح على ذيك الفيافي سرى ليل

سروة هجيني لا سرى فيه جمَال = تطرب ركابه في سماع المواويل

تنساب بالممشى على الدرب لاطال = زادت عزوم ٍ ما تردى بها الحيل

يالله عسى مزن ٍ مع الوسم همال = تنزل على الريضان وتفيض وتسيل

ليا بدى من ورده الوان واشكال = عندي تساوي ديرة (جنيف والنيل)

ابن شارخ

[محب الشمال]

ابن شارخ ما فيه شك ان اي انسان فيه غريزة حب الوطن وخصوصاً وطننا الغالي
ويقولون ان حب الوطن من الايمان

[تالي الاولين*]

.


صح لسانك

حي الله ابن شارخ طولت الغيبة

لكن جزالة حظورك تشفع لغيابك

تقديري



.

[ريف النشاما]

السلام عليكم ورحمة الله

أولا نرحب بعودتك الميمونة على خيمتك العامرة ونتمنى ألا تعاود هذا الأنقطاع

وثانيا - نشكرك على هذه القصيدة القيمة والتي أتحفتنا بها فلك مني جزيل الشكر

وتقبل تحيتي

[ابو عايد]

أولا نرحب بعودتك الميمونة على خيمتك العامرة ونتمنى ألا تعاود هذا الأنقطاع

وثانيا - نشكرك على هذه القصيدة القيمة والتي أتحفتنا بها فلك مني جزيل الشكر


مرحبا مليون بك ؛ عودا حميدا ياشاعرنا " واخي الحبيب ابن شارخ

الحمدلله على السلامة ؛ والله فقدناك جعلك ما تفقد غالي ...............

وتقبل تحياتي // العاشق الولهان

[اسيزو 4x4]

مشا الله عليك صح لسانك يا أبن شارخ

[((( الحر)))]

يوم ٍ طريتوا البر راح الفكر مال .... روَح على ذيك الفيافي سرى ليل

صح لسانك يابن شارخ ... ومرحبا بعدتك ويعلم الله ان مثلك يفقد يالغالي

وافر تحيتي

[العزوم]

صح لسانك
الله يعطيك العافيه