مساعدة في تشخيص دبل قراند شروكي [الأرشيف]

مشاهدة النسخة كاملة : مساعدة في تشخيص دبل قراند شروكي

hightech

06/05/2010, 01:29 PM

السلام عليكم

من بعد طول غيبه ومده عن طلب المساعدة في مشاكل القراند شروكي :D رجعنا لكم

بخراب جديد اول مره يمر على وهو اني عشقت الدبل وطلعت ضلع طويل كنت توني

متغدي يالله لك الحمد وادور الاشغال الشاقه الله لايشغلنا إلا بطاعته

المهم اني طلعت الضلع وبنشر على كفر وعلق الدبل (هذي نهاية الفسقه):pطلعت نغص

المهم اني مشيت 70 كيلو والدبل معشق شكله الخفيف وكان الممشى ثقيل بالحيل

وطلعت روايح احتراق زيوت قويه والمهم اني وصلت الورشة وفكو عمود الدبل

وواصلت مسيري بدون دبل ...

سؤالي هل في ذي الحالة يكون الدبل انتهى او فيه مجال لاصلاحه؟

السؤال الثاني هل بالحاله هذي يكون ايضا الدفرنس الامامي تأثر بسبب الممشى والدبل معلق؟

شاكر لكم المساعدة وحفظكم الله من كل شر

السيارة قراند شروكي 98 8 سرندل

سوبر VTC

06/05/2010, 02:34 PM

يالله حيه
هذي نهاية الفسق :D
درنقة :p انت ؟؟؟

اذا حطيت القير بالدي و كانت فزة الموتر قوية
فمعنى كذا ان الدبل شابك على الثقيل
اما فزة عادية فهو مشبوك على الخفيف
و اذا كان تغيير نمر القير من نمرة 1 الى 2 الى 3 الى 4
عادية فهو على الخفيف
اذا كان التغيير من 1 الى 2 فزة مع نتعة قوية عند التغيير
فهو على الثقيل

لما علق الدبل هل كانت عصا الدبل خفيفة مرة ؟
هل ارجعت ريوس عشان يفصل ؟

هلال الخفيف اللي يعشق الدبل
يتاكل لانه المنيوم خفيف و دايم يخرب
و اذا خرب قيمته ب170ريال + اصلاح ب100تقريبا
اما هلال الثقيل فهو حديد و قليل جدا يخرب

عموما
اذا كان العصا خفيف يلعب
تحط الدبل بالثقيل و القير فاضي
ثم مباشرة تفضي الدبل
و ان شاء الله يفصل طريقة مجربة
بدليل ان عصا الدبل تكون ثقيلة عندما تريد تعشيق الخفيف
و هذا يدل على ان الدبل مفصول تمام

اذا مانفع تطبق نفس الطريقة
لكن ترجع ريوس بعدين تطبق الطريقة السابقة

اذا كان عصا الدبل مايعشق الثقيل يعني يلك
فتحصل الربلة + السيخ منطلقات عن المبسطة او القاعدة
طالع من محله او المجرى

http://www.mekshat.com/pix/upload04/images164/mk53291_asdipjpj.jpg

اذا عشقت الخفيف
بعدين جربت انك تنزل عصا القير لتحت 3ملي
او و انت تعطس فصل الدبل من حاله
فالسبب ان الصامولة مرتخيه حقت
ميزانية عصا الدبل
توزن بعدين يشد المسمار

http://www.mekshat.com/pix/upload04/images164/mk53291_asdjpjpj.jpg

اذا كان السيخ و الربلة منطلقات من محلهن
قدامك حلين
تجيب مفك طويل و تحطه بمحل الكس X
وتضغط السيخ للاعلى الى القاعدة او المبسطة
عشان يركب السيخ و الربلة
و يفضل تحط على راس الربلة زيت اية زيت عشان تنكبس بسهولة
او
تجيب كماشة و تضغط السيخ و المبسطة جميعا
و راح يركب الربل و السيخ بالقاعده

http://www.mekshat.com/pix/upload04/images164/mk53291_asdoihpih.jpg

hightech

06/05/2010, 03:15 PM

يالله حي استاذنا وعمدتنا سوبر
فعلا عصى القير كانت خفيفه ولا حاولت اني اعشق
ريوس لاني اصلا احسبه فصل ...
:l
ماحصلت وردة وحطيت لك هالغيمة الزينه

سوبر VTC

06/05/2010, 03:37 PM

حياك الله
تاكد من الصور اللي فوق
موفق

hightech

07/05/2010, 08:15 AM

حياك الله
تاكد من الصور اللي فوق
موفق

معذرة ياصديقي ردي الاول ماكان فيه صور والان الصور واضحة والمشكلة ان الميكانيكي

حصلته ثاني يوم فاتح الدفرنس الامامي ومطلع الكورنه والعكوس يعني مفضي الدفرنس

صاير جرم فقط شكله الميكانيكي يتوقع المشكله من الدفرنس الامامي هذا تحليلي وسألته

عن الدبل قالي ان الدبل لو يفكه وهو سليم ماراح يرجع زي اول وبالاخير فك بس عمود

الدبل وقالي من الافضل غير الدفرنس الامامي مع دبل تشليح :looney: وعلى طول سحبت

سيارتي ونحشت:redcar:. وش رايك عزيزي فتك بالكلام هذا وهل ارجع عمود الدبل وأقوم

بالخطوات اللي ذكرت مع العلم ان السيارة ثقيله بالحيل ويالله وصلت الورشة..

اعتذر على كثر الاسئله وانت كريم وحنا مستحقين...

سوبر VTC

07/05/2010, 09:18 AM

ابي سبب مقنع 1% من هالميكانيكي
ان الخلل من الدفرنس :mad:
و دامه يقول لو افك الدبل ماقدر ارجعه زي اول
هذي تحسب عليه و انه يتخرص و يتعلم
ركب العمود
و جرب خطواتي السابقة + تاكد من الذراع الربل
هل هو منطلق من محله ام لا ؟

بدوي جنوبي

07/05/2010, 02:49 PM

hightech

07/05/2010, 03:07 PM

الروائح واحتراق الزيوت
ان شاء الله طبيعيه
لان السياره اذا جاها جلد قاسي يطلع ريحه من كل قطعه تتحرك بالسياره
مكينه قير دبل دفرنسات هوبات ،،،،، الخ

جرب خطاوت الفتك
وشوف التجيه

بالتوفيق

حياك الله اخونا ومشرفنا القدير وهذا اللي بيصير ان شاء الله لكن خلني احصل مسامير

عمود الدبل :D الورشة يقولون انها ضاعت بسبب مطر يوم الاثنين (جيناك ياعبدالمعين

تعين لقيناك ياعبدالمعين تنعان) :p

hightech

11/05/2010, 03:40 PM

انتهت المشكله والحمدالله مثل ماتفضل الاخ سوبر فتك وبدوي جنوبي
طبعا قبل كل شي لازم
اوضح ان الورش كلهم اتفقوا على ان الدبل انعدم
ولازم يتغير وانه مجرد الكشف على
الدبل
راح يكون تقريبا مثل سعر دبل مستعمل
وفيه منهم من راح اكثر من كذا طبعا منهم
خليل اللي ورى شركة الجفالي والشروكي
يقول لازم يتغير دفرنس امامي مع دبل :hot:
والثاني نستور مع اني من اكثر المطبلين لهم دايم
لكن مع الاسف طلعوا ماعندك احد
طبعا نستور زاد على خليل حاجه ثالثه القير
وطلب مني اني ماأسوق السيارة واتركها
فورا :alarm: طبعا تركته مثل خويه الاول
ورحت لم حقين الدبلات والقيور وكلهم سبحان الله
على طول شخصوا ان الدبل عطلان
ولازم يتغير
وبالاخير كتبت المشكله هذي بمكشات
وكان رد اخوي سوبر فتك والتاكيد ايضا من استاذنا الكبير بدوي جنوبي باتباع خطوات
سوبر فتك
وفعلا ذهبت للعمودي اللي مقابل ميزان العضيب
اعتقد هذا اسمه وحصلت
المسامير عنده ولكن انصدمت بالسعر 6 مسامير مع 3 وردات ب200 ريال:confused:
وبالاخير رحت لمحل قيور ودفرنسات
وجبتها من عنده ب30 ريال والمنه لي بعد ولو
قلت بعشره قال خذها , حديد مكوم ورطان فيه
ورجعت للحضرمي العمودي وقلت شوف
المسامير ب30 ريال يابو200 طبعا
قام وجه يعطي جميع الالوان وللمعلوميه هذا
وانا عميله :j
المهم اني رحت لمحل يركب العمدان وركبه لي 50 ريال ودقيت من
عنده ريوس وقدمت وريوست ومغطت السيارة مع الخط الا السيارة مافيها الا العافيه
وعلشان اقطع الشك باليقين
لقيت شحنت رمل وطلعت فوقها وللتاكيد ريوست وطلعت
والناس يناظرون فيني يحسبون فيني بلا وانا ماني مصدق .............
بالاخير من لا يشكر الناس لايشكر الله

شكرا سوبرفتك شكرا بدوي جنوبي والله انكم وفرتوا على من الجهد والمال والوقت

الشي الكثير والله لايحرمكم الأجر .....

بدوي جنوبي

12/05/2010, 02:00 PM

hightech

13/05/2010, 02:18 PM

ما شاء الله
والله انى فرحت لك والحمد لله انك وفرت الكثير
وحفظ الله فلوسك وسيارتك من هؤلاء النصابين

والفضل بعد الله سبحانه يعود للمعلم الكبير
سوبر فتك

واتمنى كل واحد يفعل مثلك ،، ولا يستعجل فى الاصلاح
ولا يصدق اى احد ،،،،، 90% من الورش
نصابين دجالين محتالين

وصدقونى ماحك جلدك مثل ظفرك

سيارتك وتعرفها والدبل من الاساس سليم
وما اقتنعت بان الدبل يحتاج تغيير
عشان كذا الله حماك منهم .

وتحذير للجميع اغلب الدبلات والدفرنسات
اللى موجوده فى التشاليح والورش موضبه وملفقه
بقطع اما تكون تجارى او مستعمله تعمل لأيام فقط
وبعدها تعود المشاكل واكثر من السابق :

تكفا لا تحرمنا من دعائك
وفقك الله .

يامرحب والله يابدوي جنوبي والله اني كنت مستصعب سلامة الدبل والدفرنس خاصة بعد

روايح الزيوت والكلتشات وصعوبة وصول السيارة للورشة تقول اسوق مدرعة يالله تلف

ويالله تمشي وزودك من الشعر بيت اني رحت للتشليح وسعرت دبل مع دفرنس بس قالي

وكان يوم اربعاء وقالي الهندي تعال يوم السبت اركبهم لك وقدر الله اني اكتب المشكله

هناء والحمدالله بدال ماصرف 2700 ريال صرفت 90 ريال وكله من بركتكم انت

وسوبر والمفروض عاد اني اذبح لكم مفطح والله انكم تستاهلون فكيتوني من الضباع المسعورة ,

المشكلة اخوي بدوي ان الورش هذي هم المختصين في الشروكي

طبعا من اليوم ورايح ان شاء الله مالي ألا الله ثم ربعنا واهلنا كرامه والهاشل

والشباب السعوديين

صح ان اماكنهم بعيده شوي وحضورهم يعتمد على المزاجيه والسيارة تتأخر شوي

لكن خذ شغل ذمة وضمير وسعر اقدر اقول رمزي بالنسبة لغيرهم وياليت فيه

مثلهم كثير كان حنا بخير..

معليش حاولت اتفلسف وانسق الكتابة وطلعت زي مانتم شايفين .تحملونا.

سوبر VTC

14/05/2010, 11:45 PM

الله يبشرك بالخير
يابو فيصل
و الحمدلله فكك الله من الحنشل و الحرامية
الهاشل و الفعيم فقط :good:
ان كان زيت القير حرقان يميل للسواد فغيره
امسحه بفاين اذا طلع على نفس الفاين سواد فلازم التغيير
و الفلتر لا تغيره حق القير فقط يغسل ببنزين لانه حديد
و تاكد من زيت الدبل
عاد كم حسابي ؟ :D مهنا شيي ببلاش :D او تدري عشنا بمطعم هرفي :p
موفق

faisal1111

13/04/2011, 10:03 AM

انتهت المشكله والحمدالله مثل ماتفضل الاخ سوبر فتك وبدوي جنوبي

طبعا قبل كل شي لازم

اوضح ان الورش كلهم اتفقوا على ان الدبل انعدم

ولازم يتغير وانه مجرد الكشف على

الدبل

راح يكون تقريبا مثل سعر دبل مستعمل

وفيه منهم من راح اكثر من كذا طبعا منهم

خليل اللي ورى شركة الجفالي والشروكي

يقول لازم يتغير دفرنس امامي مع دبل :hot:

والثاني نستور مع اني من اكثر المطبلين لهم دايم

لكن مع الاسف طلعوا ماعندك احد

طبعا نستور زاد على خليل حاجه ثالثه القير

وطلب مني اني ماأسوق السيارة واتركها

فورا :alarm: طبعا تركته مثل خويه الاول

ورحت لم حقين الدبلات والقيور وكلهم سبحان الله

على طول شخصوا ان الدبل عطلان

ولازم يتغير

وبالاخير كتبت المشكله هذي بمكشات

وكان رد اخوي سوبر فتك والتاكيد ايضا من استاذنا الكبير بدوي جنوبي باتباع خطوات

سوبر فتك

وفعلا ذهبت للعمودي اللي مقابل ميزان العضيب

اعتقد هذا اسمه وحصلت

المسامير عنده ولكن انصدمت بالسعر 6 مسامير مع 3 وردات ب200 ريال:confused:

وبالاخير رحت لمحل قيور ودفرنسات

وجبتها من عنده ب30 ريال والمنه لي بعد ولو

قلت بعشره قال خذها , حديد مكوم ورطان فيه

ورجعت للحضرمي العمودي وقلت شوف

المسامير ب30 ريال يابو200 طبعا

قام وجه يعطي جميع الالوان وللمعلوميه هذا

وانا عميله :j

المهم اني رحت لمحل يركب العمدان وركبه لي 50 ريال ودقيت من

عنده ريوس وقدمت وريوست ومغطت السيارة مع الخط الا السيارة مافيها الا العافيه

وعلشان اقطع الشك باليقين

لقيت شحنت رمل وطلعت فوقها وللتاكيد ريوست وطلعت

والناس يناظرون فيني يحسبون فيني بلا وانا ماني مصدق .............

بالاخير من لا يشكر الناس لايشكر الله

شكرا سوبرفتك شكرا بدوي جنوبي والله انكم وفرتوا على من الجهد والمال والوقت

الشي الكثير والله لايحرمكم الأجر .....

يااخي موضوع رائع وشرحك اروع والاخوان سوفر فتك وبدوي جنوبي ونعم فيهم ماشاء الله عليهم وربنا يوفقهم وبصراحة انا عندي جراند شروكي موديل94 ابو 6 سلندر من يوم شريت السيارة والدبل مفصول من راس العمود قلت اعيد الدبل رحت لكم واحد من الورش ومنهم ميزان الخطوة وكلهم يقول اشتري عمود الدبل كامل ومايبغون يركبون الفاصلة بين العمود والمكينة المهم ياوجيه الخير اعتقد ان السيارة لها اكثر من3 سنوات ماشغل دبل يعني ايش الخطوات اللي اسويها الله يرحمنا ويرحمكم على شان اعيد الدبل الى سابق عهدة واذا تعرفون احد من الورش الزينة في الرياض دلونا عليها الله يسعدكم دنيا واخره