القير يفضي لمده ثانيه ويلقم جيب2008

[التنجستين]

السلام عليكم
عندي جيب جي اكس ثمانيه سرندل توماتيك موديل 2008
بعض المرات اذا صرت واقف وداعس على البريك والقير على دي اول ماشيل رجلي من البريك كانه يفضي بسرعه ويرجع يلقم ويمشي الموتر عادي لاكن بعض المرات بلحضه التفضيه هاذي ونا عند اشاره ادوس بنزين يلقم القير بسرعه ويطق القير رحت للوكاله قالوا القير يبي توضيب مع انه قليل يسوي الشي ذا
قلت للمهندس معقوله يبي توضيب والحاجه هذي قليل تطلع معي وبعدين اذا مشى الموتر كل تغيراته كويسه مافيه شي بس اذا صرت واقف ومشيت لمده ثانيه يفضي ويلقم القير يعني لو اصبر لين يلقم مايطق ولاشي
ارجو ا المساعده

[راعي العشــه]

مرحبا اخوي
غير فلتر القير يمكن يكون منه السبب

[1988]

وانت الصادق شف زيت القير يمكن يكون ناقص

[خالد الزومان]

اخوى ترا بعض الورش حليلا اذ شاف الوحد متضيق من الموتر دلا يلعب القير ما فيه شي شيك على الزيت بعدين القير على كلمك يبى وزان ثانى حدد اذ كان الموتر بارد ولا حار يسوى الحركه هاذي يعنى ماشى عليه مسافه طويله بعدين وقفت عند الشاره اذ كان كذا غير فلتر واذ كان عكس كلمى اوزن اقير والله العلم ولا تستعجل

[التنجستين]

غيرت زيت القير والفلتر باالوكاله نفس الشي
يسوي الحركه بكل الحالتين
مشكور اخوي راعي العشه و1988 و خالد الزومان

[بدوي جنوبي]

الضمان منتهى يوم قالك توضيب ؟

[التنجستين]

يبي يصلحونه على الضمان بس يمكن يكون فيه احتمال ثاني غير التوضيب

[التنجستين]

مشكور اخوي بدوي جنوبي

[stewrd]

اخوي انا صارت معي نفس المشكله بالضبط وكانت المشكله انه يبي توضيب كلتشات ولكن الشي ذا قعد معي تقريبا سنتين وبعدها جاوب الجربكس

[الساهر2003]

اخوي لا توضب ولا شيي
الا اذا الموتر على الضمان والمشكلة كبيرة صلحه
لكن اشوف انها عادية
موجودة في الباث واللاند القديم 2007 ونازل في الفي اكس ار
غير الزيت فقط بزيت اي سي ديلكو
اذا يصلح
واذا انت رافع الموتر بياي استرالي او كعكات تأثر على القير ويكون مثل مشكلتك

[التنجستين]

المشكله ان الحاجه الي فيه موب شي واضح
ابي اتاكد انه يبي توضيب علشان اصلحه على الضمان
وبسال عن الزيت الي قلت
مشكور اخويstewrd والساهر

[ساري 111]

تبي الشور لاتقربه ولاتسوي فيه شي ..

الموتر طبيعي .. وكثير من السيارات الاتو تجيه هالحاله اقوله لك من تجربه

بس حاول اذا عشقت ماتدوس على طول انتظر لحظه بس

[التنجستين]

اخاف انه يكون بدايه خراب الكلتشات وبعدين ما استفيد من الضمان
ابي اذا فيه احتمال ثاني غير التوضيب الله يعافيكم
مشكور اخوي ساري

[ساري 111]

اخاف انه يكون بدايه خراب الكلتشات وبعدين ما استفيد من الضمان
ابي اذا فيه احتمال ثاني غير التوضيب الله يعافيكم
مشكور اخوي ساري


الموتر كم ماشي ؟؟
وكم مره غيرت زيته ؟؟

[جلجونيا]

اذا الموتر ماشي عليه اكثر من 30000 غير زيته وفلتر القير

ان ما ضبط لا تلعب فيه << باقي فالضمان زود سنتين ونص وشف وش يبين معك

واهم شب اذا دخلته فالضمان لا اوصيك خلك ملوووسن ولا ترا بايكلون حقكـ

[التنجستين]

الموتر ماشي 90الف باقي عشر الاف وينتهي ضمانه
ونا غيرت زيت القير والفلتر قبل اسبوع ولا تغير
مشكور اخوي ساري و جلجونيا

[المراحي]

اخي في الله . نصيحة لوجه الله
مادام الموتر على الضمان فالافضل لك انك تاخذه للوكاله ويصلح على الضمان.وتاكد انهم يركبون لك قطع جديده ماهي مجدده.
تراك بتخسر كثير ان انتها الضمان

[ساري 111]

الموتر ماشي 90الف باقي عشر الاف وينتهي ضمانه
ونا غيرت زيت القير والفلتر قبل اسبوع ولا تغير
مشكور اخوي ساري

لاشكر على واجب اخوي

الزيت تأخرت عليه كثير المفروض تغيره كل 30 الف
يوم تغيره ماشفت لون الزيت ؟؟
لكن جرب تغيره مره ثانيه لان الزيت اللي انت حطيت صار بمثابه غسيل

اعرف ورشه اذا جتهم سياره ماغير زيت قيره من فتره وصاير مايل للسواد وفيها بعض المشاكل يسون له غسيل مرتين او ثلاث مرات وغالباً تضبط وتزيل المشاكل

[التنجستين]

ايه والله تاخرت عليه لان كل مواتري قير عادي الا هل مره اخذت توماتيك وكنت اجهل انه لازم يغير كل مامشى 30الف
لون الزيت فعلا كان مايل للسواد انشاالله زي ماقلت ابجرب اغير الزيت مره ثانيه ونشاالله يزبط
الله يعطيك العافيه اخوي ساري111
ومشكور اخوي المراحي

[moooj]

اتوقع يبي له برمجة فقط
ويقولون لك توضيب على شان تكون لهم دعاية (انهم حليلين وش زينهم)
رأيي الشخصي خل الوكالة تصلحه واستغل الضمان لا يروح عليك
والا وده لأقرب دولة خليجية لأن ربعنا ما لهم امان الغش قايم على عينك ياتاجر ما جابو خبر احد
الله يوفقك وييسر امرك

[q.8]

الموتر هل يستعمله احد غيرك ؟ لان احتمال في احد لاعب بالقير وترا طقه القير مشكلة قديمه باللاند معروفه من مديل 98 وهالطقه موجوده ولكن مسالة انه مايلقم معاك هذي صراحه غريبه شوي وانصحك دام موترك ماشاء الله جديد وباقي على الضمان دخله الوكالة ووقف على روسهم لين يخلصونه

[التنجستين]

الله يسمع منك وتكون برمجه
اذا يقلون كذا عشان الدعايه ممكن كل شي يصير وبالنسبه للضمان لاتوصي حريص ونفس الوكاله ماعندهم مشكله
الموتر ما حد يستعمله غيري
باالنسبه للطقه القير راحت لانه الشباب ماقصروا قالولي شحم العمود والصلبان والحمدلله زبط
بس باقي بدل الطقه ينتع الموتر وهذي بسبب التفضيه
انشاالله ابدخله الوكاله وبخلي موضوع التوضيب اخر حل
مشكور اخوي moooj وq.8

[ابوصالح77]

إذا كان على الضمان فما عندك مشكلة الوكالة تصلحه لكن أطلب قير جديد
غالباً ماتكون عدم اللقمة من نقص زيت القير
تأكد من الزيت وحط زيت أصلي وكالة أو ألماني
والظاهر إن الفلتر يجي حديد يغسل ببنزين ويصير وكالة