شكل ماحولناش

[مرصاد]

مساء جميعاً

اعتقد والعلم عند رب العباد إن ماحولنا مطر هالأسبوع كله والجاي وذلك بسبب تمركز مرتفع من الرياض وجنوب وحنوب شرق فهو بأمر الله يمنع تكاثر السحب على منطقة الرياض وماجورها بل يسبب تلاشي للسحب القادمة مهما كانت كثافتها وذلك كله من عند الله،،،،،،،،،

تحياتي
مرصاد الرياض ،،،،،،، ودمتم

من خلال متابعة موقع البي بي سي يلاحظ عدم وجود توقعات قريبة

[حـــادي]

ابشر بالخير أخوي مرصاد والله أنا متفائل جداً وبإذن الله سنشاهد الأمطار .
اليوم الشمال يذكرون عندهم مطر وان شاء الله هذه الاحتمالية تنسحب لنا ايضاً ولا تنسى من خلال الأقمار الصناعية ان السحب انتشرت على غرب وجنوب غرب وشمال غرب المملكة وبعضها بالفغعل اقترب من منطقة الرياض .
http://meteosat.e-technik.uni-ulm.de/cgi-bin/meteosat-latest?imgtype=color&format=gif&D.x=160&D.y=50

نسأل الله أن يغيثنا غيثاً هنيئاً مرئياً سحاً غدقاً مجلجلاً نافعاً غير ضار .

[عالي الشان]

هلا اخوي مرصاد ..
الفتره الحاليه والقادمه لايمكن التنبؤ بها .. حيث تشهد تقلبات جويه سريعه والمرتفع الجوي إن وجد فهو لا يستمر فتره طويله عكس ما كان يحدث خلال فتره الشتاء .
عموماً الجو الان في الرياض الثلاثاء 11.55 مساء غائم والسحب بتزايد واشوف بالاقمار الصناعيه وجود سحب جيده غرب المنطقه الوسطى والخير جاي ان شاء الله بالطريق

على فكره ... اجزاء من سدير هالليله جاها رش مطر حسب ما وصلني من احد الاصدقاء.

[راعي الحزم]

أخي الحبيب مرصاد ليش أنت دائم متشائم وما لك ذكر الا هالمرتفع يأخي تفآل بالخير وستجده

جميع العناصر الجوية تبشر بالخير بس نبي الدعاء والتضرع الى الله عز وجل وشكرا لك على اثراء المنتدى فبجهودكم أصبحت هذه الخيمة من افضل خيام مكشات

الا على فكره سمعت بالمتنبى الجوي وينه وش قصته اذا كان موجود ارجو منه الضهور اريده ضروري

[ابو وطبان]

أخوي مرصاد تفائل بالخير تجده ولا تكن متشائم والعلم عند الله إذا اراد الله شيئا قال له كن فيكون سبحان الله وبحمده القادر على كل شئ

[مرصاد]

ها ،،،،،،، صدقتوني يأخوان

قايل لكم إن ماهناش ابد والخير عند الله بس الله يأمره علينا اليوم وباكر

بس اللي يبي يشوف السيل يروح شمال على طريق القصيم وشمال شرق والله اعلم

تحياتي مرصاد الرياض

[عالي الشان]

اعتقد والعلم عند رب العباد إن ماحولنا مطر هالأسبوع كله والجاي وذلك بسبب تمركز مرتفع من الرياض وجنوب وحنوب شرق فهو بأمر الله يمنع تكاثر السحب على منطقة الرياض وماجورها بل يسبب تلاشي للسحب القادمة مهما كانت كثافتها وذلك كله من عند الله،،،،،،،،،


ها ،،،،،،، صدقتوني يأخوان
قايل لكم إن ماهناش ابد والخير عند الله بس

امس الثلاثاء بالليل رشت علينا شمال الرياض ... واليوم مشاء الله بروق ورعود وانا ارد عليك الحين بدت تمطر :)
يعني الخير موجود ولله الحمد .

[تباع المزن]

تفائلوا بالخير تجدوه ............. تفائل يا أخي مرصاد ............ و خصوصا أننا في وسم الصيف اللي يتميز بسرعة تكون الخلايا الرعدية بشكل واضح ............. اللهم أغثنا يارب.