الاسبااب الرئيسيه لتغير الجو وهطول امطار هذه السنه

[ابن فهيد 511]

اولااا : السلااام عليكم ورحمة الله وبركاته

ثانياا : اخواااني واخواتي اعضااء منتدى مكشات اثنااء تجوالي امس الليل مررت بشبااب جالسين ويتسامروون

فجلست معههم وقمنا نسوولف عن الامطاار الجميله اللي على الريااض وفجاة قال احد الشبااب ان سبب الامطاار

هو ثورااان بركان ايسلندا وان الجو سيتغير الى حين هدووء البركاان والرجل وجه وجه الصدوووق

فحبيت افتح هالمووضوع لكي نشوووف وش اسبااب تغير الجوو هل هوو غضب من ربي او ان السبب هو بركان ايسلندا

[الرويضة اون لاين]

العلم عنداللي ينشي السحابي...

ياخوي ابوانا وجدانا وجدانهم قد جتهم منول اكثر من هالسيول وجاهم غرقات وشي علمة عند الله ولا قالوا من الباركين ولا من عوامل الطبيعة , هذي اشياء علمها عند الله , واعتقد ان مخاييل الصيف مالها امان البتة , يقول خلف بن هذال : ولا تامن سحاب الصيف يلقح بسرع الاوقات..**..ديارٍ عامرة بشعوبها راحت من اسبابة...

هذا مالدي والله الهادي

[دقسن]

صحيح كلام الاخ حتا انا بس افكر اقول وش هلي جانا عسى مهيب علامات يوم القيامة امطاروخير ولا الرياض دايم اشهب

[همايل برديه]

صحيح كلام الاخ حتا انا بس افكر اقول وش هلي جانا عسى مهيب علامات يوم القيامة امطاروخير ولا الرياض دايم اشهب
الرياض عام 1402 ه وعام 1416 وعام 1418 وعام 1421 ومابين هذي الاعوام كانت تجيه امطار غزيره جدا الجفاف اللي مر على الريا ض بعد عام 1421 عشر سنوات ماشفنا مثل هذي الامطار الاعوام السابقه كانت اغزر امطار من هذي السنه وان شاء الله تستمر الامطار مثل الاعوام السابقه

[عنقاوي رمان]

الف شكر على التقرير اما باالنسبه المطر على الرياض هو رزق من العزيز الحكيم
اما في سنين مضت الرياض هي قلب الا امطاااارالحمد لله على النعمه الي جاب الخير




تقبل مروري :l

[عالي الشان]

ماله دخل البركان


كل هاللي نشوفه رزق من رب العالمين

[رياح الربيع]

يابن الحلال لا بركان ولا غيره له دخل بهالامطار .... حنا وين وهو وين البركان ؟؟؟

المناخ يبي يتغير لعوامل كثيره ... لكن حنا الان في البدايه .... عشان ترجع الجزيره مطيره والله اعلم ..

مئات السنين واكثر ... الامر ليس بسهل ياخوي ... وربنا خلق الكون وجعل لكل شي سبب لتغيره ...

وجعل التغيرات بإنتظام ....
هذا والله اعلم

[ابومحمد2005]

مايحصل من شي في الكرة الأرضية , من خير , ومنع , وسيل وقحط , وحياة , وموت , وبراكين , وزلازل مهلكة , وفياضانات مدمرة , وحوادث متكررة , إنها من الله العزيز الحكيم , المتصرف بملكه كيف مايشاء سبحانه هو القادر على هذه الأشياء كلها , ولايعلم بهذه الأمور ويطمئن بها غير المؤمن بالله الواحد القهار , فيا أخواني نحن أمةٌ مسلمةٌ يجب علينا أن نعود لديننا , لكي يزداد يقيننا وتطمئن قلوبنا في هذا الزمن المخيف و ولاحول ولاقوةً إلا بالله العلي العظيم , وهو حسبنا ومولنا فنعم المولى ونعم النصير .وصلى الله وسلم على نبينا محمد

[الجال الشرقي]

وعليكم السلام ورحمة الله وبركاته
وفي رأيي أن الجواب يكمن في إسم ( الرياض ) ولماذا هذا الإسم ؟
من المعروف أن الرياض هي جمع روضة , والروضة هي مساحة من الأرض تتجمع فيها السيول فيكثر العشب والأشجار فيها , وقد أطلق إسم الرياض على مجموعة من الرياض الغناء من قديم الزمان .
ومن هذا نستنتج أن الأمطار التي هطلت على الرياض ليست جديدة عليه ..

جعلها الله أمطار خير وبركه .

[فقاع]

الأمطار التي ضربت منطقة القصيم في شهر مايو سنة 1402(1982) وسنة 1407 (1987) أقوى وأعنف من هذه الأمطار وصلت كميات الأمطار فيها إلى أكثر من 400 ملم وهي كميه خطيره وغير مسبوقه ثم جاءت بعده سنة جفاف شديد وهذا العام وحتى الآن هو من أشد الأعوام جفافاً بالرغم من الأمطار التي نزلت على حائل والقصيم والرياض في الأيام الماضيه حيث لم تصل كمية الأمطار 100 ملم

[مرفــأ]

مع شكرنا لك وفتح مثل هذه المواضيع يجب أن يكون مستند على شي علمي أو يكتفى بطرح مثل هذه الأراء في موضوع الأخبار والتوقعات والأخوان ما قصروا في الإفادة عن بعض ارائهم