مشكلة غرق السيارات

[كاشت المدن]

السلام عليكم ورحمة الله وبركاته
في هذه الايام وبعد الامطار :lعلى مدينة الرياض
لنا اخوان واصدقاء كالاخوان واخوان في الاسلام غرقت سياراتهم
ونحزن على ذلك ولا نريد لهم الخسائر
فكما عودتمونا على حل المشاكل
امل وضع الحلول المناسبه بعد غرق السيارات
وافضل الورش لاصلاحها
(لاننا ملينا من النصب والاحتيال والسرقه)
(صديق لي غرقت سيارته من نوع هوندا اكورد 2009 )
وامل ان اجد عندكم الحل المناسب
والسلام عليكم ورحمة الله وبركاته

[كاشت وحداني]

كان الله بعونهم وعوضهم خير واولنصيحه مني:

لما يغرق موترك لاتحاول تشغله ولا تفتح السوتش علشان الاشياء الالكترونيه مايوصلها الكهرب وتتلف .

ونشوف باقي الاعضاء ونصايحهم.

[الجنوبي 911]

الله يعين ويعوض الي غرقت سيارته زي ماقال الاخ افضل شي حاول ماتشغل السياره وحطها في الشمس قد ما تقدر وبعدها شف الي يصير

[بدوي جنوبي]

كان الله بعونهم وعوضهم خير واولنصيحه مني:

لما يغرق موترك لاتحاول تشغله ولا تفتح السوتش علشان الاشياء الالكترونيه مايوصلها الكهرب وتتلف .

ونشوف باقي الاعضاء ونصايحهم.

كلام سليم :good:

وزد على ذلك فصل البطاريه
وكم ذكر الجنوبي 911
حاول وضعها بالشمس :s

بالتوفيق :r

[ابودعسان]

الله يعينهم على ما ابتلاهم ويعوضهم

[abdul2005]

كلام سليم :good:

وزد على ذلك فصل البطاريه
وكم ذكر الجنوبي 911
حاول وضعها بالشمس :s

بالتوفيق :r

وزد على ذلك فك صرة زيت المكينة

[مغلي]

هل سيعوضون كما عوض اهل جده المتضررين

آمل ذالك .... فكلهم سواء

[كاشت المدن]

شاكر لكم ولكن مازلت بانتظار البقيه يدلوننا على الورش او المشكله علما
ان زيت المكينه مافيه مويه وزيت القير كذلك(عن طريق سحب العيار) ومع ذلك تم تغيير الزيت
وعلبة الفيوزات خاليه من الماء ولايوجد تهريب في الزيت(يعني مافيه شرخ بالمكينه)
وفلتر الهوا غرقان ماء والكهرباء تمام مافيه لخبطه او اي مشكله
والسياره ماتشتغل
ودمتم ياليت اللي يعرف المشكله وين بالضبط او يدلنا على الورشه المضبوطه

[بدوي جنوبي]

شاكر لكم ولكن مازلت بانتظار البقيه يدلوننا على الورش او المشكله علما
ان زيت المكينه مافيه مويه وزيت القير كذلك(عن طريق سحب العيار) ومع ذلك تم تغيير الزيت
وعلبة الفيوزات خاليه من الماء ولايوجد تهريب في الزيت(يعني مافيه شرخ بالمكينه)
وفلتر الهوا غرقان ماء والكهرباء تمام مافيه لخبطه او اي مشكله
والسياره ماتشتغل
ودمتم ياليت اللي يعرف المشكله وين بالضبط او يدلنا على الورشه المضبوطه

اخوى كاشت
قل خويك يروح للوكاله ويكشف عندهم
اكورد وموديل 2009 ما اعتقد بيلقى احد يفهم فيها كثيررر

بالتوفيق

[جلجونيا]

بالنسبه للورش ما اعتقد السياره محتاجه ورش

قد تحتاج قـطع جديده ( مثل الطبلون والعداداات

اما المحركات ومحتويات الكبوت غالبن تبقا سليمه اذا لم تشغل السياره بعد المويه


اي زيت فالسياره نزله ( الدركسون - المكينه - القير - الفرامل ... الخ )

واتركها فالشمس مده الين تتاكد ان المحركات نشفت
عب كل شي فرغت منه زيت وجب كهربائي يفحص لك الكهرب كااااااااامل من الصدام لصدام

وبعدها شغل وان شاء الله منتب خسران عليها الا زيت وقيمة فحص المهندس


وبالنسبه للورش يفيدونكـ

[خالدي البره]

مثل ماقالو الاخوان لاتشغل السياره

بس انا قد غرق موتر عمي في السيل وطلعناه وخلينه لين ينشف الماء منه
ثم فضينا زين المكينه وخليناه يوم كامل ينزل ثم صبينا فيه زين وشغلنا السياره ثم نزلنا الزين وصبينا زيت جديد والحمد لله ضبط الموتر ولا عاد به خلاف ماعدى انها بعض مكرات السيور طلع فيها صوت وغيرناها الموتر هايلوكس

مع العلم ان الموتر ماطول وهو غرقان يعني جلس من 5 ساعات وفيها

[كاشت المدن]

شاكرلكم جميع
تم فك البواجي ولقيناها مصديه وفيها مويه
وغسلنا موقعها ببنزين وغيرناها
ونضفنا البخاخات والتانكي
وغيرنا الفلاتر وجميع الزيوت
واشتغلت ولله الحمد
(كان سبب ظفية الموتر ان قربة الهواء مكسوره ودخل الماء عن طريقها)
اكرر شكري لكم
ودمتم

[المميـز]

:

اقـتــــــــــــــــــراح

وش رايكم لو الواحد يركب بشاصي السيارة من تحت بلاستك مثل حقات الدفاع المدني

بحيث ان لو لاسمح الله السيارة طبت بالماء ( البلاستك يساعدها على العوووم فوق المـــاء )

:)

[االكريزي]

اتمنى ان الاخوان يفيدونك

[كاشت المدن]

:

اقـتــــــــــــــــــراح

وش رايكم لو الواحد يركب بشاصي السيارة من تحت بلاستك مثل حقات الدفاع المدني

بحيث ان لو لاسمح الله السيارة طبت بالماء ( البلاستك يساعدها على العوووم فوق المـــاء )

:)





اخوي المميز شكرا على الاقتراح:good2:
لكن يبيلك مجاديف او مروحه عشان توجيه السياره
واقترح انك تسوي اختراعك على على باص وتقص التنده وتجيب بنقاليه يجدفون والوعد
واحد من كباري الرياض اذاجا مطر:l
ويصير للسياحه والدخل النص بالنص او للانقاذ
واذا نجح اختراعك ابجرب انا المروحه اركبها على الباص اتفقنا

[المميـز]

اخوي المميز شكرا على الاقتراح:good2:
لكن يبيلك مجاديف او مروحه عشان توجيه السياره
واقترح انك تسوي اختراعك على على باص وتقص التنده وتجيب بنقاليه يجدفون والوعد
واحد من كباري الرياض اذاجا مطر:l
ويصير للسياحه والدخل النص بالنص او للانقاذ
واذا نجح اختراعك ابجرب انا المروحه اركبها على الباص اتفقنا

العفوووو :):D

والمجاديف خلهن تحت المرتبه ولاشفت الجو غيم جبها عندك قدام :p

وجدف مع الشباك ... اهم شي ان الواحد يحافظ على موتره ويضمن انه مايكون ضحية كبري غرقان من الماء

واذا تبي نطبق المشروع على الباص اللي تقول ماعندي مشكله قدام :good2::D:)

[sarab88]

ااااااااااسمع اخوووي اول شي انتبه تشغل السياره لأنك اذا شغلت بتجيم عليك زين
اول شي تفك البواجي بعدين الفلتر حق الهواء بعدين الحساس اللي شابك مع الخرطوش وانتبه تراه حساااس مره بعدين تفك الصرة حقت الزيت شف اذا فكيت البواجي شف محلات البواجي من جوا كان فيه مويه جبلك مكنسه شفط نظيفه واشفطها زين بعدين طال عمرك شفت السير حق المكينه امسكه ودربه بيدك شوي بس الى فيكت هذا كله ركب باجي جديده اظمن لك والفلتر نظفه زين مررره والحساس نظفه على هونك لانه على اسمه حساس وعب الزيت لاتنساه عشان ماتجيب الطاعه وسم بالرحمن وان شاء الله بتشتغل وعطهااااا بوسه وتقبلوووووووووووووووا مروري;)

[ابوصالح77]

الله يعوضهم خير
1-لا تشغل السيارة
2-تنفيخ السيارة عموماً وكل ما يتعلق بالكهرباء خصوصاً
3- تغيير زيت الماكينة والتشييك على جميع الزيوت
4-يجب أن تنشف تماماً
5- دق سلف وتوكل على الله لأقرب مركز تلميع وغسل داخل السيارة .