الاسبوع القادم والله اعلم وحسب تسجيل تاريخ اعنف السحب على بعض المناطق

[خالد العوض]

من الاسبوع القادم بأذن الله وحتى 15-3-1426 يصادف تاريخ اعنف سحب عرفتها بعض مناطق المملكة في شهر3 ميلادي الى15-4ميلادي شهدت المدن التاليه امطار عنيفه جداً
القصيم عام -1402-1407 استخدم بعض الناس القوارب وظهر ذالك على التلفزيون السعودي
الجنوب اعتقد 1403 سيول عارمه لاتوصف
الرياض 23-3-1986 -1416
على العموم يا مطارد سحاب انتبه للنفسك الايام القادمة,,, ومؤشر احساس يقول الله اعلم ان فيها
( واليلة الظلماء بينه من ضحها) يعني افهم الله يستر عليكم
http://www.uparab.com/Images/1110919660-1868855968.jpg

[أبــوريـــان]

مشكور اخي خالد
ويعطيك العافية

والخير جاي

[راعي الحزم]

ماشاء الله عليكم احييتوا الخيمة فعلا اعلوم ارجال تسر الحال وشلونكم يالربع مبطين عنكم

ومشكور يابو عوض على التنبيه لأمطار الصيف ومثل ما يقول الشاعر


لاتامن اخيال الصيف يلقح بأسرع الأوقات === كم ديرة راحت وأهلها من اسبابه

ولي تعقيب بسيط أمطار 1402 كانت من 20 ابريل وانقطعت فترة اسبوع وعادت بغزارة شديدة
في أوائل شهر مايو وهذا الشهر نادرا ما تهطل به سيول غزيرة مثل التي حدثت تلك السنه وعسى الله يجيبه
وابشرك اننا هالحين بالرس نشوف البرق جنوب يمكن على نفي والله اعلم

[خالد العوض]

و ينك ياخوي غبت عنا عسى ماشر . وين الصور حقات البردية الي جت على الرس

[راعي الحزم]

شكرا لك اخوي خالد انا تراي مشغول دائما ولا استطيع ان اجد وقت كافي وخصوصا بوقت المطر
ماأدخل البيت الا متأخر ويالله أشوف طلبات العيال لكن ابشر بسعدك ها الخميس والجمعة ماعندي شغل انزلك كل اللي بالكاميرا بس ان جاء مطر لادورن الا تحت الخيال

[exit8a]

السلام عليكم
مسيك بلخير اخوي خالد
ودي اسئلك عن احتمالية انه ياطانا السحاب الي انت معلم عليه كان عندك خبر
ومشكور على مجهداتك الي تبذلها انت واخوانك بلخيمه

[خالد العوض]

السحب البيضاء سحب قوية جداً وهي سحب المزن الركامي شديد الكثافة مثل منت شايف وهي بدات تقترب من المناطق الجنوبيه من المملكة والله اعلم

[محب الشمال]

اسأل الله الحي القيوم ان يجعلها امطار خير وبركة ويغيثنا ويرحمنا برحمته
والله يحفظكم من كل شر ومكروه

[ذيب سدير]

والله ياخالد يمكن أنت أخبر مني ماتشوف ان هالسحب بعيده ويمكن تخلب او يتغير اتجاهها والا وش رايك ؟

[خالد العوض]

مهو شرط انه تاصل نفس السحب لكن يكفي ان تاصل منطقة الظغط المنخفض هذي وتتكون منه بأذن الله نفس السحب
يعني اذ وصلت هذا الظروف الموجودة على شرق افريقي يكفي وانت تلاحظ ان السحب الكثيفه صار له اكثر من 10 ايام في هذا المكان وهذا دليل على ان المنطقة تقع تحت قيم ضغط منخفضه جداً والدليل قوة السحب والله اعلم

[سيف الرعد]

ماشا ءالله عليك اخوي خالد

تسلم على المعلومات

يعطييييييييييييييييييك العافيه

تحيتي لك سيف الرعد