راس مكينة الباترول ضرب وش الحل ياهل الباترول

[الكرينكوف]

بسم الله الرحمن الرحيم
راس مكينة الباترول موديل 91 جاه شرخ عند البلف الخامس

وش الحل ياهل الباترول وهل سعر الراس في الكويت ارخص من عندنا؟

ونبغى نصايح الي جربوا مثل هالمشكلة

والله لايرينا ولايركم اي مكروه

[Bader-M]

الحل راس جديد

الراس سعره جديد فوق 3500 ريال

اما المستعمل لا يقل عن 1500 ريال (وهو نادر جدا)

ولكن سوف اعطيك رقم شخص(على الخاص) ان شاء الله راح يفيدك

تحياتي اليك

[الكرينكوف]

جزاك الله خير اخوي طاير بالعجه

والله انه غالي حسبي الله على الي كان السبب

قبل سنه كان سعره 2400 ريال

[Bader-M]

كان البخاخ 2400 ريال
اما الكلبليتر 2450 ريال (اغلي من البخاخ) مادري ليه ؟!

اسعار قطع الغيار خلال العام المنصرم زادة اكثر من 30 % وبعض الشركات وصلت الى 50%

والسبب يرجع الى نزول قيمة العملة و كذالك لا ننسى غياب الرقابة و حمية المستهلك

تحياتي اليك

[1988]

سألت عنه قبل شهر سعره بقطع الغيار 4200ولا ينزل ريال موصين عليه واحد من الشباب بالقصيم واكلم ابو صالح التركي والقى عنده واحد ب2000 مصنفره البلوف مضمون وجه واحد بدون جلد بلوف وسبرنقات

[ARB]

دور لك مكينة نظيفه و اشرها تحصلها من 3000 الى 4000
تضمن من تشتري راس لحاله ثم يصير الشنبر ضعيف و يحتاج شنبر او توظيب

[كويتي المكشات]

مرحبا اخوي بالنسبه لسعره عندنا بالكويت بشركة البابطين 290 دينار بعد لخصم
وكلفت واحد من اهل الرياض عشان يجيب سعره من الحمراني وعلى كلام البائع اللي كلمته سعره بعد الخصم 5300 ريال

[سنافي نجد]

..السلام عليكم ..هذا عيب الباترول القديمه .. مكينتها قويه .. والراس ضعيف .. واذا ارتفعت الحراره .. الراس على طوووول ينشرخ (يعني يا راعين الباترولات القديمه لا تتهاونون اذا شفتوا الحراره مرتفعه ووقف على طووول) اما من ناحية الرأس اذا كان الشرخ بسيط .. فيه تلحيم ليزر وعليه ضمان .. اما اذا قوي غير الراس .. انا قبل 6شهور شريت مستعمل ولله الحمد 1700تقريبا .. وفيه مخرطه بالرياض اسمها الصفدي بالصناعيه القديمه .. رح لها ورح لواحد اسمه فهد .. بيفيدك ان شاء اللهوما تشوف شر ان شاء الله ..

[NissaN 1990]

شريته قبل كم سنه 1500 ريال من التشليح اللي بالصناعيه القديمه أسمها صناعية العويضه وركبته وضبط الحمد لله
دور يمكن تلقى شي رخيص وزين وأحرص على أنه يكون مسحه وحده ،،،

[aljnobey]

ولا يهمكم
انا اليوم اجيب لكم سعر
خاص للاعضاء وعلى مقدرتي
واي قطعة يبيها لواحد لنيسان
يكلمني وانا اشوف له السعر وبعد الخصم

انتظرو التسعيرة للراس
ويكون اصلي وكالة الحمراني

[الكرينكوف]

يعطيكم العافية جميعاً وماقصرتم وبيض الله وجيهكم

انا في الشرقية وسعره عند الجبر 6500 تقريبا قبل الخصم وبعد الخصم 5700 ريال

وعند الموزعين اصلي ومن اليابان ومضمون ونفس الي في الوكالة بـ 3700 وموزع ثاني لقيت عنده بـ 3500 ريال وهذا الي شريته ولله الحمد
ولقيت واحد صيني بأ 1700 ريال لكن الصيني صيني ولو غلف بالذهب.

اما من ناحية التشليح وما التشليح والله وجع راس وتخاف منه فقلت الجديد يغنينا باذن الله

ولاعدمنا ارشاداتكم ونصحكم

[aljnobey]

الله يعينك فعلا والله تفاجات في السعر اليوم انه واصل بعد الخصم 4400
وقبل الخصم واصل حدود 6400

[crazy ربع]

أنا في سكاكا و سعره عند المعيقل 3000 ريال

[أحمد محمد1429]

[QUOTE=crazy ربع;10371544]أنا في سكاكا و سعره عند المعيقل 3000 ريال[/QUOT
الموضوع قديم جدا

[ولد البقيشي]

شباب حنا عدنا بالامارات نحط راديتر لاند كروزر استيشن 97 ونحط مراوح مكسيما الحمدلله ماترتفع الحرارة بالصيف