وين لانصاف ياالصقاقير

[درويش]

الســـــلام عليكم ورحمه الله
اخواني واحبائي كثير مااسمع بان الصقار مايحب راعي الشوزن وش لاسباب انا والله باالنسبه الي مااعرف لان راعي شوزن مع اني كل مالقيت جره حبارى على طول =يااقرب صقار مع انها تعتبر صيده ولاكن عتبي على الصقاره عندما تسالهم عن القطاء يقولك والله هاالحين طلع عليه الطير وبرقعته وسقت عليه وصدناه طيب هاالحين وين الانصاف ياالصقاقير هاالحين بتزعلون علينا ان صدنا الحبارى ونتم تصيدون اللي تبون والمشكه انها جت من راعي سنار ومن غالبيت الصقاره
عبروا عن ارائكم
راعي البيكال

[راعي سنار]

مشكور ياراعي البيكال على الموضوع :good: ولكن عندما تقول بان راعي الطير مايحب راعي الشوزن هذا غير صحيح افهم من كلامك انك ماتبي راعيالطير اذ شاف قطااو كدري يرميه اجل وش يسوي يهد عليه لازم يرميه لان معه شوزن:good: لكن راعي الشوزن المفروض انه اذشاف حبارى ينادي اقرب صقار يهد عليهالئن مامعه طير:good: بالنسبه للراعي سنار سبق وان ناداك على جول كدري بس ماهو مقسوم;) مع العلم انك رميت حبارى كان فيه مجال انا نهد عليها:good2: نضف الروسيه خلها جاهزه للموسم

[دعاس]

نبي نتدخل بالاراء بس مادام تعرفون بعض وصار بينك بعض المواقف الان ماله داعي انا نعبر عن ارائنا
وتقبل مروري
ابو نواف

[عايض الدرعان]

:good:
نبي نتدخل بالاراء بس مادام تعرفون بعض وصار بينك بعض المواقف الان ماله داعي انا نعبر عن ارائنا
وتقبل مروري
ابو نواف
والله صدق اخوي ابو نواف

[صويااان]

الله يرزق راعي الطير وراعي البندق
والحبارى ماودك ترمي

[راعي غضبان]

مرحبا اخوي يمكن السبب ان الحبارى قليله وراعي الطير يدور لين يعجز يمكن مايلقاء الي يهد عليه والا صيد القطا والحمام متوفر وحتى له طعم في اكله واما الحبارى مالها طعم الا في الهدد عليها وان لقيتها علم راعي الطير ويصيده لك ويعطيك اياه حيه او ميته ان كان حيه تبيعها بكم الف وان كان ماتت تاكلها بالعافيه والله يرزققك بالصيد الوقير من حمام قميري وكدري وتشبع منه وتخلي الحبارى لاهل الطويرات يجربون طيورهم والف شكر لك وتقبل مروررررررري

[الرااسي]

موضوع جميل لكن اذا كان معه طير ويرمي الحباره له والطير شايخ عليها هذا شتقوله وين المتعه فالصيد والله ماعاد للشوزن حلا لاصارت تثور على الحباري يااخي مثل ماقال اخوي راعي غضبان مالها طعم الا في صيدها بالطير ولا الشوزن ترعد على اجوال الحمام والقطا افظلها واجد ولراعي الشوزن السموحه على الاطاله وتقبل مروري

[المري]

الحبارى يصيدها الطير

والقطا مايصيده الطير ولا فيه امل ان الصقار يهد عليه

فاللي مايصيده الطير لازم على الرجال انه يرميه

هذا السبب طال عمرك...

[درويش]

الله لايهينكم على المرور الجميل المتمثل باخلاقكم العاليه
لالالاهنتم جميعا

[الطبشي]

يا رجال انا راعي طير وراعي شوزل لاكن كلن وصيدته والله يرزق الجميع00

[عتيج الصوف]

الله يرزق راعي الطير وراعي البندق .. بس ودك الحبارى تنرمي

[ذيب الحرار]

الله يرزقك

[راعي جزلا]

الله يرزق الجميع كل واحد وصيده الي يشوفه تقبل مرووووري

[صاحب نوماس]

:good: :good:
الحبارى يصيدها الطير

والقطا مايصيده الطير ولا فيه امل ان الصقار يهد عليه

فاللي مايصيده الطير لازم على الرجال انه يرميه

هذا السبب طال عمرك...
:good: :good:

[الكايد 123]

مثل ما قال اخوي المري

الي يقدر عليه الطير ينهد له
والي ما يقدر عليه الطير يرمونه
وتقبل مروري
اخوك : الكايد

[صقار بني ياس]

سلام الله عليك يا درويش

شخبارك عساك ابخير وسهاله

أنا فرايي إن الحبارة للطير ويمكن السبب أنه متداول بين الناس ( هذا العرف ) الهمم لكلن رايه

بالنسبة للموضوع هذا كنت كاتب قصيدة بخصوص الموضوع هذا فقلت:

.........

صيدوا وقصوا ثر الحبر تقصيص *** لكن بلا طلق بارصاص غادر
خلو الحباري لجل طير قنيص *** طيرن يعشـْق المعالي وقادر

المهم مثل ما قتلك

لعل السبب أنه اصبح عند الناس منقود ترمي الحبارة

هذا رايي الشخصي ولكن رايه

صقار بني ياس

[درويش]

الله لايهينكم جميعا على المرور الذي اعتبره وسام على صدري

[نمر الصحراء]

الله يرزق الجميع